Aktorja e famshme italiane, Giuliana De Sio, ka dalë pozitive me koronavirus.

Njera prej aktorëve më të famshme në Itali  , Giuliana De Sio
(2 prill 1956), ka dalë pozitive me koronavirusin kinez. Dy javët e fundit ajo ishte e izoluar në spitalin Spallanzani në Romë.

Pas tamponit të tretë negativ dhe teksa ka lënë pas rrezikun, aktorja ka folur për herë të parë. Ajo ka treguar se e ka përjetuar shumë keq këtë periudhë.

“Kjo lumturi është zhdukur. Unë heshta sepse nuk kisha zë ose fjalë për historinë time horror”, ka thënë  Giuliana De Sio në një postim në rrjetet sociale.

Ajo ka thënë se u infektua gjatë një turneu muzikor në muajin shkurt.Giuliana De Sio ka thënë se karantina është testi më i ashpër që ka bërë në jetën e saj.


Ndonëse sëmundja e ka dobësuar shumë, ajo shprehet e lumtur që e kaloi. 

 “Ju lutem më doni, sepse këtu metodat është pak të thuash që janë të ngutshme dhe ndjehesh më e braktisur se kurrë. Edhe pse e di se çfarë po ndodh në botë, unë dua të dal!”, u shpreh Giuliana De Sio.
F.B