Tungjatjeta Esat Loshaj-Tungjatjeta "Peja poetike -2019"!



Shkruan Flori Bruqi 

Se poezia është vërtetë princeshë e artit dhe Olimp  i shpirtit të poetëve e në veçanti të poetëve të rinj, të cilët me poezitë e tyre jehuan gjithandej nga edhe vinin me çiltërsinë e tyre, për të dëshmuar se kjo tokë shqiptare frymon shqip dhe, do të frymoj gjithmonë mu ashtu siç frymojnë damarët e tokës që nga lashtësia e deri më sot, me bardhësinë e shpirtit, si plisi në kokë që simbolizon shpirtin e një kombi, që gjithmonë diti të dhuroj vetëm paqe e lumturi dhe dashuri për njerëzimin duke mos e harruar që ecjen nëpër kohë ta pagëzoj shqip si gjuhët e perëndive, që dimë t’i lexojmë nëpër datat e kohës.

Fotografia e Bardha Alimeta

 Natyra sa e egër, po aq madhështore, shpalosej para nesh krenare si banorët e kësaj treve heroike.

Gryka e Rrugovës të jepte pamjen e dy maleve gjigandë të thepisur, si dy binjakë të ndarë nga  oshëtima gurgulluese e Lumbardhit, i cili ndër shekuj kishte gjetur shtratin e tij për në det.

Në të dy anët, malet ishin të veshur me petkun e gjelbërt të pishave shekullorë përherë të bleruara.



Pamë me sytë tanë, se si na përshëndesnin me rradhë, kanionet e thellë, ku uji rridhte vrullshëm , pamë qytetarë të veshur me tuta sportive, që bënin ecje dhe vraponin në natyrë, ne ajrin e freskët të pishave, dhe duke u dehur nga aroma e luleve.

Fotografia e Bardha Alimeta
Rruga gjarpëronte në të përpjetë, ndërsa mesdita  ia zuri vendin ditës, më pak shi ..., megjithatë makinat e poetëve  ja dolën  mbanë.

Para syve tanë si me magji u çfaq restoranti Bjeshka ,një restorant prej druri i bërë më mjeshtri nga brejat shekullore ,  ku duhej të zhvillohej aktiviteti.
Fotografia e Bardha Alimeta
Pasi  mysafirët nga jashtë u akomoduam nëpër vilat alpine prej dërrase të ndërtuar fare pranë restorantit, poetët u ngjitëm në sallën e leksioneve, aty ku do të zhvillohej aktiviteti “Peja poetike”.

 Ambienti në restoranin "Bjeshka " ishte sistemuar mirë, që ishte e pëlqyeshme nga pushuesit që frekuentonin këtë pikë turistike.

Fotografia e Bardha Alimeta
Të gjithë pjesmarrësit, poetë nga të gjitha trevat shqiptare, zunë vend për rreth saj, për të kuvenduar mes vëllezërish, dhe motrash për të interpretuar poezitë e tyre e për të kënduar.

Hapjen e këtij manifestimi të konkursit tradicional të madh ndërkombëtar “Shlezën Zhubi”(“Peja Poetike -2019 “) e beri poeti  Esat Loshaj, Kryetar i Shoqatës së Shkrimtarëve në Pejë…, i cili na urojë mirseardhjen dhe rrugëtim të mbarë këtij aktiviteti, e më pas të gjithë pjemarrësit përshëndetën me rradhë në mënyrën më të thjeshtë e të sinqertë si vëllezër të një familje të madhe.



Fotografia e Bardha Alimeta
Programi vazhdoi me deklamime poezish nga shkrimtarë vendas dhe ndërkombëtarë si: Nebih Duraku,Xheladin Mjeku , Rushit Ramabja, Flori Bruqi, Bardha Alimeta ,Nexhi Baushi,Festim Avdyli ,Rovena Toska Koci, Rami Kamberi, Esat Loshaj , Sadije Aliti , Ajete Pavata , Ali Shabanaj,Ali R.Asllani ,Rabije Berisha,Ramë Thaqi,Rakela Zoga,Miranda Dobra,Remzije Zekolli,Rexhep Mehmeti,Shefqete Gosalci, Idriz Gashi,Muhamet Mustafaj,Sylejman Dërmaku,Adem Shkreli,Diellza  Çitaku,Sylejman Aliçkaj shumë të tjerë....


Fotografia e Bardha Alimeta

Dinjitoze ishte dhe paraqitja e poetes nga Librazhdi zj. Bardha Alimeta. 

Në performancë të mirë u paraqit edhe poeti Esat Loshaj, i cili shtoj:
Fotografia e Bardha Alimeta
-Vëllezër, dhe motra ditën e kemi përpara e natën në mes, ndaj fjala e artë e jueja, të kumbojë pa droje, të jetë e magjishme e sinqertë me plot dashuri e mirësi për jetën, familjen atdheun, kombin tone.

Programi u shoqërua dhe me pika të ndryshme artistike me poetë, aktorë.

Fotografia e Bardha Alimeta
Këtë vit ‘'Peja Poetike' do të jetë më e pasur për shumë libra dhe poezi te poetëve nga të gjitha trevat shqiptare. Ajo që vlen për tu theksuar me nje THEKS të veçantë, është se këtë vit, bëhet promovimi i dy botimeve me poezi, nga Autori Idriz Gashi. Njëri vellim titullohet "Po të Pres" e tjetri," Se nuk Vdes" si dhe libri me mbresa ,refleksione dhe vështrime letrare I shkrimtarës së njohur nga Tirana,Nexhi Baushi me titull “Bota e pashme dhe ajo e ndjeshme”.

Shoqata e Shkrimtarëve Pejanë, po e bën këte promovim me një fokus të veçantë. 

Kjo për arësyen se autori i këtyre dy librave me poezi, vjen nga Shoqata e Shkrimtarëve dhe Artistëve Shqiptarë 'Papa Klimenti X - Albani', Suedi.
Fotografia e Bardha Alimeta


U lexuan mbi dyzetë  poezi të gjitha ishin të bukura...

Kryetari i Jurisë,Flori Bruqi, me anëtarët : Rovena Toska Koçi,poete nga Berati  dhe Rami Kamberi,poet nga Tetova   pasi bënë bilancin e aktivitetit letraro - poetik “Peja Poetike” në mbyllje  zt. Bruqi shtoj:

-U mblodhëm të gjithë këtu, ku frymojmë e flasim Shqip. Këtu dëgjuam me kënaqësi frymën e njëri tjetrit, frymën poetike. Kjo frymë poetike erdhi këtu sot, me një nivel të lartë, e të pjekur, nga një rrugë e gjatë, por e bukur. Nuk mund të dalloj njërën nga tjetra, të gjitha bartnin me vete vlerat e tyre. Por më duhet të kurorëzoj aktivitetin "Peja Poetike" me dhënien e tre çmimeve:


Fotografia e Bardha Alimeta
Bardha Alimeta

-Me çmim të parë u nderua poetja nga Librazhdi Bardha Alimeta



Rezultate imazhesh për sadije aliti

Sadije Aliti

-Me çmim të dytë u nderua poetja nga Tetova zonja Sadije Aliti nga Tetova. 

Rezultate imazhesh për nebih bunjaku

Nebih Bunjaku

-Me çmim të tretë u nderua poeti nga Prishtina z.Nebih Bunjaku.


Të gjithë pjesëmarrësit e këtij aktiviteti të bukur nga ana e Shoqatës së Shkrimtarëve të Pejës u nderuan me çertifikatë “MIRENJOHJE”.

Aktivitet “Peja Poetike” mbylli siparin e saj te Hani i Grykës së Rrugovës, duke pirë ujin e ftohtë të atyre bjeshkëve e duke shtrënguar duart me njëri tjetrin, pse jo duke këmbyer edhe ndonjë dhuratë, me urimin më të bukur e të ngrohtë të dalë nga zemra e bardhë:

TUNGJATJETA,

Deri në takimet e tjera që do të jenë akoma më mbreslënëse.

Flori Bruqi

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)