NEBIH BUNJAKU : KUR FSHIHEJ DIELLI

Nebih Bunjaku


NEBIH BUNJAKU




KUR FSHIHEJ DIELLI




(Ismet Qorrajt)

Kur fshihej dielli prapa resh,
Korb të zeza me fortunë,
Plagë mbi plagë Pranvera jonë
Eklipsi njëshekullor- gjak e dhunë!

Lotonte qielli, gjëmonte toka,
Me dum-dum gjuante rrufeja.
Të patundur – Lisat n’këmbë,
Për liri, për ditë të reja…

Mbushej sheshi me Shqiponja,
Për ta mbrojtur çdo Fole,
Me flamuj e me pankarta
Për liri dhe për Atdhe.


Shkabë Flamuri- Ismet Qorraj
Me tre vëllezër, me tre trima,
Hapën Portën e Lirisë
Rrufepritës për vetëtima.

Sali Hadergjonaj – dragua Vokshi,
Mujë Mehmetaj nga Maznika,
Agim Kukleci – luan Isniqi,
Nuk e dinë se çka është frika.

Ndonëse u mori t’njomë liria,
Ismet Qorraj s’jeni fajtorë,
N’ Lapidar, në pavdekësi

Për liri gjithmonë-Dëshmorë.     


Nebih Bunjaku ,është lindur më 15.5.1947 në fahatin Poliçkë të Dardanës, Republika e Kosovës. Shkollën fillore e nisi në vendlindje, por pas shpërnguljes, e përfundoi në Malishevën e Gjilanit. Në Gjilan kreu shkollën e mesme, ndërsa studimet për Gjuhë shqipe dhe letërsi i mbaroi në Universitetin e Prishhtinës.

Tërë jetën ia kushtoi arsimimit dhe edukimit të fëmijëve nëpër shkolla të ndryshme, fillore dhe të mesme anembanë Kosovës. Krahas punës arsimore dhe edukative, shkroi dhe botoi poezi motivesh të ndryshme në shtypin e kohës.

Përmbledhjet e tij poetike janë: ” Dalje nga balada”, 1994, “Gramatikë zemre”, 2004, “Terapia e dashurisë”,2005, “Një samit për simit” 2007, “Prushimë buzësh”, 2008, “Zemra nuk ka dimër”, 2009, “Testamenti i lotit”, 2012 dhe “Kopshti i shpirtit” (poezi për fëmijë), 2013.

Nebih Bunjaku është anëtar i Lidhjes së Shkrimtarëve të Kosovës. Poezia e tij është prezantuar nëpër shumë libra të ndryshme antologjike. Është anëtar i Redaksisë së revistës “Ura”, që e boton Ministria e Diasporës së Republikës së Kosovës.

Nebih Bunjaku jeton dhe vepron në Prishtinë.

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)