BOTA SOT: “Opozita nën urdhërat e armiqve të Kosovës”

DIANA BUNJAKU

A po e dëmton gazi lotsjellës, imazhin e Kosovës?

Imazhi i Kosovës në pikëpyetje?

“Është vetëm një fat i mirë, që Kosova në 17 vitet e kaluara ka qenë krejtësisht e hapur dhe, bota duke qenë shumë e pranishme në të gjitha veprimtaritë jetësore, mbase nuk do ta identifikojnë popullin me hermetizmin e opozitës, e cila nuk ka asnjë fije dyshimi se është duke realizuar detyrat e pranuara me porosi nga armiqtë tradicional të shqiptarëve, siç janë Serbia, Rusia dhe fundërrinat e kryqëzimeve të tjera sllavo-barbare, që kanë edhe stërpikje nga etnogjenetika shqiptare”, ka thënë Zogaj.

Mospajtimet pozitë-opozitë, rreth Demarkacionit me Malin e Zi, formimi i asociacionit të komunave me shumicë serbe në veri, kanë sjellë në pikëpyetje funksionimin normal të punës në Kuvendin e Kosovës. Ndonëse hedhja e gazit lotsjellës ditë më parë në Kuvendin e Kosovës, ka penguar punën e institucioneve, megjithatë ky veprim nuk ishte ndonjë risi për qytetarët e Kosovës. Analistët politik vlerësojnë se gazi lotsjellës e dëmton imazhin e opozitës para faktorit vendorë dhe ndërkombëtarë. Sipas tyre, këto akte nuk janë akte opozitariste, por, akte revolucionare që nuk nevojiten për një vend që kërkon të prosperojë. Blerim Burjani analist politik, ka thënë, se skandalet në këtë format të qeverisjes së shtetit, tregojnë më së mirë se në Kosovë, nuk ka rend dhe ligj. Sipas të njëjtit, imazhi i Kosovës është rrezikuar shumë me skena të cilat po ndodhin në kuvend në përdorim të gazit lotsjellës si mjet politik për zgjidhje të inateve ndërmjet partive politike pozitë dhe opozitë. “Ka shumë energji negative e cila është mbledhur apo e akumuluar në politikën vendore dhe në vend të dialogut kjo opozitë dhe pozitë ka vendos inatin dhe papërgjegjshmërinë ndaj qytetarëve”, ka thënë Burjani.

Skënder Zogaj analist politik ka thënë, se gazi lotsjellës dhe vandalizmi i egër, jo vetëm opozitës, tashmë ia ka dëmtuar rëndë imazhin tërë popullit të Kosovës, e mbase edhe gjithë shqiptarëve në botë sepse, kjo që po bën opozita në Kosovë nuk përkon me traditën shqiptare.

Ai ka thënë, se kjo që po demonstron opozita është shprehi e regjimeve te egra që kanë të bëjnë me degjenerimet gjenetike të klaneve diktatoriale, të cilat vetëm kur manifestojnë dhunë dhe u shkaktojnë dëmtime e fatkeqësi të tjerëve, ndjehen mirë dhe fitimtare. “Opozita e Kosovës, është duke u përpjekur që ta arsyetojë pikëpamjet sllave se "shqiptarët janë njerëz me bisht dhe, vetëm frikën e dinë për zot. Faktori vendorë dhe ndërkombëtarë ka arsye të plotë që të habitet me barbarizmin e skajshëm të opozitës. Është vetëm një fat i mirë, që Kosova në 17 vitet e kaluara ka qenë krejtësisht e hapur dhe, bota duke qenë shumë e pranishme në të gjitha veprimtaritë jetësore, mbase nuk do ta identifikojnë popullin me hermetizmin e opozitës, e cila nuk ka asnjë fije dyshimi se është duke realizuar detyrat e pranuara me porosi nga armiqtë tradicional të shqiptarëve, siç janë Serbia, Rusia dhe fundërrinat e kryqëzimeve të tjera sllavo-barbare, që kanë edhe stërpikje nga etnogjenetika shqiptare”, ka thënë Zogaj. Ai ka theksuar, se bota e civilizuar besoj se e ka të qartë këtë pasqyrë dhe faktori ndërkombëtar i merituar për çlirimin e Kosovës do të angazhohet seriozisht për ta kuptuar hallin e opozitës së tërbuar kosovare.