Shqipëria ka pësuar humbjen e dytë rresht në kualifikimet për Euro 2016, duke u mposhtur në “Elbasan Arena” nga Serbia me rezultat 2 me 0. Megjithatë, gjasat për Euro 2016 janë akoma të mëdha në taborin kuqezi.
Kjo sepse Portugalia ka mposhtur Danimarkën, rivalin e drejtpërdrejtë për pozitën e dytë në Grupin I. Falë këtyre dy rezultateve Portugalia ka 18 pikë, gjashtë më shumë se Danimarka që është e dyta. Një më pak se danezët ka kombëtarja shqiptare.
Në xhiron e fundit, Shqipëria luan si mysafire e Armenisë dhe i duhet gjithsesi një fitore për të siguruar plasmanin historik. Danimarka nuk ka më ndeshje të mbetura. Barazimi nuk i kryen punë pasi që Danimarka ka favor në ndeshjet e ndërmjetme me Shqipërinë.
No comments:
Post a Comment