Rrahim Pacolli, kryesues i delegacionit për kartonin e gjelbër ka shkruar në Facebook se para dy ditësh Koordinatori i Byrosë Kosovare të Sigurimit në pikën kufitare në Jarinjë, Milan Iliq, dhe një operator shqiptar janë ndaluar nga Policia e Kosovës në pjesën veriore të vendit. Iliq është arrestuar pa ndonjë arsye dhe është rrahur më pas në mënyrë brutale për bashkëpunim më shqiptar.
Pacolli I bën thirrje prokurorisë që të merr masa ndaj këtyrë policëve që duke bartur uniformen e Policisë së Kosovës po punojnë për interesa të Serbisë.
Postimi i plotë i tij:
Koordinatori i Byrosë Kosovare të Sigurimit në pikën kufitare në Jarinjë, Milan Iliq, dhe një operator shqiptar, më 20 tetor 2015 janë ndaluar nga Policia e Kosovës në pjesën veriore të vendit, në magjistralen Mitrovicë-Jarinjë.
Koordinatori i kësaj pike kufitare, pasi që është kontrolluar, është arrestuar dhe burgosur pa ndonjë arsye specifike, madje në burg Milan Iliq është rrahur në mënyre brutale duke u akuzuar edhe per bashkëpunimin me shqiptar. I njejti tani është duke u trajtuar në spital.
Edhe operatori shqiptar është mbajtur mbi 4 orë në rrugë në veturën e tij.
I bëj thirrje Prokurorisë që të merr masa ndaj këtyrë policëve që duke bartur uniformen e Policisë së Kosovës po punojnë për interesa të Serbisë.
Poashtu, i bëj thirrje BE-së qe t’i bëj trysni Serbisë sepse po e filtron agjenturën e vet përmes policisë me etni serbe që operon në veriun e vendit.
I bëj thirrje edhe Qeverisë serbe që nëse vazhdon me këto lloj lojëra te ndyta marrëveshja për njohjen reciproke të policave të sigurimit kufitar do të anulohet.
No comments:
Post a Comment