Zëri shkodran në unitet me poezinë shqipe

Mbresa nga Manifesti “Malli poetik”në Fushkosovë

Megjithëse isha e vetmja shkodrane desha që dhe zëri i Shkodrës të jetë ne unitet të lëvizjes poetike prandaj e mirëprita me kënaqësi ftesën e organizatorëve Z Hasan dhe Asllan Qyqalla nga Shoqata “Naim Frashëri” si pjesëmarrëse në Manifestimin poetik në Fushkosovë edhe për vetë faktin se do të merrnin pjesë shqiptarët nga gjithë trojet shqiptare dhe mërgimtarët apo emigrantët siç shpesh i quajmë ne.Pas takimit dhe përshëndetjes me miqtë e mi shkrimtarë të karierës nga të gjitha trevat tashmë të njohur edhe si anëtarë të Pegasit si Naxhije Doçi,Sherife Thaqi,Sadije Aliti,Shefqet Dinaj, Ajete Pavati e shumë e shumë të tjerë u nisëm drejt Kalasë së Harilaçit ku do mbahej takimi.U befasova nga pjesmarrja e madhe në këtë aktivitet.Në ambientet e kësaj kalaje ishin gërshetuar malli për vendlindjen e gjithë emigrantëve të ardhur nga Gjermania,Zelanda e Re, Suedia,Kanadaja,Amerika etj me vargjet poetike që valëzonin lehtë në fytyrat e pjesëmarrësve.

Gjithë bota shqiptare në një kala.Si një çerdhe zogjsh cicërimat e poezive të tyre kumbonin shqip,ngacmonin ndjenjën e çdo shqiptari që në shumicën e tyre gjëmonte malli për atdheun, vendlindjen, bashkimin, zhvillimin dhe integrimin me dinjitet të figurës shqiptare në gjithë botën.Vezullimit të fytyrave të poetëve nganjëherë rrëshqitja e një loti si mall triumfues i dashurisë për vendlindjen ia shtonte forcën e unitetit për shqiptari të poetëve.Prezantimi i secilitnga poetët dukej sikur madhështonte kalanë .

Zëri i tyre ushtonte dhe sëbashku me vallëzimin e legjendave të kalave shtroheshin në një sofër ku respekti,mikpritja, ndjenja ,emocioni dhe vlerat letrare ishin mikeshat e ftuara pa ftesa.

Nuk mund ta përshkruaj befasinë tjetër nga përkushtimi tërësor i gjithë pjesëmarrësve kur ishte radha e përfaqësueses nga Shkodra.Më dukej sikur sytë e gjithë poetëve lodronin në vargjet e mia.

Nuk mund ta fsheh emocionin që më përfshiu dhe u entuziazmova sapo mora mikrofonin në dorë duke iu drejtuar pjesëmarrësve.

-Përshëndetje nga Shkodra e Migjenit ,Gjergj Fishtës nga kalaja Rozafa.Unë jam Farida Ramadani .
Tashmë dhe në Shkodër është krijuar Klubi i Shkrimtarëve dhe mirëpresim nga të gjithë ju frymën e badhkimit të vlerave tona letrare.Më duket se tek poezia ime nuk jam vetëm un autorja por jeni të gjithë ju,do e dëgjoni dhe besoj se do më jepni të drejtë.

Pashë që përqendrimi gjatë interpretimit të poezisë sime ”Shqiptarët në teritorin e ri”ishte i madh.Kjo u duk dhe tek përgëzimet e dhjetra e dhjetra poetëve që prisnin radhën të përshëndetjes dhe urimit.Më kumbonin bukur fjalët e tyre që u regjistruan në memorjen time shoqëruar me buzëqeshje dhe krenari si:
E duam Shkodrën,Shkodra ndriti sot,Bravo Shkodra,Na nderove, Na emocionove, Jeni njerëz të respektuar, Kam dëgjuar se jeni shumë mikpritës dhe keni shumë humor,Poezi shumë e bukur, Do vimë në Shkodër,Kam nostalgji për shkodranët etj ,et.

Dua të veçoj përgëzimin nga një poet i dëgjuar i diasporës:
-Për mua fiton vendin e parë se vargjet e poezisë tënde: “Litarin e kufirit mendova ta hekuros ,Ti sjell të gjithë në teritorin e ri”, paraqesin ëndrrën shekullore të të gjithë shqiptarëve.

Dukej sikur zëri i kalasë Rozafa të Shkodrës me kalanë e Harilaqit në Fushkosovë u bënë një. U ula në vendin tin mbartur me gjithë këto urime dhe dua ta them u ndjeva shumë e vlerësuar ku emocionet ishin prezente për një kohë të gjatë shoqërueset e mia të pashmangshme.

Aktiviteti vazhdoi përsëri në Pallatin e Sportit ku pas një kokteili të shtruar u ndanë çmimet. Emocioni i radhës ishte tashmë pritja e emrit tim për ndonjë vlerësim si dhe i gjithë poetëve.

Po, po juria kishte vlerësuar dhe pjesmarrjen time krahas disa vlerësimeve të tjera si falenderim dhe mirënjohje për pjesëmarrjen dinjitoze të shkodranes Farida Ramadani në këtë manifest letrar. Menjëherë filluan përgëzimet dhe përshëndetjet e radhës.U ndjeva shumë mirë dhe pse jo, ngrita kokën lart plot krenari.

Gjatë bisedës një zonjushë bukuroshe nga Gjakova Kristina Rrasi emigrante në Zvicërr na dhuroi ftesën dhe na ftoi të merrnim pjesë në promovimin e librit të saj të parë”Valëzimet e jetës”shoqëruar me mikpritjen dhe akomodimin në shtëpinë e saj.Emenduam me miken time simpatike dhe shumë modeste Sadije Aliti nga Tetova ku gjatë gjithë taakimit su ndamë që ta nderonim miken nga Gjakova.

Menjëherë u nisëm. E,e, e, e,shqiptarët japin shpirtin për mikpritje ,respekt dhe dashuri vëllazorëre të cilën e gjetëm dhe tek Kristina.Dua të përmend që krahas shumë të ftuarve në këtë promovim mori pjesë dhe i nderuari Adem Demaçi. Poetët shpalosen vlerat e këtij libri , cilësitë dhe vlerësimin e shkrimtares megjithëse emigrante prej disa vitesh malli për vendlindjen qëndron gjithnjë i ndezur.

Në fund e mori fjalën dhe Z Adem Demaçi i cili si politikan krahas vleresimit të shkrimtares për librin ngulmoi shumë në mosreshtjen e gjithë emigrantëve për të ngritur lart figurën e shqiptarëve me dinjitet, duke respektuar normat e cilivizimit të shteteve ku ato jetojnë.E kështu erdhi koha e kthimit tim drejt Shkodrës mbartur me kujtime të bukura, shoqëri të sinqertë, ndjenjë patriotizmi dhe bashkëpunimi, gërshetim vlerash.Ishte një ekperiencë e bukur që do e kujtoj gjatë.

Faleminderit Kosova
Respekt për të gjithë ju
Farida Ramadani
Shkodër

Poezia përfaqësuese ne Manifestin “Mall poetik” ne Fushkosovë

Shqiptarët në teritorin e ri

Prej shumë kohësh,
Harta e shqiptarisë,
Më qëndron rëndshëm në sy.
Sikur, më ngacmon...!
Kërkon shpjegim për shqiprarët,
Shpërndarë nëpër botë.
E kështu,
Litarin e kufirit mendova ta hekuros,
T’a bëj të drejtë,
Hapësirën t’a zgjeroj.
Mblodha shqiptarët ngado,
Kosova, Maqedonia, Mali i Zi,
Nga Amerika, Italia,Greqia a ku ta di...


T’i sjell të gjithë në teritorin e ri.
E, e, e, kush tha se jemi pak...!?
U bënë disa milionë.
E folura shqip, ndjenjë në çdo qelizë,
“Mëmëdhe”
Çdo buzë shqiptari tingëllonte,
Fjalë që prej kohësh,
Ndjenjën, ua ngacmonte.
Qielli hapi krahët
Gjelbërimi mbushi çdo shtëpi
Koha rrezatoi, “Shqiptari”.

----------------------------------

Pershendetje Flori

 

Me dat 30 korrik 2014  ne Fushekosove ne kalane e Harilaçit u mbajt Manifesti i III poetik"Mall poetik"nga Shoqata e shkrimtareve "Naim Frasheri".Ne kete manifest moren pjese shqiptare nga te gjithe trevat shqiptare ku dhe une e vetmja e ftuar nga Shkodra dhe shume poete nga diaspora .

Nese e shikoni te aresyeshme do kisha deshire te botoni ne gazeten tuaj kete artikull shoqeruar me artikullin dhe fotot perkatese.Ju lutem me njoftoni.

 

Me respekt

Farida Ramadani

Shkoder