Nga ANTONIA POZZI (1912-1938)
Kam shumë besim në ty. Më duket
se do të di me pritë zërin tënd
në heshtje, për shekuj e shekuj
të tërë terri.
Ti i di të gjitha sekretet,
si dielli:
mund t'i bësh të lulëzojnë
gjembaçët dhe shtarat
në fund të shpellave
të gurta, të burgjeve
legjendare.
Kam shumë besim në ty. Jam e kënaqur
si arabi i mbështjellë
në barrakanin e bardhë,
që dëgjon Zotin tek pjek
elbin rreth shtëpisë.
Shqipëroi:Skender Buçpapaj
