Sekretari për Punë të Jashtme i Organizatës Konsumatori, Senton Kaçaniku, përmes dy deklaratave në rrjetin social Facebook, reagoi kundër akuzave që lansuan Fatos Lubonja dhe Arben Idrizi në drejtim të ish-pjesëtarëve të UÇK-së.
Kaçaniku në mes tjerash tha se Lubonjës duhet t’i ri-kujtohet se ky i fundit ishte i dënuar me burg si agjent i KGB-së ruse, dhe ishte, siç thotë Kaçaniku, një “armik i popullit”.
Ai kërkoi nga Lubonja që t’i publikojë burimet e tij të informacionit për këto akuza që ai drejtoi në drejtim të Ramush Haradinajt, meqë sipas Kaçanikut, këto akuza janë duke ardhur vetëm nga Serbia dhe Rusia.
Kaçaniku nuk la pa komentuar as shkrimin e Arben Idrizit dhe fyerjet që ai ua bëri ish-pjesëtarëve të UÇK-së dhe familjes legjendare Jasharaj, duke e quajtur Idrizin një ekscentrik dhe imbecil të poshtër i cili ka nevojë të biejë në sy me çdo kusht.
“Këta nuk e di pse i mban toka, e as nuk e di pse nuk largohen për në shtete tjera meqë me kombin e shtetet tona kanë kaq shumë antagonizëm.” –përfundoi Kaçaniku./GazetaDitore
