Angela Merkel ka folur së fundmi mbi situatën në të cilën ndodhet Evropa pas përhapjes me shpejtësi të koronavirusit.

Kancelarja gjermane ,zonja e hekurt Angela Merkel ka thënë se vëmendja e qeverisë tani nuk do të jetë tek ekonomia e vendit. Pas takimit me udhëheqësit e 16 landeve të Gjermanisë, kancelarja gjermane ka treguar masat e marra.

Merkel ka thënë se ministrat e financave dhe ekonomisë do të paraqesin një paketë gjithëpërfshirëse të masave për të mbështetur bizneset gjermane.

“Ne jemi në një situatë që është e pazakontë në çdo aspekt. Unë do thosha se kemi të bëjmë me një sfidë shëndetësore për të cilën shkencëtarët dhe mjekësia ende nuk kanë një përgjigje.

Pra është detyra jonë të shpëtojmë jetën e njerëzve sa më mirë të mundemi. Së dyti, të vazhdojmë aktivitetin ekonomik”, ka thënë Merkel.