Antologji e poezisë shqipe:

BEHRAM HOTI

Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.             Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...             Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare. (www.sa-kra.ch)        Përgatiti: Adem ZAPLLUZHA ANTOLOGJI E POEZISË MODERNE SHQIPE BEHRAM HOTI                        Hyrje              Behram Hoti u lind në fshatin Likoc  të Skenderajt.           Është autor i tridhjetetetë veprave letrare.           Është pjesëtar i tri luftërave të Ushtrisë Çlirimtare Kombëtare (1997 - 2001). KOHË UJKU Në pip plepi u zbeh dita Në  degë Frashëri u pre kënga Dita dhe kënga janë dy motra Kohë ujku(medet) i kafshon... Trupi për Druri apo Druri Për Trupi duhet mbështetur Ecin nëpër terrin e zi Toplicës Mollëkuqe na n`grohë në gji... Vetullat e Alpeve Shqiptare Ja lidhin ballin Kosovës Lindore O, moj molla e kuqe Na mbajë në dorë... Mbi trupin tonë të plagosur Po reshë e Kuqe Borë... Leh ujku n`Lejthia t` Nishit E kohë Kohë ujku Kohë hijenash Kohë djalli është Errëtina Është kohë krimbash hutinash… Pragun e Shtëpisë Gurtë e kullave Urithi e miza I grimcon E Liga e Shtëpisë e trazon… Eja kohë e Mirë eja!…                                    FYTYRA E MOTRËS Një antisfidë e uritur Vjen e ma tremb ëndrrën Me një ligjëratë të dhembshme Vjen e më ulet e hutuar Nën hijen e Lisit të Lashtë Motra mbështetur për Trungu Diellit ia zbulon fytyrën Do dhi të egra lodhshëm ecin Brezareve ilire kullosin Eruidi lyp gur për epitaf Dhitë e egra me Mollën e Eridës Në dhëmbë para Motrës rrëzohen Trupinë e Çamerisë e kafshojnë e  gotën e Laokontit në duar KALI I BELAVE Na pehatë jeta e qëndrojnë Betejave terrinave Ferrore Duke tërhequr poteze shahu Edhe nëpër burgje në çeli... Ëndrra jonë flakëron Majave rrezeve të diellit Dete e male trupon Urën për ta kaluar o Zot Trupin shpresa na forcon... Këtu dy dhe pesë Nuk bëjnë shtatë Ditë e natë po murmuron Kali belave po hingëllon... KORBI Unë jam Korbi Zemrak mitologjik Zihosh futë i natës Krrokama ime trishton tokën Zotin e shajë e bërtas Ditë e natë unë krrokas... Sofrës ia grabis bukën Gjakun ma ushqen fantazi e ndezur Kur hutën e shoh n`dorë t`njeriut Lëkura më dridhet e mërdhezur Eshtrat e zogjve më ushqejnë Kokën e kam historinë… Me intriga me lot e me gjak Ushqehet e fanitet trupi im Unë shekull e kam pangopsinë Ditë natë e kam mizorinë Nuk shoh muzgje  as mëngjese Jam I ftohtë akull gri Si unë  nuk ka Lubi Jam ferr futë i zi Unë jam korbi… TERRNOCI I BUJANISË Deri në Vrajë është Bujania Rrënjë e Kosovës Lindore Edhe vreshtat e kuqe Rrotull maleve Sytelia Ulën në  Fushën e Terrnocit... Një gautë kokëzezë Edhe kokëzeza e natës... Gurin e zi e gugasin Erret natë e borë futë Rrrëshoja kafshon dheun e butë... Me emër e me datë Vetullat e bjeshkëve t`larta Ngritën Kepat e Bardha Katundet Fera... Ramë Buça Kroni Delli...Suharrna ... Moraca Syteli... Vada Me Hashaninë 3005 shtëpi Kronika e Dëshmi të gjalla Dimri i Zi i 1897 Molla e Kuqe pre me hangjarra... Brezara e Gjyrasheci Fatbardhat e historitë Kronikat e gjenocidit 1897 Mbi shqiptarët e Etnisë T preu me sakica Nivica... Te lisi i Kangjelit U dogjën djepat në Lulak... U shkrumuan gurtë e Zabelit Atje më gjeli nuk këndon Kroni i Lotëve gurgullon...                                    ZËRI I PALESTINËS                                                             Mos na thuani për diell, mos këndoni Mos na shtypni si kokrrën e kripës n`rrasë Nga zemra e Palestinës o këngë jehoni Grykën e Motit Zi gjaku do te plasë E poqëm kulaçin n`zjarr në sanxhak Me ngrënë n`sofër ti ylber qielli jonë Kofshët e fëmijëve,nën fytyrë me gjak Erërat ia lidhëm n`qafë kohës me kambanë… N`qepallat, n`sytë tanë loti është gurëzuar Akujt e Hamsinit ngrinë n`strehët`shtëpisë… Po digjet ndërgjegjja e mashtrimit t`tradhtar Po mbetet e vetmuar Palestina para stuhisë… Në agun e Agimit pranverën e parë… Lubitë e zeza,po e kafshojnë me dhembë O ziliqarë të ultë mos u qofshi falë!... Përralla e shekullit u lidhi duar e këmbë… N`rrezen e kuqe, bjeshkë e fusha kuqëlojnë Vetëm n`diellin tonë ne besojmë Stuhitë ushtojnë,koha vjen e shkon... Palestinë e lashtë me gjak po agon... O varre t`thella të hapura në robërim O sëmundje e njerëzimit  shkrumohu në eshkë Ngritu asht me Dhe e Atdhe,besim Bashkohuni lumenj gurë lisa n`bjeshkë… Palestinë vajë ,poeti dhembje e lashtë Priti shtegtarët e pranverës,historisë E pavërteta është një zjarr me kashtë Palestinë Zoti ti bekoftë plagët e lirisë.