Në një intervistë për programin Jeta në Kosovë të BIRN-it, Vjosa Osmani, Kryetare e Kuvendit të Kosovës, tha se ishte e paimagjinueshme që partia e saj, Lidhja Demokratike e Kosovës, LDK, të votonte në favor të shuarjes së partneritetit të saj me Vetëvendosjen vetëm 51 ditë pasi të dy partitë krijuan një qeveri koalicioni. “Asnjëherë nuk kam besuar se do të vijë deri këtu, shumë sinqerisht,” i tha ajo BIRN në emisionin televiziv Jeta në Kosovë.
Osmani, e cila nuk mbështeti prishjen e koalicionit LDK-Vetëvendosje më 25 mars 2020, kritikoi partinë e saj për shkaktimin e rrëzimit të qeverisë së mëparshme kur ajo ndodhi. “Në rastin ideal, partia ime nuk do ta kishte organizuar kurrë lëvizjen në mes të një pandemie,” tha ajo.
Për Osmani, e cila ishte kandidati për kryeministër i LDK-së gjatë zgjedhjeve të 6 tetorit 2019 , rrethanat në të cilat u formua qeveria e Prof.dr.Avdullah Hoti janë “shqetësuese” për demokracinë e Kosovës, duke përmendur që Presidenti Hashim Thaçi ishte përfshirë direkt në lobim për të siguruar votat për qeverinë.
Deputeti i NISMA, Haxhi Shala deklaroi në Kuvendin e Kosovës se vota e tij në favor të formimit të Qeverisë Hoti, e cila u miratua nga shumica e njërës, u sigurua pas një vizite nga presidenti mbrëmjen para se të merrej votimi.
“Unë do të jem pengesë për çdo marrëveshje që nuk është në interes të Kosovës, çdo vendim që nuk është në interes të qytetarëve,” tha ajo, duke shtuar se një gjë duhet të jetë e qartë për Presidentin Thaçi nëse ai ndjek një marrëveshje të tillë: “Vjosa nuk është pengesa e vetme, do të jenë edhe qytetarët e Kosovës.”
Haxhi Shala thotë se Hashim Thaçi dhe Ramush Haradinaj i shkuan në vizitë pas mesnate
Një vizitë të papritur të martën pas mesnatës e kishte pasur deputeti i NISMA’s, Haxhi Shala. Atij në shtëpi në orën 01:00 i kishin shkuar dy mysafirë të paftuar. presidenti i vendit, Hashim Thaçi e kreu i AAK’së, Ramush Haradinaj. Këta dy kishin mision që ta bindnin Shalën për të ndërruar mendjen për t’i dhënë votën pro, Qeverisë së Avdullah Hotit.
I ftuar në Frontal tek Arsim Lani, deputeti Shala ka dhënë detaje për takimin që kishte pasur me Thaçin e Haradinaj.
“Për mu kanë ardh si miq të vjetër. As si kam thirre as si kamë ftu, veç kur i kam pa te shrëpia. Ata ma sqaruan edhe krizën politike. Më thanë që koalicioni varet krejt nga vota juaj. Unë iu thash që i kam bashkëluftëtar e nuk mund që t’i ktheje prapa. Unë votë për Hotin nuk kam, por votë për ju të dyve kam. Ka mujt edhe Limaj një telefonatë me ma ba, e më thanë jemi në këtë gjendje. Në Prishtinë erdhën në shpi. Më erdh mirë kur i pash dytë bashkë. Bilez unë me shaka iu thash ‘ra Albini iu bani bashkë. Kanë ardhur në ora 01 të natës e pastaj ndenjtë gogja shumë”, ka deklaruar Shala.
Shefi i Grupit Parlamentar të NISMA-s, Haxhi Shala, ka qenë një prej emrave më të diskutuar ditëve të fundit pas deklarimit të tij se nuk do të votojë për qeverinë e Avdullah Hotit, pavarësisht se partia e tij kishte lidhur koalicion.
Deputeti i NISMA’s ka thënë se problemi i tij nuk ka qenë me qeverinë e Avdullah Hotit por me zhvillimet brenda partisë së tij.
Shala në T7 ka thënë se i ka mbetur hatri me emërimin e Skënder Reçicës për herë të dytë ministër, duke thënë se i njëjti nuk i ka sjellë vota partisë.
“Unë i kam vërejtjet e mia për ministrat. Për njërin s’kam vërejtje dhe ai është Vesel Krasniqi, Skënder Reqica është djal i mirë, partia ia ka dhënë mundësinë një herë. Dhe kur ta jep partia mundësinë një herë, duhet fituar vota pastaj. Ne e kemi bërë ministër jashtë Malishevës, për t’i sjellë vota partisë. Ai është ministër për hatër të bacit Jakup”, ka thënë Shala.
