Senad Guraziu
Çdo yll e qetëson lavjersin e vet
i gozhduar diku me gjilpërën
magnetike në glob, dhe pretendon
të jetë në qendër të universit.
***
Arabët modern i quajnë yjet
me emra satelitësh, këmbët
ngulur në dunat, nëpër pishina
nafte i zbardhin "baluuzaat",
me celurarët në veshë përtypin
hurma dhe "bla, bla" me Zotin.
Eskimezët çuditen pse yjet
e qiellit që këputen nuk bien
pingul në akull, si toptha drite
drejt në vrimën rrumbullake,
të ndriçoheshin peshqit e uritur,
dhe ata vetë që të ngopeshin.
Evropianët pandehin gjithë yjet
e gjithsisë janë të "krishterë",
ndonjë aty-këtu jo por të tillë
janë yje mashtrues, prandaj
Kolumbo ia huqi Indisë dikur
sepse atij ia hodhi Ylli Polar.
Amerikanët hedhin pesëdhjetë
yje në zjarr, insistojnë Amerigo
Vespucci thjesht pati fat të jetë
italiani i parë me emër të vërtetë,
dhe aspak mafioz, athua cili do jetë
Al Capone me fat për në Mars.
Kinezët, si yjet mbi Murin Kinez,
zhyten në histori, kujtohen se si
një shekull pas tyre De Gama
s'arrinte ta kuptonte dot, vallë
pse kinezët e dogjën flotën kot,
e gjithë bota mund t'ishte e tyre!
No comments:
Post a Comment