CIA operon dhe i bashkërendon veprimet me shërbimet homologe të shteteve të Europës duke pasur qëllim sigurinë e qytetarëve amerikanë dhe europianë, përfshi edhe qytetarin Dick Marty.
CIA nuk është arik i Europës, si e trajtonte Dick Marty, përkundrazi.
Nejse ideja e Dick Marty-it me u marrë me CIA-n ishte sa bizare aq edhe donkishoteske, për të mos e komentuar më gjatë.
Dihet se nga gjithë ajo zhurmë Dick Marty nuk arriti të zbulojë asgjë, kështu pretendimet e tij dolën zero.
Nga toka e pati të pamundur të vërtetonte pretendimet e tij dhe nuk dihet nëse arriti që t’i bashkangjitej ndonjë sateliti për të gjurmuar nga qielli shkeljet e të drejtave të njeriut.
Por nuk e kishte qëllimin aty sepse, po të donte, Kosova ishte aty me gjurmë të gjalla të shkeljeve të të drejtave të njeriut e të genocidit serb.
Por Dick Marty në vend që të ndërrmarrë një mision humanitar në Kosovë për të zbuluar atje krime kundër njerëzimi, të cilat i ka kryer makina kriminale e kryekriminelit çetnik serb Slobodan Miosheviçit,
ndërmerr një mision për ta demonizuar Kosovën.
Dick Marty luan me karta bixhozi, në mënyrë spekulative. E boton raportin e tij tek The Guardian ndërsa në Kosovë mbahen zgjedhjet.
Dhe shqiptarët pyesin me të drejtë po kush është ky injorant zvicran me emrin Dick Marty ?
Kush fshihet pas Dick Marty-it. Serbia ?
Raporti i Dick Marty-it është një kryevepër e fiaskos, pasi ngatërron Shqipërinë, Kosovën, shqiptarët e Shqipërisë, shqiptarët e Kosovës duke u kthyer disa vite pas.
Specialistët e fushës e komentojnë si një raport flluskë sapuni pa argumenta dhe fakte.
Seicili prej nesh mund të thotë përshembull që Dick Marty është spiun i Serbisë, por deklaratat tona do të jenë shpifje përderisa ne nuk kemi fakte, që të na e vërtetojnë këtë.
Që Dick Marty është serbofil kjo shëmbëllen e qartë.
Dick Marty është si një personazh mediokër, teorinë e të cilit e konsumoi deri në faliment të plotë Prokurorja e Hagës,plakusha Carla del Ponte.
Dick Marty duke qenë zviceran, me spekulimet e tij, ka ushqyer një klimë aspak interesante në marrëdhëniet midis Zvicrës dhe Kosovës si dhe Zvicrës e Shqipërisë, paçka se Dick Marty raportin e tij e ka si ish zyrtar i Këshillit të Europës.
Zonja Calmy Rey ka refuzuar një çmim të Diasporës të Kosovës në Zvicër, i cili e vlerësonte punën e saj dhe të shtetit të Zvicrës për Kosovën, ndërkohë që akuzat e Dick Marty-t kanë mbetur vetëm në letër.
Hashi Thaçi, si ish premier dhe president i Kosovës, kishte paralajmëruar se do ta hedhë në gjyq, ndërsa organi i akuzës në Shqipëri i ka përgënjeshtruar pretendimet e Marty-it.
Raporti i Dick Marty-it është në funksion të demonizimit të shqiptarëve si komb dhe në shërbim të destabilizimit të Ballkanit Përendimor.
Dick Marty ishte në një pozicion shumë qesharak, pasi nëse do të kishte diçka të vërtetë në pretendimet e tij, këto do të duhej të ishin ezauruar në kohën e kur zonja Carla del Ponte, ish Prokurore e Hagës, e cila veç trillerit që shkroi të cilin e titulloi „Gjahu“, nuk arriti që të gjunjëzojë asnjë nga kriminelët e Serbisë.
Dhe fakti më rrënqethës është se ndërsa sot Dick Marty akuzon me shpifje shqiptarët, Mlladiçi ,tash në burg të Hagës, ishte i marrë në mbrojtje nga Beogradi.
Ndërsa Dick Marty shtirej si hero i mbrojtjes së të drejtave të njeriut.
Kulmi i hipokrizisë. Dick Marty ka qenë dashtë që të shkojë në Serbi dhe të zbulojë varret masive të shqiptarëve, apo të kishte ardhur në Kosovë e të takohet me të afërmit e 1800 njerëzve të humbur, por jo të inkriminojë një komb dhe dy shtete, ai e nënshkrojë dështimin e tij përfundimtar më gënjeshtra që edhe e largojë largojë nga skena politike në Zvicër dhe UNionin Evropian...
Dikur moti duke folur për të përjavëshmen zvicerane NZZ am Sonntag, nga Moska ku ndodhej për një vizitë zyrtare, Dick Marty tha midis të tjerave se raporti i tij për Kosovën do të futej në axhendën e Asamblesë Parlamentare të Këshillit të Europës në muajin janari, të paar disa viteve.... Në këtë intervistë më poshtë Dick Marty thotë se „Kosova nuk mund ta ndërtojë të ardhmen pa u konfrontuar me të shkuarën“.
Këtu Dick Marty në mënyrë eksplicite inkriminon Kosovën. A ia ka thënë ndonjëherë Serbisë këtë sentencë Dick Marty se „Serbia nuk mund të ndërtojë të ardhmen e saj pa u konfrontuar me të djeshmen“, sepse ishte shteti i Serbisë që ushtroi represion, genocid e spastrim etnik në Kosovë, e jo viceversa.
Ndërsa nga njëra anë thotë se Kosova nuk mund të ndërtojë të ardhmen pa u konfrontuar me të shkuarën, nga ana tjetër pretendon se raporti i tij nuk është kundër Kosovës, por për të mirë të Kosovës.
Po atëherë e përse e inkriminon Kosovën Dick Marty, e përse duhet të paguajë Kosova ?
Dick Marty nuk akuzon një njeri, por akuzon dy shtete, nuk ngre akuza për të denoncuar fajtorë, por ngre akuza për të spekuluar dhe për të penalizuar Kosovën, për të penalizuar Shqipërinë e për të penalizuar shqiptarët.
Dick Marty po ashtu përpiqet që t’u bëjë shqiptarëve një reklamë shumë të keqe, por në fakt i bën autoportretin vetes së tij.
Dick Marty ka luajtur me zjarrin, sepse raporti i tij i pafakte, që i shpërfytyron shqiptarët është flakëvënës dhe ka destinacion destabilitetin e Kosovës e të rajonit.
Dick Marty e ka përseritur fiaskon e zonjës Carla Del Ponte, e cila në vend që të prangoste kriminelët u mor me romane horror.
Prandaj themi që në krye se pozicioni i Dick Marty-it nuk është i një humanisti që lufton për të drejtat e njeriut, por i një demagogu që i demonizon shqiptarët dhe tensionon rajonin, është shprehur kohë më parë gazetrja e mirënjohur Elida Buçpapaj.
