ERMIRA R. JUSUFI
PUSHKA TUNDI MALET
Ismet A. Qorrajt
Kushtrimi për liri
Jehoi në këto troje,
Veç trimat e paepur
Ia mësuan hilet kësaj loje.
Këmba e pushtuesit
Ndrydhte çdo shpresë,
E rëndë ishte jeta
Me këta të pabesë.
Duhej dalur zot
Trojeve të të parëve,
Kujt i bie kjo detyrë,
Përveç çlirimtarëve?
Nuk ishte kohë durimi,
Shpresat na mbyteshin çdo ditë,
E liga e këtij shekulli
Gjithkah kishte zënë pusitë.
Pushka e trimave të atdheut,
Fuqishëm tundi malet
Dhe botës iu bë e ditur,
Se rruga lirisë dot s’ndalet!
Ajo pushkë çlirimtare,
Përgjithmonë shembi robërinë,
Që brezat nëpër shekuj,
Ta gëzojnë lirinë!
No comments:
Post a Comment