Ferizaj nuk lejon shfaqjen e filmit të Halil Budakovës nëpër shkolla

 Drejtoria e Arsimit dhe e Kulturës në Komunën e Ferizajt nuk i ka dhënë leje regjisorit Halil Budakova që filmi i tij “Shkolla e maleve” të shfaqet në mënyrë të organizuar për filloristët. I pari i kësaj drejtoria ka refuzuar kërkesën që u ka bërë vetë regjisorit. 



                                   Agim Berisha                                                                   Halil Budakova 

“Ishte sot Halil Budakova dhe kërkoi një gjë të tillë, por ne i dhamë përgjigje negative”, ka thënë për gazetën drejtori DAK-ut, Agim Berisha.



 “Nuk e kemi parë të udhës që t’i organizojmë nxënësit pa ndonjë udhëzim nga MASHT-i për një film në të cilën dominon dhuna”, ka treguar Berisha t’i ketë thënë Budakovës. Sipas Berishës, regjisori Budakova ka kërkuar që nxënësit prej klasave të para të organizuar t’ia mësyjnë shtëpisë së kulturës për ta përcjellë filmin e tij dhe për këtë të paguajnë nga një euro. “Ne nuk kemi autorizime t’i nxjerrim nxënësit jashtë shkollave për manifestime të tilla, aq më parë që kemi informacione që në film ka edhe skena të dhunës. Mirëpo, për këtë më së miri është ta japë një vlerësim MASHT-i që t’i heqë të gjitha dilemat, sepse ne jemi përgjegjës para prindërve se ku i dërgojmë fëmijët e tyre”, ka thënë Berisha. 

“Shkolla e maleve” ka shkaktuar provokime nëpër të gjitha shkollat e vendit, pasi ai ka zgjedhur një rrugë të veçantë të shfaqjes së filmit të tij, për të cilin ka pasur reagime se përmban skena të dhunës.