Eurodeputetët kundër Vuçiç, letër KE dhe BE : Disa eurodeputetë i kanë dërguar letër zyrtarëve të KE-së dhe BE-së, ku kërkojnë që të mos njihen rezultatet e zgjedhjeve në Serbi.Mos njihni zgjedhjet në Serbi

Foto nga Parlamenti Europian

Anëtarët e Parlamentit Evropian nga Partia Popullore Evropiane (EPP), të Gjelbrit dhe Social Demokratët (S&D) i dërguan një letër Presidentit të Komisionit Evropian, Komisionerit për Zgjerimin dhe Përfaqësuesit të Lartë të BE-së për Politikat e Integrimit dhe Sigurisë, në të cilat ata kërkojnë një hetim ndërkombëtar të zgjedhjeve parlamentare, provinciale dhe lokale serbe që ishin nën kujdesin e OSBE-së, Këshillit të Evropës dhe Komisionit Evropian.

Letra gjithashtu kërkon që rezultatet e zgjedhjeve të mos njihen derisa të përfundojë një hetim i plotë i pavarur për parregullsitë zgjedhore. Deputetët kërkojnë një hetim me vëmendje të veçantë për zgjedhjet për Kuvendin e Qytetit të Beogradit, si dhe raportimin e tyre në Parlamentin Evropian.