Nga e hëna protesta në gjithë vendin, bllokim trafiku dhe…rënja definitive e Qeverisë Rama …

Pas dy muajsh në çadër, Partia Demokratike po mendon të përshkallëzojë protestën e saj për zgjedhjet.


Vendimi nuk është marrë akoma, por kreu i opozitës Lulzim Basha e diskutoi përhapjen e protestës në disa pika të ndryshme të vendit, në një takim me kryetarët e degëve të Partisë Demokratike.

Njëri nga opsionet është bllokimi i disa akseve kombëtare, por mbledhja nuk mori vendim se cilët do të jenë këto akse dhe kur do të bllokohen, raporton Tch.

Opsioni i përshkallëzimit të protestës së opozitës përkon me vizitën disa orëshe të martën në Tiranë të negociatorit gjerman David McAllister.

Përpara vizitës së negociatorit gjerman, ish-kryeministri bëri një paralajmërim: Askush më shumë se ne nuk e do stabilitetin, por ne kemi bindjen më të thellë se pa votë të lirë nuk ka stabilitet”, tha Berisha.


Nga e hëna protesta në gjithë vendin, bllokim trafiku dhe rënja definitive e Qeverisë Rama …



Kreu i PD Lulzim Basha ka mbledhur në një takim që ka zgjatur 30 minuta aleatët tek selia e partisë, ku eshte vendosur se PD do te zhvilloje protesta në çdo qytet javën tjetër.Burimet thanë se protestat në rrethe do të mbahen paralelisht me ato në cadër.

Mësohet se strukturat e PD do jenë në Kavajë 3 ditë para protestës e cila do të mbahet për zgjedhjet e caktuara për Bashkinë e qytetit.

Më herët kreu i PD pati një takim edhe me kryetarët dhe sekretarët e PD-së në rrethe për të diskutuar rreth protestës në ditët në vijim.

Teksa nga çadra e protestës, Basha tha: “Sot dua të njoftoj se opozita e bashkuar me në krye PD ka vendosur intesifikimin e protestës qytetare në të gjithë Shqipërinë.

Duke ruajtur si pishtar si monument çadrën e lirisë 24 orë në ditë, por duke e shtrirë në mbarë vendin.
Ditën e hënë të gjithë shqiptarët bashkohemi mes orës 11 dhe 12 në bllokimin e trafikut në të gjithë Shqipërinë.

Do ketë qëndresë deri në themelin e republikës së re për zgjedhje të lira dhe të ndershme. Është fillimi i një aksioni i cili do të përshkallëzohet deri me datë 7 Maj, për të mos ia dorëzuar më Kavajën krimit, për ti thënë sot krimit dhe kriminelëve në Kavaje dhe në të gjithë Shqipërinë”.

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)