Plumbat dum-dum nuk e mposhtën lirinë(Kujtim për Ismet Avdi Qorraj-1968-1989)

Flori Bruqi

Plumbat dum-dum  nuk e mposhtën lirinë

(Kujtim për Ismet Avdi Qorraj-1968-1989)

Plumbat dum-dum, as e mposhtën as e vranë lirinë
Mëmëdheu  jetoi edhe pas kësaj katrahure vrastare
Kosova  sot frymon e gjallë
Ismet, Ti- gjurmë e gjakut atdhetar

në rrugën e gjatë të pavdekësisë

Tribun e liberator i atdhedashurisë

Shqiponjë e  vrarë nga pushka e sllavit
Dihet se shqiponja e vret korbin

edhe me shpirtin plot sakrificë

Dhe dihet se gjaku yt lind lulekuqe

Sllavët  këputën  lulekuqen me aromë vdekje
Shkelën mbi gjakun e  Ismet Qorrajt, Agim Kuklecit,

Salih Hadërgjonajt dhe Mujë Mehmetajt...
Ju lashë të  lirë në varre pa qizmen barbare

Juve, engjëjt e lirisë ju morën lartë në qiell 

Nga lart sytë i keni plot mall për babanë, nënën, motrat,

Shpirtrat Tuaj, jua falët Kosovës së Lirë.

Nga horizontet e pavdekësisë na thoni:

Mos qani në liri, vetëm flisni për ne, na kujtoni:

Ne jemi gjallë në përjetësi: unë- Ismeti, Agimi, Salihu dhe Muji

Jemi engjëj lirie

Rreze drite përmbi Dheatdheun tonë  

ardhëmrisë së tij i bëjmë Dritë...
Jemi këtu me ju, popull...

Sikur ma dëfton një kujtim këtë zë të Ismetit, Agimit, Salihut, Mujit

që na flasin nga parajsa:Gjaku ynë do të lind mijëra  kryetrima,

s’është gjak i humbur asnjëherë

është gjak që vadit ardhmërinë kombëtare t’përjetësisë

Mbi heroizmin tuaj liria ka lëshuar rrënjët e atdhedashurisë
Jeni vetë rrezja e diellit që rrezaton Kosovën  
Ju,  engjëjt e Atdheut, histori e shkruar me pushkë e gjak

Për t’mos shterrur kurrën gjakun e saj liria...

Ju jeni  vetë Kosova, ndaj ju kujton gjëmëmadhe Shqipëria.

Prishtinë, 9.3.2015