Rrëfimi befasues i Dick Marty-t

Senatori distancohet dhe denoncon para shqiptarëve instrumentalizimin e raportit të tij
image de l'article
© albinfo.ch


Përkthimi dhe përgatitja në shqip : Vjosa Gërvalla
Blerim Shabani & Sevdail Tahiri

Kush është Dick Marty?

Dick Marty është me origjinë nga Tessina. Është Këshilltar në Këshillin e Kantoneve (i përbërë nga përfaqësues të Kantoneve të Zvicrës). Më parë ka qënë Këshilltar Shteti. Gjithashtu, ai ka pasur një karrierë të rëndësishme si Prokuror i përgjithshëm dhe parapëlqen veçanërisht dosjet e ndjeshme, siç ka qenë për shembull raporti mbi burgjet sekrete të CIA-s, i bërë publik më 2006. Ai është një personalitet shumë i respektuar në Zvicër, e gjithashtu edhe në shkallë ndërkombëtare. Prej vitit 2010, është kryetar i Këshillit të Universitetit të Neuchatelit si dhe është emëruar kryetar i Asamblesë ndër-jurasiene, një punë që nuk është e lehtë në konteksin e Zvicrës.

ALBINFO.CH

Siç e përmenda pak më herët, raporti juaj shkaktoi polemika të shumta, dhe në vend që të shuhen, ato vazhdojnë të shtohen, në lidhje me akuzën sipas së cilës përgjegjësit politikë kosovarë janë të përfshirë në trafikimin e organeve. Por para se të hyjmë në thelbin e debatit, në hyrjen e raportit tuaj, ju i referoheni Rezolutës 1244 të OKB-së. Ndërkaq, ajo (rezoluta) nuk përbën më ndonjë referim as edhe për Beogradin. Për më tepër, në verën e vitit 2010, me kërkesë të shtetit serb, Gjykata Ndërkombëtare e Drejtësisë e Hagës dha mendimin e saj, duke vlerësuar se shpallja e pavarësisë së Kosovës nuk shkelte të drejtën ndërkombëtare. Pyetja jonë është kjo: Pse nuk flitet në raportin tuaj për GJND, dhe as lidhur me nocionin e Shtetit të Kosovës; përveç kësaj, ju flisni për administrim të kosovarëve?

DICK MARTY

Në radhë të parë, më lejoni t’ju falenderoj që më dhatë mundësinë që t’iu drejtohem qytetarëve dhe qytetareve të Kosovës dhe të Shqipërisë, shqiptarëve në përgjithësi. Kështu unë jam shumë mirënjohës për rastin që më jepet, sepse mendoj se është e nevojshme që disa pohime dhe përshtypje të korrigjohen.

Ky raport dhe veprimtaria ime, dhe për këtë ju siguroj, nuk kanë qenë kurrë dhe nuk  duhet kuptuar kurrë si diçka kundër bashkësisë kosovare, ose kundër bashkësisë shqiptare. Në të kundërtën, unë mendoj se jam përpjekur të bëj një punë që më ishte kërkuar. Nuk e kërkova unë këtë mandat, por u ngarkova për ta kryer atë. E bëra me ndërgjegje të plotë. E di se kërkimi i së vërtetës mund të shkaktojë dhembje, mirëpo kurrë nuk kam pasur për qëllim të kritikoj, dhe aq më pak ta kriminalizoj një bashkësi. Kam shumë miq dhe të njohur kosovarë dhe shqiptarë. Shumë prej tyre jetojnë në Zvicër dhe Zoti e di por unë nuk kam pasur asnjëherë ndonjë problem me ndonjërin nga Kosova apo Shqipëria. Kam pasur vetëm marrëdhënie respekti dhe miqësie.

 
“Politika kriminale dhe e marrë e Milosheviçit, e pastrimit etnik, ishte krejtësisht absurde.”
©Dayana Smith, Kosovo 1998

ALBINFO.CH

Por pikërisht, Z. Dick Marty, pjesa më e madhe e kritikave vijnë nga qarqet politike, por edhe nga shoqëria civile kosovare dhe qarqe të ndryshme, duke përfshirë edhe ato akademike, të cilët ju kritikojnë se jeni autor i këtij raporti, ndërkohë që më parë qëndrimet tuaja politike ishin kundër, përsa i përket ndërhyrjes së NATO-s në Kosovë dhe mbi shpalljen e pavarësisë së Kosovës. Pra, sipas jush, a është i justifikuar mendimi politik kosovar dhe shqiptar që ka shprehur dyshime serioze lidhur me paanshmërinë tuaj? 

DICK MARTY

Mendoj se edhe këtu është një keqkuptim. Unë kam shprehur vetëm kritika të natyrës esencialisht juridike. Më pati ardhur shumë keq që ndërhyrja e NATO-s nuk qe kryer në përputhje me të drejtën ndërkombëtare, domethënë me mbështetjen e Këshillit të Sigurimit.

Është aq e vërtetë sa që Zvicra pati ndaluar fluturimin e aeroplaneve mbi territorin e saj, sepse kjo nuk ishte në përputhje me të drejtën ndërkombëtare. Kur e them këtë, unë isha gjithashtu i bindur se duhej ndërhyrë në Kosovë. Se politika kriminale dhe e marrë e Milosheviçit, e pastrimit etnik, ishte krejtësisht absurde. Ja përse unë mendoja, dhe mendoj përsëri, se nëse do të ishin bërë gjërat në mënyrë të qartë nga pikëpamja juridike, do të kishim pasur shumë më pak polemika.

Përsa i përket pavarësisë, unë nuk e kam kundërshtuar asnjëherë pavarësinë si të tillë, kam kundërshtuar dhe kritikuar nga pikëpamja juridike, duke u mbështetur në cilësinë e kryetarit të Komisionit për Punë të Jashtme, bazuar mbi vlerësimet juridike të profesorëve të njohur ndërkombëtarisht, që na patën dëshmuar se mënyra se si ishte shpallur pavarësia nuk ishte krejtësisht korrekte. Dhe unë mendoj, se nëse kjo pavarësi, të cilën nuk e kundërshtoj si të tillë, po të ishte përgatitur ndoshta më mirë, ne do të kishim shumë më pak probleme dhe ndoshta popullsia kosovare do të kishte mundur të jetonte më mirë. Pra unë vura për diskutim dhe kritikova kushtet e veçanta dhe jo thelbin. Përveç kësaj, një nga kritikat e mia mbi modalitetet e veçanta, fatkeqësisht, u dëshmua.

Unë kisha thënë se kjo do të krijonte një precedent të rrezikshëm, sepse do të ketë nga ata që do t’i referohen këtij precedenti. Kjo ndodhi me Abkazinë dhe Osetinë e Jugut, të cilat, me të drejtë ose pa të drejtë, iu referuan këtij precedenti. Mirëpo po e përsëris, nuk është pavarësia si e tillë, por unë kritikova mënyrën se si u vendos ajo. Do të kisha preferuar më tepër që të jenë kosovarët ata që do të kishin vendosur vetë, dhe jo që ky vendim të ishte marrë nga Washingtoni, Berlini apo Parisi.

Gjithashtu, jam po ashtu paksa kritik për këtë gjendje perfuzioni që ekziston tani me ndërkombëtarët në Kosovë. Mendoj se kosovarët do të ishin në gjendje të bënin shumë më shumë gjëra vetë dhe atje do të kishte më pak efekte negative se sa me këtë prani të madhe ndërkombëtare. 
“Unë nuk e kam kundërshtuar asnjëherë pavarësinë si të tillë”



ALBINFO.CH

Me të vërtetë ju keni thënë se deklarata e Pavarësisë nuk ka qenë vendosur në Prishtinë, por në fund të fundit ajo çoi në një seri marrëveshjesh ... 

DICK MARTY

Dëgjoni. Unë nuk e vë më Pavarësinë në diskutim. Ajo nuk përbën më temë për mua. Kosova e pavarur, unë do të uroja që ajo të jetë me të vërtetë e pavarur. Që të mund të ecë me këmbët e veta, dhe për mendimin tim, kjo nuk vihet më aspak në dyshim. Për mua, ishte çështja e modaliteteve të atij moment, të çështjes së nxitimit të Zvicrës në lidhje me njohjen e saj dhe që është në kundërshtim me praktikën që ajo kishte ndjekur deri më tani, kjo ishte e gjitha. Unë jam realist: kosovarët e duan padyshim pavarësinë dhe besoj se tani duhet respektuar kjo pavarësi. Për mua, ky është një kapitull i mbyllur dhe duhet të them se ai nuk ka të bëjë aspak me këtë raport. Unë kam bërë një raport tjetër tejet kritik për Rusinë dhe politikën e saj në Kaukazin e Veriut; megjithatë nuk do të thotë se mbajta një qëndrim në favor apo kundër pavarësisë së Çeçenisë. Kjo nuk është detyra ime. Detyra që m’u caktua është një detyrë që shkon në drejtim të respektit të parimeve të Konventës Evropjane të të Drejtave të Njeriut, kjo është e gjitha. 

ALBINFO.CH

Meqenëse flisni për Rusinë, a është e vërtetë se autori i mocionit, që ishte pikënisja e këtij raporti, është një deputet rus, me emrin Konstantin Kosachev? Shumë analistë kosovarë e të rajonit i bëjnë pyetje vetes lidhur me synimin e kësaj nisme, duke e ditur se Rusia nuk është model përsa i përket mbrojtjes së të drejtave të njeriut dhe se ajo është e njohur si aleati tradicional i Beogradit. Pra, a nuk dyshonit se mos kjo nismë ishte objekt i qëllimeve politike? 

DICK MARTY

Z. Kosachev ishte një nga nënshkruesit e këtij mocioni. Mirëpo, që mocioni të jetë i vlefshëm, ai duhet të nënshkruhet nga 20 deputetë dhe duhet të përfaqësojë, në mos gaboj, pesë vende të ndryshme. Pra, ishin deputetë të partive dhe vendeve të ndryshme që e firmosën ate. Midis të tjerash, ju informoj, se unë nuk e firmosa atë. 

ALBINFO.CH

Mirëpo, a ishtë ai nismëtari i këtij mocioni ? 

DICK MARTY

Nuk e di nëse ai ishte iniciatori. Mua nuk më është kërkuar kjo dhe nuk isha në dijeni të kësaj nisme. Procedura është kjo. Kur ka një mocion, ai shqyrtohet nga zyra e Asamblesë, e cila vendos për vlefshmërinë e tij. Në këtë rast, ajo vendosi që ai ishte i vlefshëm dhe ia kaloi Komisionit të Çështjeve Juridike të të Drejtave të Njeriut. Ky komision duhet të caktojë një raportues dhe ai vendosi të ma ngarkonte mua këtë raport. Duhet të ju them se nuk isha patjetër i entuziazmuar me këtë, dhe mund të ju siguroj se nuk isha unë që shkova ta kërkoja këtë punë.

“Nuk është UÇK, si e tillë që kriminalizohet apo kritikohet”


ALBINFO.CH

Meqenëse po flasim për këtë raport, propozoj që të futemi në thelbin e çështjes. Më parë, ka pasur dy raporte të GJPN dhe të EULEX-it mbi ish-Jugosllavinë. Dy anketa që u realizuan në bazë të thënieve mbi trafikun e organeve. Çfarë sjell më tepër raporti juaj, në lidhje me atë që është bërë deri tani?

DICK MARTY

Të flasësh për hetimin e GJPN dhe të EULEX-it, në lidhje me këto raste, është e tepërt të pretendohet se bëhet fjalë për hetim. Në vitin 2002 apo 2003, GJPN kishte një mision në  «Burrel» dhe në këtë kuadër, ajo mblodhi një numër provash teknike, si gjurmë gjaku, ilaçe, etj., dhe nuk ka pasur asnjë vazhdim pas kësaj vizite atje. Bile, këto prova, që sot do të mund të shfrytëzoheshin në suazat e një hetimi të vërtetë, janë asgjësuar, gjë që është mjaft e çuditshme. Sepse unë nuk njoh asnjë autoritet gjyqësor, asnjë ministri publike, e cila, edhe në rastin kur ajo pranon se nuk është kompetente, asgjëson, për më pak se dy vite, elemente të provave që mundeshin të ishin, në të ardhmen, thelbësore. Pra, thënë shkurt, nuk ka pasur kurrë ndonjë hetim të vërtetë mbi këto ngjarje. Gjithashtu, sepse Shqipëria, dhe këtë ma kanë thënë ministri i drejtësisë dhe ai i punëve të brendshme i Shqipërisë, ishte e mendimit se nuk kishte asnjë arsye për të hapur një hetim mbi ngjarjet eventuale që kanë mundur të ndodhin në territorin e saj, sepse ajo vlerësonte se nuk ishte pjesë e konfliktit të ish-Jugosllavisë dhe nga ky fakt, ajo nuk shihte se në emër të cilit motiv duhej të hapte një hetim.

Sot ne jemi në dijeni dhe EULEX-i është duke e dëshmuar, ekziston një akt akuzimi, se një kamp sekret i të burgosurve mbahej në territorin e Shqipërisë së veriut nga ana e forcave të UÇK-së. Gjithashtu, edhe këtu, më lejoni të ju them se nëse lexohet me kujdes raporti im, nuk është UÇK, si e tillë që kriminalizohet apo kritikohet. Bile dua të theksoj se ka anëtarë të UÇK-së që u angazhuan në mënyrë të lakmueshme për atdheun e tyre. Nuk besoj se mund të konsiderohet UÇK-ja si një ushtri e strukturuar, në kuptimin klasik, me një gjeneral etj. Mirëpo, për mendimin tim, ka pasur abuzime dhe krime që janë kryer nga disa grupe, të cilat, sipas mendimit tim, duhet të jenë objekt i një hetimi. Ajo që kam sjellë unë në këtë raport nuk është në fund të fundit diçka shumë e re. Qoftë UÇK-ja, disa forca të UÇK-së, apo z. Thaçi, të gjithë tashmë kanë qenë të cituar në shumë raporte të shërbimeve informative, në studime që janë realizuar, ose edhe në artikuj të hartuar, apo nga një hulumtim i detajuar i BBC-së. Pra ajo që ne arritëm të bëjmë në kërkimet tona, ishte se na u dha mundësia të gjejmë dëshmitarë shumë të besueshëm që kanë mundur të japin hollësira që figurojnë në raport.

Por ne nuk jemi një autoritet hetimi dhe akoma më pak gjykimi. Ne jemi një autoritet denoncimi. Ne denoncojmë dhe kërkojmë që të kryhen hetime për ngjarje që tregojnë indicje për shkelje të rënda të të Drejtave të Njeriut. Dhe ne e kemi bërë këtë në shumë raste. Pak më parë ju folët për raportin mbi burgjet sekrete të CIA-së; ju them se edhe në atë rast kam cituar emra, si atë të ish presidentit të Rumanisë, të Këshilltarit të sigurisë të Polonisë, që ishin në dijeni se çfarë ndodhte. Dhe në qershor 2007, paraqita këtë raport për të cilin po ashtu më kërkuan dëshmi dhe kësaj iu përgjigja se u përkiste atyre që t`i kërkonin dëshmitë. Detyra ime është të denoncoj, dhe mund të ju them se tre vite më vonë, nuk ka pasur asnjë fjalë të raportit tim që është përgënjështruar. Dhe sot, mendoj se ky raport konsiderohet si diçka që është dëshmuar në të gjitha elementet e tij.  

ALBINFO.CH

Pikërisht, juve ju qortojnë për faktin se sillni shumë akuza të rënda dhe të ashpra, kurse dëshmitë për t`i mbështetur ato ju mungojnë. Ndjenja e përgjithshme është se raporti juaj i ngjan një gjykimi, para hetimit juridik.

DICK MARTY

Jo! Duke cituar shumë burime dhe dokumente, unë them se ka aq indicje, pa i harruar dëshimtarët që kam dëgjuar që rrëfejnë ngjarjet, dhe nuk mund të shtiresh se nuk ka ndodhur asgjë. Prandaj, duhet bërë një hetim. Ndërkaq, unë konstatoj se autoritetet gjyqësore të rajonit, fatkeqësisht nuk janë në gjendje t`i mbrojnë dëshmitarët. Dhe për këtë arsye, dëshmitarët nuk flasin. Ju e dini shumë mirë se ka dëshmitarë që janë kanosur apo vrarë.

Ju e dini shumë mirë që ka dëshmitarë që kanë bërë deklarata akuzuese në procesin e hetimeve, dhe që nuk kanë folur pastaj gjatë gjykimit. Ju e dini shumë mirë se nuk ka akoma, ashtu siç ka kërkuar Bashkësia ndërkombëtare, një ligj për mbrojtjen e dëshmitarëve. Do të thotë, nuk është një popullatë që është kriminalizuar. Për mua, shumica e kosovarëve kanë qenë viktima dhe kanë qenë të detyruar të paguajnë një haraç të rëndë. Do të dëshiroja, që për këta burra dhe gra, e ardhmja e tyre të mos ndërtohet mbi dyshime dhe gënjeshtra, por mbi të vërtetën. Është e vërtetë se kërkimi i së vërtetës shkakton dhembje, por nuk duhet reaguar sikurse serbët. Serbët reaguan kur pati akuza kundër Milosheviçit dhe krimeve të tmershme të kryera kundër boshnjakëve dhe shqiptarëve. Ata protestuan duke thënë se duan dëshmi. Nuk duhet reaguar në mënyrë të tillë.

Më duket se reagimi i drejtë është të thuash:  ju bëni akuza shumë serioze, tani duam që autoritetet kompetente të bëjnë gjithçka që është e mundur që të zbardhet e vërteta. Sepse e vërteta është në interes tonin. Ka shumë shembuj, bile edhe në Zvicër, me të mirat dhe pasuritë e lëna nga hebrenjët në bankat tona. Për vite të tëra ne u bëmë sikurse nuk e shihnim këtë problem ndërsa historia ne na kapi shumë kohë pas luftës. Dhe kjo i shkaktoi shumë dëm vendit tonë.

Në Austri ishte një president që ishte përzier me nazizmin dhe për shumë kohë bënim sikurse nuk e dinim. Edhe në atë rast, na kapi historia. Në Kosovë kam qenë vetëm një herë, por jam habitur nga ngrohtësia dhe pritja e popullatës, një pritje që e gjeta edhe në Shqipëri. Pra unë u uroj atyre një të ardhme të mbarë, por kjo e ardhme është e mundëshme vetëm nëse përballemi me të kaluarën duke kërkuar të vërtetën. Kjo vlen edhe për vendin tim dhe për çdo shoqëri tjetër. 

“Mirëpo, nëse e lexoni me kujdes raportin tim, unë nuk them në asnjë rast se Z. Thaçi është i implikuar drejtpërdrejt në një trafik organesh.”


ALBINFO.CH

Por raporti juaj, megjithatë, u fillua pas botimit të librit të ish-prokurores së GJPN, zonjës Karla del Ponte. Lidhur me këtë, zëdhënësja e saj, zonja Florence Hartmann, i cilëson fjalët e saj të papërgjegjshme, sepse ajo paraqet si fakte të sigurta hipoteza të thjeshta. Duke e ditur se raporti juaj bazohet mbi këtë libër, shqiptarët e Kosovës kanë përshtypjen se ju u kërkoni atyre ta dëshmojnë pafajësinë e tyre, sepse ju nuk keni mundur ta dëshmoni fajësinë e tyre. 

DICK MARTY

Zotëri, unë jam në fund të karrierës sime politike dhe jam pak a shumë i moshuar, për të mos thënë njëfarë moshe. Kam shërbyer në tri fusha të shtetit: drejtësi, ekzekutiv dhe tani në ligjvënie. Ju nuk do të mendoni vallë se unë do të rrezikoj të hedh poshtë karrierën time duke shkruar një roman në vend të një raporti. Unë besoj në një ndërgjegje dhe aftësi profesionale. Për më tepër se 15 vite kam qenë prokuror dhe jam marrë sidomos me kriminalitetin e organizuar ndërkombëtar.

Ndërkaq, kam marrë dy çmime nderi nga Departamenti Amerikan i Drejtësisë, dhe kjo nuk është për t’u mburrur, por për të dëshmuar njëfarë aftësie që e zotëroj. Unë e di se si duhet pyetur një dëshmitar, se nuk duhet të bazohesh në një deklaratë të vetme dhe se duhen bërë prova të kryqëzuara.  


“Unë nuk them në asnjë rast se z. Thaçi është i implikuar drejtpërdrejt në një trafik organesh”

Mirëpo, nëse e lexoni me kujdes raportin tim, unë nuk them në asnjë rast se Z. Thaçi është i implikuar drejtpërdrejt në një trafik organesh, por them se njerëz shumë të afërt të z. Thaçit janë të implikuar.

Pra, është e vështirë të mendosh se ai nuk ka dëgjuar kurrë për to. Për ndryshim nga zonja Karla del Ponte, unë saktësoj shumë aspekte. Nuk them se bëhet fjalë për qindra transplantime të paligjshme. Flas vetëm për një grusht rastesh.

ALBINFO.CH

Po, por e përmendni tërthorazi.

DICK MARTY

Por është e shkruar. Unë nuk kam shkruar të kundërtën. Besoj se mjafton që të vërtetat duhet deklaruar njëherë. Kur fillon të deklarosh shumë shpesh një të vërtetë, kjo fillon të bëhet e dyshimtë.

E gjithë kjo për të thënë se unë do të uroja që dikush që është profesionist të përkthejë këtë raport. Sepse ky raport nuk është lexuar nga 99,9 % e njerëzve që janë sot të indinjuar. Janë lexuar vetëm disa pjesë nga shtypi.

Të një shtypi që anon dhe që ka nxjerrë vetëm disa pjesë të këtij raporti. Ndërkaq, ky raport shfrytëzohet sot nga qarqet e dy palëve nacionaliste. Nga serbët, gjë që më zemëron shumë si dhe nga nacionalistët e Kosovës. Fakti që është shfrytëzuar nga të dy anët, flet pothuajse në favor të raportit.

Raporti është shumë i ashpër ndaj serbëve, nuk ka asnjë komplicitet apo mirëkuptim për krimet e tmershme të kryera nga serbët.


“Por krimet e kryera nga serbët nuk mund të justifikojnë disa krime të kryera po ashtu nga disa kosovarë dhe jo nga kosovarët, por nga disa kosovarë”

© Agron Dragaj 

Por krimet e kryera nga serbët nuk mund të justifikojnë disa krime të kryera po ashtu nga disa kosovarë dhe jo nga kosovarët, por nga disa kosovarë.  Një krim nuk mund të kompensojë tjetrin.

Drejtësia duhet të jetë e njëjtë për të gjithë dhe duhen kryer hetime në të dy anët. Ndërkaq, ajo që tha ambasadori amerikan gjatë vendosjes së administratës së re lokale, në 1999-2000, ishte se e kaluara ishte e kaluar dhe se duhej preokupuar për të ardhmen.

Kjo nuk është një bazë e mirë për një nismë. Edhe nëse mundemi të kemi ndonjë mirëkuptim. Kuptova se në Kosovë ka shumë kohë që pëshpëritej për këto gjëra. Në fakt, nëse jemi përfundimisht të ndershëm, nuk duhet të ishe i çuditur nga ky raport. Mbetet një tabu e madhe  fakti se shqiptarë po ashtu janë vrarë nga disa elementë të UÇK. Zotëri, ju e dini se kjo ka ndodhur.

Gjithashtu, mendoj se këto krime duhet po ashtu qartësuar. Kam takuar prindërit e viktimave të zhdukura, si në Beograd ashtu dhe në Prishtinë. Çdo herë jam tronditur, sepse e di se çfarë do të thotë humbja  e një fëmije, veçanërisht kur nuk di gjë se çfarë ka ndodhur. Në këto raste, nuk është e mundur të mbahet zija. Pra unë mendoj se raporti meriton një lexim më të sinqertë dhe kjo edhe nëse kam bindjen se nuk është e lehtë dhe se kam dëshirë t’u pohoj se kam njëfarë mirëkuptimi përballë këtyre reagimeve. Jam i sigurt se koha do të jetë në favor të një kuptimi më të mirë të këtij raporti. 

"Jam i sigurt se koha do të jetë në favor të një kuptimi më të mirë të këtij raporti "


ALBINFO.CH

Por, pak më herët përmendët përfshirjen e supozuar të z. H. Thaçi  në trafikun e supozuar të organeve. Por deputetët e Zvicrës që mbështesin raportin tuaj, presidenti i të Gjelbërve, si dhe deputetë të tjerë po aq të respektuar, janë treguar mjaft skeptikë në lidhje… 

DICK MARTY

Unë ju përsëris nëse  lexoni me vëmendje, ju kuptoni se nuk përfshij drejtpërdrejtë z. Thaçi  me trafikun e organeve. Aty përmenden emra të caktuar, dhe jo emri i z. Thaçit. Mirëpo, ajo që themi është se këta  persona në fjalë janë në rrethin e z. Thaçit. E dini se Z. Thaçi kishte përgjegjësi të mëdha në kuadër të UÇK-së dhe brenda këtij grupi. Nuk e imagjinoj dot z. Thaçi duke marrë pjesë personalisht në nxjerrjen e organeve.

Përsëri, edhe pse duket se te gjithë janë përqendruar në faktin e heqjes së organeve, e vërteta është se ka me qindra persona që nuk i përgjigjen thirrjes, dhe se kemi humbur gjurmët e tyre, ndërsa indicje të shumta tregojnë, dhe këtë e konfirmon EULEX-i, se ata kanë shkuar në drejtim të Shqipërisë. Në mes të të zhdukurve  nuk ka vetëm serbë, po edhe kosovarë.  

ALBINFO.CH

A vlen rregulli i prezumimit të pafajësisë edhe për z. Thaçi, sepse nëse e lexojmë shtypin e këtushëm… 

DICK MARTY

Por nuk bëhet fjalë për një dënim, po për një denoncim eventual. Ky nuk është një dënim. Më në fund duhet që dikush të bëjë hetim, gjë që nuk është bërë deri tani. Edhe pse ka pasur botime të shkrimeve që flisnin për krim të organizuar në lidhje me disa qarqe të UÇK-së.

Kështu që prej vitit 1999, ka pasur artikuj në New York Times, një tjetër në Guardian i cili  bazohej në një raport të FBI-së, ka pasur një raport të shërbimeve informative të Gjermanisë, të Greqisë, të Italisë, dhe të Qendrës Evropiane të studimeve të Berlinit, etj. Më në fund, befasohem që skandali që po ndodh sot nuk ka ndodhur më herët.  

ALBINFO.CH

Në Zvicër, z. Alain de Weck, një person shumë i njohur në fushën e transplantimit të organeve, ka shprehur dyshime të thella për përmasën e akuzave dhe sugjeron që të rishikohen me një prizëm tjetër akuzat për masakra në shkallë të madhe. 

“Në kundërshtim me zonjën Del Ponte, z. Marty flet vetëm për një grusht rastesh”


DICK MARTY

Po, duhet. Flas për një grusht personash. Duhet të lexohet raporti im. Kush ka përmendur, si në Kosovë po ashtu në Shqipëri, se unë flas për një grusht rastesh. Askush. Bile, jo vetëm në Kosovë.

Ka pasur media të tjera që kanë raportuar se në kundërshtim me zonjën Del Ponte, z. Marty flet vetëm për një grusht rastesh. Dhe ju e dini, se trafiku i organeve, në modalitete tjera, ka vazhduar nën hundën e ndërkombëtarëve, madje edhe në Prishtinë. Dhe se kryesisht të njëjtat rrjete janë në veprim.
Sepse, prej momentit kur organi del nga vendi, ai kalon në dorën e rrjeteve ndërkombëtare. Trafiku i organeve përbën një ndër plagët e mëdha të kësaj bote, kundër të cilit mendoj se nuk është bërë mjaft.

Sot, terrorizmi shikohet si armiku numër një, ndërsa kemi të bëjmë me fenomene që bëjnë më shumë viktima. E kam fjalën për trafikun e armëve, drogës, qenieve njerëzore, trafikimin e fëmijëve si dhe trafikimin e organeve. Trafiqe kundër të cilëve nuk japim më shume se një të dhjetën e energjisë që shkon kundër terrorizmit që shkakton shumë më pak viktima.

Nuk dua të them se ne nuk duhet të luftojmë kundër terrorizmit, por se ne nuk i kushtojmë vëmendje të mjaftueshme këtyre fenomeneve të ndryshme nga të cilët të gjithë rrezikojmë të bëhemi viktima, dhe këtë pavarësisht nga kombësia dhe përkatësia etnike.


 

“Unë nuk jam përgjegjës për titullin, ky më është caktuar”

ALBINFO.CH

A mund të themi se raporti juaj është bërë pre e nxitimit politiko-mediatik i cili vuri në pah dyshimin e këtij tregu aq të ndyrë të organizuar në shkallë të madhe. A mund të themi se titulli i raportit tuaj nuk i ka shërbyer hetimit tuaj, duke dhënë përshtypjen se trafiku i organeve ishte thelbi i mendimit tuaj, ndërsa ai  mbulon një problematikë që shkon përtej trafikut të organeve.

DICK MARTY

Unë nuk jam përgjegjës për titullin, ky më është caktuar. E tëra është nisur nga deklaratat e zonjës Del Ponte. Unë kam qenë shumë i habitur nga deklaratat e saj. Doja ta dija se përse dikush i cili kishte një përgjegjësi juridike në rajon bën deklarata të tilla, dhe nuk i bën në momentin kur ajo ishte e ngarkuar me këtë dosje, por kur ajo u largua nga funksioni, dhe përveç kësaj, i bën përmes një libri.

Kam qenë shumë skeptik për deklaratat e saj. Pastaj u konstatua se Gjykata e Hagës nuk ishte kompetente për shkak se faktet kishin ndodhur pas 12 qershorit 1999, dhe se kishin ndodhur në Shqipëri.

Bile, mund shtrohet pyetja nëse EULEX-i është kompetent. Është e vërtetë se raporti im ndez emocione.
Unë jam një mbrojtës profesionist i të drejtave të njeriut.

Kur më ngarkojnë me detyrën e shkrimit të një raporti, unë mbledh të dhëna shumë serioze, zbuloj një seri të tërë të dokumenteve, dhe i përmend në raportin tim. Kjo ishte detyra ime. E di se me këtë raport i kam hapur vetës vetëm telashe. Duhet pasur parasysh se me një raport të tillë nuk marr asnjë rrogë. Si çdo raportues, ne marrin nga Parlamenti Zviceran një shumë prej 200 frangash zvicerane, dhe këtë pavarësisht nga objekti i studimit, qoftë nga  parlamentit i Zvicrës apo i Strasburgut. Pikë.

Ky raport më hap vetëm probleme dhe nuk më sjell asnjë përfitim, ju betohem.

Kjo ishte detyra ime. Nga momenti që kam marrë këtë mandat, unë kam pasur për detyrë të tregoj atë që kam zbuluar. Bëhet fjalë për një denoncim, dhe pas kësaj, u mbetet autoriteteve kompetente që ta kryejnë detyrën e tyre.

Ishte e njëjta gjë për çështjen e burgjeve sekrete, për abuzimet që kanë ndodhur dhe që vazhdojnë në Kaukazin Verior, për Qipron, për Kongon në rajonin e liqeneve të mëdhenj. Unë nuk kam asnjë arsye personale kundër Kosovës, Shqipërisë apo shqiptarëve. Përkundrazi, unë jam ndër ata që adhuroj shumë librat e Kadaresë.


Kronologjia dhe botimi i raportit

ALBINFO.CH

Keni të drejtë, ai është një personalitet i njohur botërisht.
A nuk keni frikë se do të ketë një përdorim politik, sidomos sa i përket kronologjisë të raportit. Edhe Jacques Rupnik, një personalitet shumë i respektuar në botën akademike evropiane dhe ndërkombëtare, ku ai shprehet se ky raport është një mënyrë për të penguar proçesin e paqes në mes të Beogradit dhe Prishtinës. Dhe është fakt se ky raport ka dalë pak pas zgjedhjes së z. H. Thaçi.  

DICK MARTY

Mendoj se do të kishim bërë të njëjtat vështrime,  pavarësisht momentit të publikimit. Jam i mendimit se gazetarët si dhe eksperti që ju po e përmendni duhet të informohen më seriozisht.

Kemi të bëjmë me një proces shumë rigoroz për prezantimin e raportit. Ne duhet të dorëzojmë raportet brenda dy vjetësh, dhe mund të shtyjmë afatin vetëm një herë. Në lidhje me rastin tim, afati i fundit ishte seanca në janar të vitit 2011. Kështu që afati i fundit për paraqitjen në Komision ishte më 16 dhjetor 2010.

Në momentin e caktimit të rendit të ditës për seancën e janarit, në të cilin përfshihej edhe raporti im, askush nuk kishte vendosur ende datën e zgjedhjeve në Kosovë. Sepse siç e dini, nuk ishin zgjedhje të rregullta. Kishim të bënim me zgjedhje të jashtëzakonshme, data e të cilave u caktua vetëm në muajin nëntor. Për më tepër, data e parë e caktuar ishte për muajin shkurt. Pra, kjo nuk ka të bëjë aspak me procesin zgjedhor. 

ALBINFO.CH

Don të thotë se kjo mund të verifikohet ?

DICK MARTY

Datat janë caktuar në përputhje me rregullat dhe unë nuk kam pasur asnjë ndikim në (kë) to.
Kjo është shumë e rëndësishme, sepse ka pasur aq shumë spekulime për shkak të mos informimit.
Dokumentet janë të qarta: rendi i ditës është caktuar para caktimit të datës për zgjedhje në Kosovë.

Për më tepër, sipas rregullave të Këshillit Evropian, nuk kemi pasur për detyrë tua dërgojmë raportin të gjithë anëtarëve (82 veta) të Komisionit një javë para seancës.

Pra, ne është dashur të dërgojmë raportin të enjten para zgjedhjeve, më 9 dhjetor. Dërgimi për 82 persona bënte të pamundur mbajtjen e sekretit. Prandaj, bashkë me Presidentin e Komisionit, vendosëm se ishte e pamundur të dërgojmë raportin 48 orë para zgjedhjeve.  Pra, në shkelje të rregulloreve, ne e kemi dërguar vetëm gjatë natës të së dielës, në mënyrë që të mos akuzohemi për ndikim mbi zgjedhjet.

ALBINFO.CH

Ju ngritët çështjen e burimeve. Mbi këtë temë ka shumë polemika dhe pyetje në mesin e komunitetit shqiptar si dhe në përgjithësi. Ju mbështeteni kryesisht në dëshmi dhe mbi raporte të kryera nga shërbimet për zbulime.

Burimet në të cilat mbështetni akuzat tuaja janë shumë të kritikuara. Gjithashtu jeni i kritikuar për shkak se nuk keni takuar personalisht dëshmitarët, siç e tregoni në raportin tuaj. Ju shpjegoni se kjo ka të bëjë me kushtet në të cilat keni punuar si dhe me çështjen e mbrojtjes së dëshmitarëve. 

DICK MARTY

Nuk bëhet fjalë për të gjithë, disa kanë biseduar personalisht me mua.

ALBINFO.CH

Po, por pjesa dërmuese nuk ishte e tillë. 

DICK MARTY

Jo! Dëshmitarët e rëndësishëm kanë folur me ne. Dhe kjo nuk ishte e lehtë, sepse ata duhej që të kishin një garanci absolute fshehtësie. Këta dëshmitarë kanë frikë. Ata kanë qenë të kërcënuar dhe të vrarë.

Deri sa problemi i dëshmitarëve mbetet i pa zgjidhur, nuk do të arrijmë kurrë të bëjmë drejtësi kundër të plotfuqishmit.
Tragjedia qëndron në faktin se drejtësia tregohet shumë e fortë me peshqit e vegjël, dhe shumë e ligë me ata të mëdhenj, dhe kjo nuk ndodh vetëm në Kosovë, por edhe në shumë vende tjera.

“Ndoshta kam bërë gabime, sepse askush nuk është i përsosur, por i siguroj të gjithë kosovarët dhe shqiptarët, që jam përpjekur të bëj punën time me shumë ndershmëri dhe me dëshirë të kërkoj të vërtetën dhe drejtësinë.”

ALBINFO.CH

Por përsëri, ju mbështeteni kryesisht në raportet e shërbimeve për zbulim, të kryera  nga vendet që nuk janë domosdoshmërisht në favor të pavarësisë së Kosovës. A mund të na thoni pak më shumë, sepse ka shumë spekulime dhe thashetheme në lidhje me burimet e këtyre raporteve. 

DICK MARTY

Shërbimet zyrtare nuk më kanë dhënë këto raporte. Mos u bëni merak.
Këto raporte kanë ngjallur iritim të përgjithshëm pranë kancelarive, pasi këto të fundit nuk shkonin në drejtimin e tyre.

Kështu që Bundesnachrichtendienst (Shërbimi Federal i Informimit) gjerman - Ju e dini se raporti është «publikuar» nga Spiegel në 2005. Administrata gjermane është zemëruar kur ky raport u publikua për shkak se përmbajtja e tij nuk i shërbente interesave të politikës gjermane, e cila në atë kohë, si dhe më duket edhe tani, mbështeste administratën e Kosovës. Por nuk duhet të mendojmë gjithmonë me një pikëpamje politike.

A nuk mund të pranojmë që dikush mund të punojë vetëm për hir të të vërtetës dhe të drejtësisë e cila duhet të jetë e barabartë për të gjithë ?

Ky është një fakt që më godet. Ka pasur zhurma të tipit: ka lidhje me momentin e botimit të raportit, të kem marrë shuma të parave nga serbët…Ndoshta kam bërë gabime, sepse askush nuk është i përsosur, por i siguroj të gjithë kosovarët dhe shqiptarët, që jam përpjekur të bëj punën time me shumë ndershmëri dhe me dëshirë të kërkoj të vërtetën dhe drejtësinë.
Nga përvoja e di se kërkimi i të vërtetës mund të lëndojë. Por, në fund të fundit, kjo është një e keqe e domosdoshme. 

ALBINFO.CH

Por duhet po ashtu zgjedhur metoda për ta bërë. 

DICK MARTY

Cilën metodë tjetër? 

ALBINFO.CH

Për shembull, sipas shtypit serb, ju keni përdorur raportet e drejtësisë serbe. A është e vërtetë ? 

DICK MARTY

Jo! Nëse e lexoni raportin ju e shihni se unë jam shumë kritik ndaj gjykatës serbe, të cilat mendoj se do të bënin më mirë po të merreshin më pak me marrëdhënie me publikun dhe të punonin më seriozisht. 

ALBINFO.CH

Dëshmitë e cituara në raportet e drejtësisë serbe kanë qenë të nxjerra nën torturat e bëra në kazamatet serbe...

DICK MARTY

Unë ju jap fjalën time të nderit që asnjë material serb nuk ka mundur të përdoret dhe që nuk kemi përdorur.


ALBINFO.CH

Pra, kur një e përditshme serioze kosovare, Koha Ditore, bën një krahasim në mes të një raporti të shërbimeve për zbulim të Serbisë dhe raportit tuaj!

DICK MARTY

Jo! E kam lexuar, më vjen keq, nuk është aspak serioze.

Përveç kësaj, një punëtor i lartë i administratës amerikane ka thënë se ishte e papranueshme që Zoti Marty të vizitojë Rusinë menjëherë pas dorëzimit të raportit. Duke menduar se udhëtimi për në Rusi ishte në lidhje me raportin.

Ai nuk e dinte se unë isha në Moskë dhe në Tbilisi, si kryetar i Komisionit për monitorim. Isha i ngarkuar nga Kuvendi si ndërmjetësues midis delegacionit rus dhe atij të Gjeorgjisë, në kuadër të konfliktit ruso-gjeorgjian. Kur kam qenë në Moskë, nuk kemi biseduar as një sekondë për Kosovën. Pra dua të ju them se si thurren fantazitë nga një fakt i interpretuar gabimisht dhe në fund rezulton në një «elefant të madh» i cili mbështetet mbi një bazë inekzistente. Jam i kënaqur që më dhatë mundësinë që të shpjegohem për këtë çështje. 

ALBINFO.CH

Pikërisht, ky ishte qëllimi, sepse edhe reagimet e klasës politike kosovare dhe shqiptare kanë qenë jashtëzakonisht kritike ndaj këtij raporti dhe kanë shqiptuar fjalë të rënda ndaj juve.

Ky raport është cilësuar si një sulm politik për të baltosur imazhin e shqiptarëve në përgjithësi. Ndërsa në të njëjtën kohë ata janë shprehur të gatshëm për të bashkëpunuar. Presidenti ad interim i Kosovës, z. Krasniqi, ka thënë publikisht se e vërteta duhet të dalë në dritë, dhe sa më shpejt që të jetë e mundur, dhe madje edhe para negociatave me Beogradin.   

DICK MARTY

Mendoj se reagimet kanë qenë të tepruara dhe se kanë pasur po ashtu edhe motivime politike. Ju e njihni rregullën politike e cila vlen për të gjitha shtetet. Ajo që thotë se armiku i jashtëm ndihmon gjithmonë për të mobilizuar trupat e brendshme, dhe mundëson harresën e problemeve të shumta të brendshme.
Kështu unë u bëra ai dashi i kurbanit, kurse mendoj se problemet nuk janë të miat por ato gjendën atje brenda, dhe atje duhet të zgjidhen.

Sepse këto akuza ekzistojnë prej një kohe të gjatë, dhe po të kishin dashur të gjejnë të vërtetën do duhej të jetë bërë më parë, dhe jo të prisnin raportin tim. Ka pasur shumë manifestime gjatë të cilave flitej për krim të organizuar, për përfshirje të njerëzve të pushtetit në këto organizata. Përse më herët, askush nuk ka kërkuar t'i nxjerrë në dritë të gjitha këto më herët.

E përsëris, se nuk kam kërkuar një punë të tillë sepse nuk kam pasur asnjë arsye për ta refuzuar. Kurrë nuk kam hequr dorë nga detyrimet e mia, ju siguroj se kohët e fundit kisha pasur dëshirë të bëj diçka më të dobishme.

ALBINFO.CH

Por janë reagimet e klasës politike shqiptare, qoftë në Kosovës apo diku tjetër, por edhe ato të popullit të Kosovës i cili ka një ndjenjë totale moskuptimi. 

DICK MARTY

Kam lexuar shtypin, kam shokë kosovarë që më kanë informuar dhe që më kanë përkthyer artikuj. Ju nuk do të më thoni se pjesa dërmuese e shtypit shqiptar ka dhënë raportime objektive?

Më vjen keq por mbulesa ishte e njëanëshme, jo e plotë, dhe nuk ka cituar gjera që i kemi thënë. Ky raport u prezantua si pro-serb, duke harruar të përmendin të gjitha gjërat që unë kam thënë kundër serbëve, kundër përgjegjësve serbë të asaj kohe. Mendoj se shqiptarët do të kishin bërë mirë po ta kishin lexuar raportin në qetësi dhe sinqerisht.

Kam pasur disa eksperienca interesante me disa shqiptarë që jetonin në Austri dhe Gjermani. Ata më patën shkruar të skandalizuar dhe të zemëruar, të cilëve u dërgova një përgjigje me shpjegime përmes e-mailit.

E pra, këta persona më janë përgjigjur, gjë që më ka prekur shumë, për shkak se këta njerëz më falënderonin dhe më kërkonin falje për përdorimin e shprehjeve që kishin përdorur në mesazhet e tyre të mëparshme, dhe për të më thënë se ata tani kanë kuptuar më mirë punën time. Gjithashtu, shpresoj se pas kësaj interviste do të arrijmë në të njëjtin përfundim.

Unë kuptoj se nuk është diçka e lehtë, se kemi të bëjmë me një refleks patriotik, dhe në rastin më të mirë me pak nacionalizëm, një gjë e tillë do të ndodhte në secilin vend. Kur na akuzuan në Zvicër për fondet e pasurisë të çifutëve, ne gjithashtu patëm reagime krejtësisht të tepruara dhe të pasakta. Pastaj, me kalimin e kohës kuptuam se ishte më mirë të reagojmë ndryshe.   

ALBINFO.CH

Po, qëllimi i kësaj bisede është të arrijmë të diskutojmë me siqeritet pas kalimit të fazës së emocioneve. Sa më përket mua, sapo jam kthyer nga vendet e Ballkanit, ku takova shumë njerëz, sepse përfitoj nga çdo rast për të matur pulsin e njerëzve. Mund t’ju them se jeni bërë i «famshëm » për shkak se emri juaj është në buzët e çdo kosovari apo shqiptari. Ata kanë një ndjenjë të thellë se ky raport ka për qëllim pikërisht relativizmin e  krimeve masive të kryera kundër civilëve shqiptarë të Kosovës.  

DICK MARTY

Ata janë përpjekur për ta bërë këtë të besueshme. Këta njerëz nuk kanë lexuar raportin.

ALBINFO.CH

Keni të drejtë, të gjithë nuk kanë mundësinë ta lexojnë por… 

DICK MARTY

Ju e dini shumë mirë se sa e lehtë është për të nxitur opinionin publik. Për këtë, nuk ka nevojë të shkojmë në Kosovë, mjafton të shikojmë televizionin e Berluskonit për të parë se si nxitet një shoqëri.  

ALBINFO.CH

Por çfarë do tu thoni shqiptarëve sepse ndjenja e përgjithshme është se ky raport synon relativizmin e shkallës së  masakrave të kryera kundër shqiptarëve, kundër popullatës civile, nga shteti, nga aparati shtetëror serb ? 

DICK MARTY

Kjo është absolutisht absurde. Kjo është absolutisht absurde. Un kam thënë, për një kontekst krejtësisht tjetër, me shembullin e Drezdenit. Konsideroj bombardimin e Drezdenit si një krim lufte, i cili ndodhi gjatë Luftës së Dytë Botërore. Drezdeni u bombardua kur Gjermania kishte rënë në gjunjë. Objektivat e synuar nuk ishin ushtarake por civile. Është e qartë se në krahasim me krimet e kryera nga nazistët, mund të argumentojmë se rasti i Drezdenit është i parëndësishëm.

Jo! Mendoj se në të dy rastet bëhet fjalë për krim. Pa dyshim se njëra prej të dyjave ka të bëjë me një shkallë krejtësisht tjetër. Por ky fakt nuk duhet të jetë një arsye për të mos dënuar tjetrin. 


“Natyrisht se ka krime më të rënda dhe krime më pak të rënda. Ka krime që kanë një dimension, sikur dimensionet e krimeve naziste, të cilat ishin krime sistematike dhe të strukturuara.”




ALBINFO.CH
Po, por gjithashtu nuk duhen relativizuar...

DICK MARTY                                                    

Po jo, në asnjë mënyrë! O Zot jo! U përpoqa ta them. Një krim nuk mund të kompensojë tjetrin. Natyrisht se ka krime më të rënda dhe krime më pak të rënda. Ka krime që kanë një dimension, sikur dimensionet e krimeve naziste, të cilët ishin krime sistematike dhe të strukturuara.


ALBINFO.CH
Kështu ka ndodhur edhe në Kosovë gjatë 1998-99. 

DICK MARTY

Po, por mendoj se kam folur për një politikë të tmerrshme dhe për një çmenduri kriminale në lidhje me Millosheviçin. Kam përdorur mbiemrat më të ashpër që mund të përdorën në gjuhën frënge. Janë mbiemra që nuk mund t'i gjeni në asnjë vend tjetër të raportit. Përsëri, edhe këtu, këto pjesë të raportit nuk janë përmendur.

ALBINFO.CH

Por këto reagime kanë prekur edhe komunitetin kosovar apo zvicerano-kosovar që  është i madh në Zvicër. 

DICK MARTY

Mendoj se shumë nga këta kosovarë më njohin. Ata e dinë se, për shembull, unë jam angazhuar shumë kundër iniciativës fatkeqe për ndalimin e minareve në Zvicër. Ata e dinë se unë jam angazhuar personalisht dhe në mënyrë të fuqishme kundër politikës anti-terroriste e cila godiste vetëm myslimanët. Kjo është fakt sepse politika amerikane dërgon në Guantanamo vetëm myslimanët. E dinë se jam shumë i shqetësuar për këto lëvizje anti-islamike. Kosovarët që jetojnë në Zvicër dhe që përcjellin pak aktualitetin janë të vetëdijshëm.

Pra ata e dinë se unë nuk kam asnjë paragjykim kundër kulturës myslimane. Përkundrazi, jam angazhuar, kam marrë pjesë në debate, kam shkruar artikuj, kam dhënë kontributin tim për një libër i cili dënonte lëvizjet anti-myslimane, të cilat sipas mendimit tim, janë shumë të rrezikshme.


ALBINFO.CH
Por në rastin e minareve, nuk ka pasur reagime nga kosovarët, ndërsa pas daljes së raportit tuaj, janë ngritur zërat e zëdhënësve kryesorë të komunitetit të cilët janë mjaft të respektuar si dhe të angazhuar në jetën politike zvicerane...


DICK MARTY

Ju e dini zotëri se emocioni është këshilltari më i keq. E kuptoj këtë emocion. Jam i bindur se pasi që emocioni të ketë rënë, arsyeja do të mbizotërojë. Atëherë, çështja e raportit tim do të kuptohet më mirë.  Projekt-rezoluta që kam prezantuar është pranuar unanimisht nga Komisioni për çështje ligjore dhe të drejtat e njeriut.

Ka pasur disa abstenime. Disa persona kanë thënë se nuk kanë pasur mundësi të njiheshin me raportin. Mirëpo, nuk ka pasur asnjë votë kundër, kurse bëhet fjalë për specialistë të të Drejtave të Njeriut. Kjo do të thotë diçka, prej momentit kur një raport i tillë nuk merr asnjë votë kundërshtimi nga një komision i kalitur me analiza të këtyre problemeve dhe që konfrontohet prej vitesh me këso lloj problemesh. Kjo po ashtu nuk është përmendur në shtyp.

Se çfarë do të thotë Asambleja e Këshillit të Evropës, nuk e di, sepse natyrisht, janë organizuar lëvizje, mirëpo, mendoj se komisioni ka mundur ta gjykojë në mënyrë objektive dhe të sinqertë këtë raport. 

ALBINFO.CH

Mirëpo, mbështetja që thoni se e keni gëzuar në diasporën shqiptare në Zvicër bie në kundërshtim me atë që ne kemi mundur të kuptojmë…


DICK MARTY

Nuk flas për mbështetje, mirëpo ata mua më njohin, dhe do të duhej të dinë se së paku mundohem të jem intelektualisht i ndershëm dhe që angazhohem gjithmonë kundër çdo lloj padrejtësie.

ALBINFO.CH

A ka raporti juaj pasoja në procesin e njohjes ndërkombëtare të Kosovës nga pjesa tjetër e Bashkësisë ndërkombëtare ?

DICK MARTY
Nuk e di. Nuk mendoj sepse ky proces do të ishte kryer deri më tani. Jam i mendimit se nëse ka pasur pengesa më herët, ky raport nuk ka ndikim në pengesat në fjalë sepse ato ekzistonin më herët. Ka vende të Bashkimit Evropian që ende nuk e kanë njohur Kosovën dhe raporti nuk do të ndryshojë ndonjë gjë. Mirëpo, ajo për të cilën jam i bindur, se po ta kishim përgatitur më mirë pavarësinë, jam i sigurt se Kosova do të ishte sot anëtare e Këshillit të Evropës si dhe e institucioneve ndërkombëtare. Kjo është kritika ime kryesore dhe mbi këtë pikë jam i keqkuptuar.

ALBINFO.CH
Po, mirëpo pozicioni i Beogradit në këtë plan ishte i palëvizshëm… 

DICK MARTY

Po, mirëpo, edhe pozicioni i Beogradit ka ndryshuar. Nëse Bashkimi Evropian do t`i luante më mirë kartat e tij dhe nëse nuk do ta kishim dëgjuar vetëm Washingtonin, mendoj se do të kishim arritur te pavarësia, e cila do të ishte sot me pak e kontestuar. Unë nuk kam asgjë kundër pavarësisë. Nuk i kam kërkuar asnjëherë Zvicrës t`i ndërpresë marrëdhëniet me Kosovën. Përkundrazi. E di se Ambasadori i Kosovës në Zvicër është prononcuar kundër raportit, e kryen punën e tij, mirëpo unë kam shumë vlerësim për të si dhe punën e tij.

Mundohem të mos bëhem pre e emocioneve të mia dhe kuptoj se njerëzit janë ende nën ndikimin e emocioneve si dhe se mund të thonë gjëra pak a shumë të papranueshme. Sikur disa krahasime që janë bërë me vrasësit nazistë. Por mendoj se me kalimin e kohës disa gjëra do të korrigjohen. 

“Preambula nuk është shkruar nga autori i raportit.”


ALBINFO.CH

Kam lexuar në Washington Post më 8 janar. Bashkautori i librit të Karla del Ponte thoshte se ështe e nevojshme që të jepen dëshmi, dhe nëse  ato dorëzohen, të bëhen në kushte optimale të sigurisë dhe të mbrojtjes së dëshmitarëve. Mirëpo, në të njëjtën kohë, ky autor apelon që Këshilli i Evropës të mos instrumentalizohet nga Rusia dhe Serbia me qëllim të delegjitimimit të Kosovës.
A keni frikë nga ky skenar ku kjo çështje mund të instrumentalizohet? 

DICK MARTY

Jo! Jo. Në rezolutë ka diçka për Serbinë dhe që u kërkon serbëve që të lëvizin për të arrestuar dy kriminelët e luftës të cilët akoma nuk i janë përgjigjur thirrjes së Tribunalit të Hagës.

Sa i përket shumicës së  Këshillit të Evropës, unë nuk shoh asnjë rrezik në këtë drejtim. Është e vërtetë se ka grupe nacionaliste serbe të cilët përpiqen të shfrytëzojnë këtë raport. Por çfarë duhet bërë kundër kësaj. Nuk është puna e Këshillit.

Në lidhje me gjuhën e përdorur për ta cekur Kosovën, nuk është zgjedhje e imja.  Këto janë udhëzime të rrepta, të diktuara nga Këshilli i Evropës. Vendet që nuk janë anëtarë dhe të cilat nuk janë as anëtarë të OKB-së emërtohen në mënyrë të caktuar.

Sikur emërtimi, i cili më duket qesharak: “ish-Republika Jugosllave Federale e Maqedonisë etj”. është fjalë për një gjuhë që na imponohet. Përveç kësaj, është një pjesë që nuk e kam shkruar unë.
Preambula nuk është shkruar nga autori i raportit.

 
“Marrëdhëniet mes mafies kosovare dhe serbe funksionojnë më mirë se raportet mes qeverive”

ALBINFO.CH
Nëse supozojmë se një hetim ndërkombëtar të këtë sukses me bashkëpunimin e të gjitha palëve në mënyrë që e vërteta të dalë në dritë...

DICK MARTY

Ajo që mbetet thelbësore është që të jemi në gjendje t`i japim garancitë e duhura dëshmitarit. Gjë që deri më tani asnjë instancë nuk është në gjendje për ta bërë.


ALBINFO.CH

Po, por duke supozuar se hetimi përfundon, dhe që rezultatet e hetimeve çojnë, ndoshta, në vërtetimin e trafikimit të organeve nga grupet kriminale që janë në shumicën e rasteve ndër-kufitare, ndër-etnike. 

DICK MARTY

Unë ju them se marrëdhëniet mes mafies kosovare dhe serbe funksionojnë më mirë se raportet mes qeverive. Por, mafiet punojnë kudo, nuk ka ekskluzivitet në rajon.  Fatkeqësisht, sot bashkëpunimi në mes të kriminelëve funksionon më mirë se në mes të institucioneve shtetërore.
Është e qartë se trafiku i organeve funksionon në kuadër të një kriminaliteti ndërkombëtar me njerëz me prejardhje të ndryshme. Ju rikujtoj se unë flas vetëm për një grusht rastesh.


ALBINFO.CH

Mirëpo, imazhi është prekur rëndë. A mund të ngrihemi përsëri në këmbë pas akuzave të tilla?


DICK MARTY

Dëgjoni, mendoj se të gjithë e dimë se Kosova nuk është kjo. Mendoj se Kosova ka një perceptim të gabuar. Ne e dimë se në Zvicër kemi me dhjetëra mijë kosovarë të cilët punojnë dhe kontribuojnë në mirëqenien tonë dhe të cilët kanë familje. Fëmijët e mi kanë pasur shokë kosovarë në shkollë. Ne i dimë të gjitha këto. Mendoj se është një perceptim i gabuar kur kosovarët besojnë se ne do t’i identifikojmë ata apo Kosovën me kriminalitetin. Jo.

Edhe një herë, raporti flet për një afërsi shqetësuese të disa qarqeve politike me krimin e organizuar. Nuk mund të pretendojmë se nuk e kemi pas ditur.


ALBINFO.CH
Ka personalitete zvicerane që ju njohin dhe që pretendojnë se ju po i mbani letrat për në fund të lojës. Sipas tyre, ju keni elemente tjera që ende nuk i keni hapur, ndërsa disa të tjerë thonë su ju luani lojën e pokerit. A keni elemente tjera për këtë aferë, apo dokumente që nuk i keni bërë publike akoma ?


DICK MARTY

Unë nuk di të luaj poker. Nuk kam luajtur kurrë në jetën time. Nuk kam luajtur kurrë asnjë frang të vetëm  në makina bixhozi. Është një gjë që nuk më përket prandaj nuk e di nëse personat e përmendur më njohin në të vërtetë. Jam më tepër spontan se sa një oportunist.

Çfarë më intereson mua është e vërteta dhe drejtësia, edhe nëse kjo tingëllon pak tepër madhështore.  Disa kolegë të mi, gjatë kësaj kohe, merren me biznes  dhe janë lobistë për kompani të mëdha ku fitojnë shumë të holla.
A mendoni  se angazhimi im për Çeçeninë, Afrikën  dhe për këtë çështje  më sjell diçka në aspektin material? Jo, po e bëjmë këtë, sepse besojmë se mund të sjellim një kontribut.

Prandaj,  pranoj të gjitha kritikat, përveç asaj të pandershmërisë intelektuale.  Besoj se karriera ime dyzet vjeçare e dëshmon. Edhe pse historia nuk përsëritet kurrë plotësisht, polemika e tanishme më kujton atë të raportit tim mbi burgjet e CIA-së. Edhe aty kam pas denoncuar një politikan polak.


ALBINFO.CH
Ju kanë trajtuar si një anti-amerikan në veçanti.

DICK MARTY

Po, ndërsa unë kam një vëlla që ka shtetësinë amerikane dhe kam nipër të cilët janë amerikanë.
Pastaj, kam marrë dy çmime në Amerikë.
Jo!  Mund të ju them se jam në dashuri të së vërtetës dhe e vërteta është shpesh  shqetësuese.


ALBINFO.CH

Do të thotë se nuk ka asnjë prapavijë politike mbrapa raportit tuaj? 

DICK MARTY

Jo ! Nuk jam instrument i askujt. Më kanë kritikuar, dhe me të drejtë, se jam më shumë vetjak. Jam një anëtar i keq i partisë, sepse në qoftë se nuk pajtohem me partinë time unë nuk i jap votën time.
Unë votoj sipas mendimit tim, dhe të gjithë mund ta dëshmojnë këtë. Kështu që nuk jam instrument i askujt.

Edhe një herë, nuk kam absolutisht asgjë përveç  simpatisë dhe mirëkuptimit për kosovarët.  Në vitin 1999, kam shkuar enkas për të vizituar kampet e refugjatëve në Shqipëri, dhe isha aq i pikëlluar sa që i kisha sytë me lot.

Pasi u ktheva, shkruajta një artikull mbi çfarë kisha parë. Ajo që më ka prekur ishte mikpritja e jashtëzakonshme e popullit shqiptar të cilët ishin të varfër dhe mbanin në shtëpitë e tyre kushërinjtë e tyre kosovarë, për shkak se nuk kishte mjaft vende në kampe.   
Besoj se e kam shkruar një fjalë mbi faktin se kisha parë me sytë e mi se çfarë kishte ndodhur. Kush e ka  përmendur këtë? Askush.

ALBINFO.CH
Sidoqoftë, ju falënderoj për këtë intervistë.


  


Dick Marti dhe Intervista e tij

Pas asaj që kam dëgjuar nga vetë z. Dick Marty, nuk e akuzoj atë më. Ai ka vënë dyshime për persona të caktuar. Në qoftë se ata janë të pastër le të dalin para drejtësisë. Të dëshmohen. Askush nuk është mbi ligjin.
Unë për vete jamë shqipëtare, nuk jamë e akuzuar sepse askujt asnjë të keqe si kam bërë. Jam përpjekur dhe po përpiqem të bëjë mirë, punoj 10-12 orë në ditë, por ama fitoj aq sa mezi po i shkolloj fëmijët e mi. Këta që po i përmend Dick Marty janë pasuruar dhe ecin edhe më luks se çdo bisnismen i shteteve Evropiane të zhvilluara.
Ne po i shohim, po e shohim se si e kanë organizuar shtetin. Askund, asgjë nuk mund të kryesh pa pasur të njohur apo pa ditur ti ofron të holla. Dhe kjo duhe të shihet dhe të thuhet nga vetë ne SHQIPTARËT. Nëse ne nuk e themi, nuk do ta thotë askush.

deklarata, Marti

ky njeri qe paraqitet aq i direjt,dhe i vendosur per drejtsi ! !, siq aj pohon, nuk asht aspak real, as 1%. A thua vall a e ka pytur ky njeri ndonjeher vetveten se kush u maskrrua dhe u deprtua nga Kosova dhe pse iu be gjith ky krim ketij populli duar tha. Un i them keti njeriu te pandergjeqshem dhe pa kulur njerzore qe para se te mirret me shqiptaret, te mirret njeher me vetveten e pastaj ti qes ne drit te gjitha Krimet, Maskrrimet,Deportimet,Dhunimet e,t,j. qe i beri Mashineria Serrbe edhe me ndihmen e popullit Serrb civil e them ket me plotvetdije sepse nuk ishte vetem mashineria serrbe . dhe te denohen. Ather ka te drejt ky njeri te flas edhe per shqiptaret po qe se i premton koha dhe nuk ka leshuar ende ket jet. I lis te gjith shqiptare qe te jen unik ne qendrimet e tyre ku do qe jan dhe mos te tolerojn qe ksi lloj njerzesh tiav mbushin mendjen. shqiptaret duhet te mesohen qe ksi Dik Martash ka ende shum. ju faleminderit

Tri çashtje

1 Raporti denoncues qiti për dielli çka kemi në mesin tonë " shyqyr që ra kjo dek e u pam" thojn plakat e keqe
2 A duhet pa kushte me pranue denoncimet te llojlloj psikopatash që të dalin para gjyqit nderi kombtar shqiptar.
3 Çka duhet si reciprociet kërkuar nga nga gjyqsia eventuale
S po kam kohë po edhe nevoj me e elaborue se denoncimi i Dick Martyt i qiti në dritë të diellit se ne shqiptarët diku 25% dei në 50% jemi tradhtarë . Po bre jena , lexoni komentet lart. Dhe kjo asht ajo thanja e plakave të keqe që thojn ,"shyqyr që ra kjo dek e u pam" ,me të vërtet kjo e verteton thanjen.
Qysh këta tradhtar mundohen me u ba advokat të dik martit me e arsytue denoncimin . Kët e bajn të pa skurpullt dhe tu mendue se fitojn të shkretit diqka . Qysh e pranojn arsytimin e dikit se asht fjala ni grusht shqiptar që jan afër THaqit. qysh kishtë të drejt kunder natos , qysh kishte të drejt kunder USA , Se Rusija duhet me u vet p¨r bombardime , duhet me u vet prap Rusija per Pavarsi , duhet prap marty e Rusija me e pranue GJNH për pavarsi . sepse dicki e riki ( dicki e ricki lexo Dick Marty dhe Rusija) tek jan ni far gjyqi mbi krejt gjukatat botnore. Pra këta SHQIPTAR që jan aq advokat të menqur të dickit e rickit jan tradhtar . Lexoni komentet nalt sa shum jan. Se ma harrojn me i than dickit e rickit dorzone R: mlladiqin, jo se atje nëShkini thot dicki e ricki nuk ban me hy e mi kap ata ,sepse "nashta jon lodh tu pre e gri mbi 300000 e tash duhet atta prap me hi në runën e 5 e deri në në runden e 15 KREJT muslimanët e ballkanit i qet ne nakaut.
2 A duhet pranue gjykimin, Jo, sepse nuk asht e drejt që neve viktmave të gjenocidit shka dick rick, këta na kan qit gjitmon në gjyq, kujto gjykimin që na bani Shkinija në Hag për pavarësi. Po shkiet nuk e pranuen vendimin e GJDN Hage¨sepse e hodhi posht Shkinija bashk me kët dickin e rickin.Nuk duhet PRANUE GJYKIMIN per qato arsye.
3 Gjykimin eventual duhet me pranue , me këto kushte të natyrshme. detyrohet Serbia me pranue në territorrin e serbise FNKK (forcën ndërkombtare për kapjen e kriminelve të luftës), Pranimin e të gjtha vendimeve të gjyqeve ndërkombtare , kompenzimin e dameve të shkaktume , së paku këto dy kushte .

Hasimi (jo Hashimi)

Üer "Pasha Besen": se pari ty te paska animizu, d.m.th. nese nuk e di, te paska kthyer per veti, e besa t'paska qit pak hi syve tu. Apo nashta nuk ka pas nevoje, se je kane i kthym e s'po pashe ashtu kshtu deri te hunda. Edhe Tadici apo Koshtunica, kane thane qashtu, se ata jane kundra disave e jo kundra popllit shqiptar. Ktu nuk asht Thaqi a naj nje afer tina si person (se tybe Thaqit kurr s'ja kam dhane kokrren) por Kosova qi ai zotenia jot Marti asht kunder!

Rrëfimi befasues i Dick Marty-t

débiles mensonge sournois si avoir la justice, vous allez vous retrouver en prison, accusé d'un nouvel état de vie ter qui vivent grâce à remous à la demande de serbies qui ont souffert vie meilleure! vous vendez à l'argent !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!:@:@:@

feebleminded sneaky lie if

feebleminded sneaky lie if have justice, you will end up in jail, accused him of a new state which ter live life through turmoil at the behest of serbies who suffered ter life! you're selling to money (loses)
son of bitch

Rrëfimi befasues i Dick Marty-t

dick marty feebleminded sneaky lie if have justice, you will end up in jail, accused him of a new state which ter live life through turmoil at the behest of serbies who suffered ter life! you're selling to money (loses)
son of bich

Sa më parë aqë më mirë nga Sedati Gjermani

Hetimet duhet të shjkojnë deri në fund dhe për këtë duhet të bashkëpunojnë dhe ndihmojnë Kosova dhe Shqipëria sepse është në interes të mbarë kombit.Sa më heret aqë më mirë pa prejudikime.Sa më shpesh që z. Thaqi përmnd publikish këtë raport aqë më i dyshimtë bëhet.As vet nuk dua ta besoj këtë supozim makabër por cilido që të jetë përfundimi,është në interes të së (pa)vërtetës.Le të bien maskat njëherë e përgjithëmonë.Këto vepra të trishtueshme madje ndaj njerëzve të pambrojtur nuk i takojnë natyrës dhe karakterit të shqiptarit, (lexo në daç edhe KANUNIN) ndaj zbardhja e së vërtetës ndoshta do të ishte lehtësim edhe për z.Thaqi dhe të dyshuarit e tjerë. Ata nuk kanë nevojë të mëshifen prapa Kosovës a shqiptarëve për ta mbojtur veten.Dhe Juve i nderuar Albino.Ch komplimente për profesionalizëm dhe sinqeritet.

Raporti Dick Marty-it

Mendoj se Raporti i Dick Marty-it do të ishte mirë të përkthehet sa më mirë që është e mundur në gjuhën shqipe dhe të publikohet në mjetet e informimit.. për shumë arsye. Deri sa kjo te mos ndodh edhe neve qe besojm se Dick Marty e ka gabim na ben te jemi skeptik. A nuk kemi njerz per ket pune.

raprti i Dikut

Ky fare matufi plak edhe ne intervisten e dhene jo qe nuk terhiqej po thenjet e raportit vetem sa i vertetonte, dhe jo vetem thenjet ne raport por ai tregonte se eshte hapur kunder shqiptareve dhe kunder pavaresise se Kosoves ashtu si ishin dhe jane Serbija dhe Rusia me aleatet e tyre. Sikur bombardimet e NATO-s dhe shpallja e pamevaresise se Kosoves te kalonte permes keshillit te sigurimit kete jam shume i bindur qe nuk do ta kundershtonte as anetari i ketij keshilli Rusia. Dhe nuk ka pasur mundesi ta kundershtonte edhe ky matufi plake. Por mua nuk po me habite raporti i nje njeriu qe bjen ne shtrat me nje serbe nje armike te shqiptareve me teper po me habitin disa dika me emra te shqiptareve te cilet nga boshlleku i trurit te tyre mendojne se me te vertete diku ka te drejte ne raportin e tij. Po perveq njerezve qe kane shpirt racisti njerzve shizofren njerezve qe rrenen dhe trillimet i kane ne shpirt a ka logjike tjeter qe mund ta paramendoj qe nje njeri i thjeshte ne nje vend siq eshte ajo shtepi qe nuk i ploteson kushtet as per shtalle kafshesh te behen ato transplante organesh. Ku profesionalista, doktora serb i mohojne nje gje te tille. Pastaj ai thote se nuk behet fjale per shqiptare dhe per UQK-en ne pergjithesi por per nje grusht njerzish qe jane te afert me Thaqin, po more matuf gjithekush ne bote e din se ne asnje rast nuk mund te perfshihen edhe thmija ne djep po njerezit qe mund ose jane ne ngjarje. Pasojat e ketij raporti mund te jene edhe te mdhaja por ne shqiptaret duhet nje here e mire te vetedijesohemi dhe ti marrim gjerat qe ne fillim ashtu siq jane e jo te presim pasojat e qdo rasti. Sikur te merreshim me thenjet e Carla del Pontes ne librin e saj sot nuk do ta kishim nje raport te ketij faqe ziu. Fajin per kete mendoj se e kane keshilltaret juridike te Thaqit dhe njerezit profesinal te Kosoves. Por kam nje keshille per disa komentus qe ne keso rastesh leni inatet personale, leni budallakinat e mos bini pre e armiqeve te sojit te Dikut e shume te tjereve.

Ju lumte ALBINFO.CH , cdo respekt e merite me te sinqerte .

Nga vete intervista e juaj , qe keni bere me personin ne fjale , e keni demaskuar cdo aspekt te raportit te tij . Qoft per nga forma apo nga qellimi ,por duhet te kuptohet intervista juaj me vemendje e cila e demaskon dhe e nxjer realitetin ne siperfaqe me te ndritshme e me te paster ,duke e cliruar cdo negativitet e duke e ia terhequr kahjen e demshme qe ka tendenxe te gabuar si nga personi ne fjale ashtu edhe nga asistentet e porositesit e ketij raporti .
Prandaj ju deshiroj sukses e merita me te larta ne punen tuaj, qe keni bere nje pune me siguri jo edhe aq te lehte .Ju deshiroj suksese e vullnet te ketij drejtimi e cdo te mire te ju prije ne cdo aspekt .
Ju falemnderit per intervisten tuaj .

Rrëfimi befasues i Dick Marty-t

Sa i përket qështjes së pavarësisë së Kosovës, mënyra e shpalljes së saj koha apo rrethanat, këtë besoj se e kanë treguar kolegët e zt. Dick Marty nga GJND-ja, por nëse nuk pajtohet me kolegët e tij, atëherë i bie se pajtohet me zvarritjet e kolegëve Europian, para syve të të cilëve dhjetëra vite me radhë u persekutuan, u shtypen, u dhunuan Shqipëtaret e Kosovës nga okupatori dhe dhuna serbe.
Ndërsa sa i përket vet Raportit të zt. Dick Marty, më duhet ta pranoj se unë asnjëherë nuk e kam lexuar, bile as nuk di ku ta gjej që ta lexoj, kjo nuk i është referuar opinionit i cili mendoj se ka të drejtën njerëzore ta shoh atë.
Unë vetëm e di, duke u bazuar në veten time, se ne shqiptarët në përgjithësi e kemi këshilltarin e parë Emocionin, kjo mendoj se ka përparësit e veta dhe mangësit objektive. Përparësia jonë Emocionale është, se ne, kurrë nuk bëjmë luftëra, nuk vrasim fëmijë, nuk dhunojm njerëz e mbi të gjitha nuk shkulim organe nga njerëzit e vdekur.
Megjithat falenderojm zt. Dick Marty-n për shpjegimet e tij.
EDHE NE KËRKOJMË DREJTËS-
Arben Vata (Winterthur)

Rrefimi befasues i Dick Marty-t

Megjithate, mendoj se nuk ishte opsion i qelluar intervista me kete demagog. Nga ky kendveshtrim, atij i ipet rasti ne kete interviste te " animizoje" shqiptaret ne pergjithesi pasi i ka goditur aq rende ne raportin e tij. Eshte demagogji perfide, vete menyra e te perceptuarit, paralelizmat qe sjelle ne kontekst, shpjegimi i pozicionit te tij "juridik" kundrejt bombardimeve te NATO-s e Shpalljes se Pavaresise (pozicion i njejte me te gjithe ato shtete qe jane kunder pavaresise se Kosoves). Me nje fjale, ky pseudo/zoteri, sonte do te kete menduar (me vete) dhe ferkuar duart se iu hedha pak hi shqiptareve ne sy.
E vetmja gje pozitive nga kjo interviste me te , me le pershtypje "nevoja e vetedijeshme e tij per t'u rrefyer" perballe shqiptareve, te cilet do ta kene gjate ose pergjithmone "persona non grata".
M. Elezi

Pasha besen

Tyben, kurkush me sap opet nuk paska marr vesh. Po qysh bre kjo intervist po animizojka shqiptaret. Ky i shkreti po na thot lexoni raportin o shqiptare! E unë po ju thom ngoni mirë Intervisten. Pasha besen bukur do fjal t'mira i ka thonë. Pavarsia nuk diskutohet mo edhe ska kush se ja lun vendin. Veç ni grusht njerzish jan t'perzim en ket krim t'zi, ei edhe na si tonë popujtë i kemi krminelat tonë qe duhet me i luftu, edhe vet e tha se populli shqiptar i ka lan pershtytje te mir...Marty e ka mir de, gati kurkush se ka lexu raportin, e tonë po kemi pas kritika. S'di valla kush po na hedh hi ne sy.
Bravo albinfo.ch, bile ju tek jeni ul me mendu para se me fol, e na keni hedh bile pak drite në sy.
Për t'mirë.

besa jote.

kujte po mundohesh me i qite hi syve,pashe besen? A po done me ba "diferencimin politik" te Sllobodan Milloseviqit pashe besen. Nese nuk e ke lexu ti raportin,e kane lexu kreret me te menqur te Shqiptarise o burre,Akademik e profesor doktora e kane dhene mendimin e vete per kete raporte si skandaloz,shpifes dhe i drejtuar kunder kombit Shqiptare ne te dyja shtetet, e ty po te doket i " mire, i ambel dhe i bute" nga nje "mik" i vertet i Shqiptareve,qe ka per qellim vetem me diskreditu " kryemafiozin e rrjetit nderkombetare per trafikim te organeve njerezore nga nje kombe paqesore e liridashes ",e qe ky personalitet eshte rastesishte edhe ish udheheqes politik i UCK-se, e njiherit edhe kryeminister i nji Kuazishteti te quajtur Kosove e qe "padrejtesishte" eshte nda nga trupi i Serbise,njesoje si organet e nxjerra nga qytetaret Serb, rome, e ndoshta edhe Shqiptare qe Serbine e kane pase edhe me shume se nene. Pashe besen e Zotit.mosni bre burra, mos u koritni bile publikishte, mos i shfryni inatet personale,ndaj atyre qe kane dhene ma se shumti per lirine e Kosoves.
Bedriu nga Mitrovica 19.01.2011

Pasha besën

Të kisha pytë a besën tane .Ani de në koft besa jote maje për veti , se unë nuk ta njoh. Si po duket ty po të tredhtojkan ,qyshtu edhe koha e "jogurt revolucionit " të millosheviqit ash kan. Ti e din se Millosheviqi thoshte se shumica e shqiptarëve asht kuner separatistëve, iredentisve , veq ni numër i vokgël geusht asht kuner politikes paqdshse te tij . Ti e paske qat besë, veq ni grusht shqiptaresh asht kunder. Ne koft ashtu luti idhujt tu Dick Marty dhe Albin Kurtin ta bajm ni referendum ,siq trumpetojn si njani dhe tjetri , per shprehje demokratike përmes referendumit, toni e shofim a ke ni grusht shqiptaresh.

Strategji kryekeput serbe- Denonco,rrej ....

-Sjam kunder pavarsise - po eshte presedan, u vertetune fjalet e mija Osetija...
- Nuk jam kundra pavarsise , po do modalitete / sigurisht asi qe e lane Kosoven ner Serbi
- Nuk eshte ma teme Kosova e pamvarun - Keta, ti e di fort mire , anmiku i perbetum i yti po e garanton - Amerika
-Sasht UQK po struktura te aferta.
- S'ashte Thaqi po njerezet te afert te Thaqit
- Smuj me imagjinu Thaqin tu nxerr organe- ki te drejte Thaqi nuk eshte Kirurg.
- E dine shqipetaret ata me njohin, e dine qysh i kam mbrojte minaret,muslimanet- Plotesishte ne perputhje me propaganden serbe , Shqipetaret, fundamentalista ,extremista islam. Ky po i mbrojka shqiptaret veq pse jane muslimane ,po jo si qytetare Zviceran.
- Nuk i kam denoncue krejt shqipetaret po nji grup...sigurisht qe numri i njerezve qe ka pase nevoje per veshke ka qene i vogel se keta njerez me bishta kishin nxerre bubreg si kompira
- Nuk mundet me mshef urrejtjen ndaj Amerikes ... U ndexhu veq Washingtoni ,per ata pamvarsija nuk eshte e plote... po vajton qe nuk u ndexhuan ata qe donin ta fshinin nga dheu Kosoven... e smundet kurreqyshe tja baje hallall Amerikes
Ju jap nderin se nuk jame i paguar prej serbise...Ne baze qkafi me te besu,ti edhe ne kete interviste ne menyre perfide po mundohesh me jav ly kryet me akull shqiptareve , apo muslimaneve qe po jav rrxojne minaret,
je shume perfid ,po po lexohesh prej aeroplanit
- Ti per qka je pagu e ke ba .Leshoje bomben , le te ndexhohet jehona..
- Eshte tragjike qe krejte keto mundohesh ti mbuloshe kinse ne emer te vertetes.
- Per pak qe nuk ja kishe filluar me qajt kur i kishe pa refugjatet shqipetare.
Taman per pak .Se po te ishe personi qe po pretendone se je ,e qe po e ndjeke te verteten,do te denoncojshe serbet per krimet ,gjenocidin,e organizume shteteror, po jo , ata nuk jane muslimane me minare ,ata jane punedhenesi juaj...
Per mos me zgjate ma teper le te jete kjo ne ndergjegjejen tande ,po nja jame i sigurte se ski me mujte kurre i qete me fjete ,gjithemone do te sillet ky lloj turpi ne koke...

" Sinqeritet " i maskuar !

Pa dashur te leshohem ne komentet te cilat besoj qe i pame te gjithe,duke mos dashur te pohoj apo mohoj sepse ne raste te tilla te ndieshme eshte veshtire te jeshe i ditur , me duhet te preke ne ca gjera ne lidhje me kete teme :
1. Koha kur eshte pergatitur ky raport pas botimit te librit te C.del Pontes (dhe fakti se nje Rus ishte iniciatori i gjithe ketij raporti )
2. Koha kur ky raport eshte pergatitur te behet publik
(momentin me te ndieshem dhe ne piken e vlimit te emocioneve pas zgjedhjeve )
3 .Njollosja e vlerave te ne kombi dhe etiketimi i personave kyq te nje vendi (Njollosja e krereve te luftes qka nenkupton edhe tere ushtrine )
4. Pasojat qe i shkaktohen Kosoves me kete raport iluzionar ne te gjitha sferat
(filluar nga ato ekonomike e deri te ato jetike te njohjeve dhe anetaresimit ne organizatat e rendesishme botereore )
5. Humbja e perparesise se pales Kosovare para bisedimeve me Serbine
(Verja ne nivel te barabarte te vrasesit dhe viktimes)
6. Tentativa per te eliminuar nga skena nje klase politike qe per momentin nuk ka ndonje alternative tjeter pase parasysh rrethanat dhe kohen ne te cilen jemi
(Eliminimi i njerezve te cilet nuk jane te ndegjueshem ne rastet kur vihen ne rrezik interesat e vendit por jane te gatshem te rezistojne )
7. Koha e pritur pas publikimit per te bere kete paraqitje
( si kohe e mjaftueshme per te rene emocionet dhe e volitshme per ti bere njerezit te mendojne me ndryshe )
Jane edhe shume elemente tjera, qe te lene per te deshiruar nje objektivizem dhe nje sinqeritet te nje raporti te tille , pavaresisht arsyetimeve te bera edhe jo aq bindese dhe shume kontradiktore , pergatitjes shume profesionale te te shprehurit duke perdorur metoda psikologjike te cilat zakonisht kane perdorur diktatoret per te manipuluar mendjen e qytetareve te thjeshte qka edhe ishte qellimi sepse ata edhe jane shumica e nje populli.
nautilus_a !

Sqarimi i Marty, mesazh se eshte mik, dhe jo armik

Duhet te mesoheni dhe te besoni se ne ne Kosove jetojm brenda murit kinez, dhe njesoj si shqiptaret e shqiperis qe kane jetu ne kohen e enver hoxhes, aty ku duhet te informohemi drejt, informohemi jo drejt, sepse eshte pilitika qe ka ndikim, nese dojme ti akuzojm dikon del njefar ovl qe te bon sllav etj etj, por a edin pse se kosoven e menagjojn 10% e popollates te ashtuquajturit drenicak, dhe ja pasojat. E per te gjithe ata qe nuk e japin mendimin ashtu si ja thot zemra, po si duhet te behet servil i dikujt, dhe te gjithe ju qe me nje mend mendon ashtu se me kete raport eshte inkriminu lufta e shejt e uçk-se dhe e kosovarve knaquni se zoti te tille ju ka krijuar dhe ne duhet ti bartmi pasojat. Te gjithe ata qe kane jetu ne Kosove dhe qe gjate luftes kane ditur te flasin apo kuptojn ( e kam fjalen per femij) e leje ne te rriturit e dime se ka pasur vrasje te shqipatreve nga disa njerz te uçk-s, pas as nje procedure juridike apo baze ligjora, pa institucione por me te tekne te njerzeve.

"e dime qe ka pase vrasje te shqiptareve ne Kosove"

Kjo fijali me shtyri qe te replikoj me komentuesin paraprak- sipas jush cdo Shqiptare qe flet shqip eshte Shqiptare! Do e shtjelloj nje raste ne vitin 1989, ne kohen e greves se minatoreve te "Trepces" qe kerkonim doreheqjen e tre funkcionareve "Shqiptare"' ne regjimin e pergaditjes se permbysjes se autonomise se Kosoves nga Sllobodan Millosheviqi.Ishim duke ndenjur ne vendin e punes 12 puntore te nje njisije punuese te nje reparti te Trepces.Biseda qe zhvillohehej kishte te bente me kerkesen per doreheqje te Rrahman Morines ,Hysamedin Azemit dhe Ali Shukriut. Tri dite me pase,kane ardhe focat policore dhe na kan mare tre vetve na kan quar ne stacionin policore. Na kane marre ne pytje dhe na kane rrahur deri ne alivanosje per te pranuar temen e bisedes qe e kishim zhvilluar tri dite me pare.Ironija eshte se teksti i shkruar ishte autentik me biseden tone dhe,ora dhe dita e caket kur eshte zhvilluar biseda. Na kane denuar me nga 60 dite burge .Shtrohet pytja, kush na kishte denoncuar ne polici,kur ne mesin tone nuk ka pase te huaj, por te gjithe "shoke Shqiptare" te njesije punuese. Po te isha i sigurte se kush nga "shoket Shqiptare"na ka bere kete "te mire"
nuk do isha indiferente edhe nuk do te ja falja per jete e mote.

Të përkthehet në shqip Raporti i zDick Marty dhe të publikohet.

Të përkthehet në shqip Raporti i zDick Marty dhe të publikohet.
Në Serbi para se të botohet libri i Carla Del Pontes që përmendet Shtëpia e Verdhë në një fshat në Shqipëri… përafërsisht dy vite më parë është botuar në Beograd Libri për të ashtuquajturën Shtëpia e Verdhë, nga propoganda edhe më e verdhë e Serbisë, e që i ka shërbyer si burim kryesor Carla del Pontes, për librin e saj“…Gjuetia…“
Carla del Ponte ka pas kërkuar nga Kfori Gjerman që ta arreston Gjeneral Agim Çekun kur ai ishte komandant dhe përgjegjës kryesor i TMK.së, menjëherë pas luftës, sipas kërkesave të vazhdueshme të Serbisë, e cila kishte kryer krime dhe gjenocid ndaj shqiptarëve në Kosovë në mënyrë institucionale..!
Raporti i z. Dick Marty, përveq se ua hap syt e vesht klasës politike të pushtshtetarëve në Kosovë e Shqipëri, për të reaguar me mllef e fjalë të mdhaja, pa ndonjë veprim konkret institucional të mirëfillt, raporti në fjalë hapi edhe shumë theshe theme dhe komente si në Kosovë e Shqipëri edhe në mërgatën shqiptare, duke përfshirë edhe mjetet e informimit, të shtypura dhe elektronike në vend dhe jashtë me orjentime nga më të ndryshme politike të varura e të pavarura, pa e lënë anash edhe shtypin e verdhë me propogandë edhe më të verdhë.. që jo pak ndikuan për të keq në dëm të shqiptarëve në përgjithësi, tek të huajt kudo në Europë e sidomos tek vendorët Zvicëran..!
Raporti, ua bëri me dije klasës politke dhe institucioneve shtetërore të Kosovës dhe Shqipërisë, se s`kanë bërë asgjë deri më tani rreth padive në të gjitha nivelet e drejtësisë dhe institucionet e politikës ndërkombëtare ndaj gjenocidit serb në Kosovë të kryer në mënyrë të vazhdueshme e institucinale, për të kërkuar vazhdimisht dëmshpërblimin e dëmeve të luftës dhe plaçkitjeve të bëra para, gjetë e pas luftës, e as që kanë bëre diçka konkrete për të zhdukurit e masakruarit shqiptar, që ende zbulohen varreza masive në Serbi, e as që i bënë përshtypje vendorve ( në përjashtim te ndonjë deklarate shterrpe, pa ndonjë peshë e vëlerë) për shtyp, e aq më pakë ndërkombëtarëve, ndërsa edhe vetlëndimi i një sërbi në Kosovë, paraprakishtë fajtor bëhen shqiptarët.. e runa zot me u vra një serb mblidhet me të shpejtë Këshilli i Sigurimit, menjëherë sipas kërkesë së Serbisë..!
S`kanë bërë padi as ndaj shpifjeve të Carla del Pontes per librin e saj me për shqiptarët dhe UÇK-së.
Janë marrur e mirren vazhdimisht me veten e tyre duke akuzuar hapatas njëri tjetrin në parlament për krim të organizuar dhe mafi, për vjedhje e keçpërdorime nga më të ndryshmet dhe asnjëherë askush s`u dënuar e as që dual para organeve të drejtësisë edhe vet pranojne se korrupsioni ka përfshi gjitha nivelet..!
Prandaj Serbia vepron, të tjerët bëjnë raporte dhe shkruajnë libra në dëm tonin edhe pse shqiptarët janë viktima të shtetit serb, upërshkruhen krimet e Serbisë atyre qëllimisht për tè mbuluar të vëretën , e pse jo siç thot një falë e urtë popullore:"... se kanë gjetur shesh me bërë përshesh.. " dhe shumë më rëndësi u jipen dyshimeve të krijuara me qëllime të caktuara jo për të vëretuar e zbardhur të vëreteën por për të mjegulluar rrethanat për të mos ardhur deri te e vëreta, e cila dihet se ka adresë, e kjo është Serbia dhe faktet janë gjenocidi në Bosnje dhe Kosovë, sepse as boshnjakët e as shqiptarët s`shkuan në Serbi me luftuar e pushtuar toka të serbisë por Serbia e bëri këtë në Kosovë dhe Bosnje(Srebrenica si dëshmi)para syve të faktorit ndërkombëtar dhe botës.
Derisa drejtësia nuk vepron në Kosovë dhe Shqipëri në të gjitha nivelet, i lihet hapësirë çdo kuj të veproj dhe të dëmtoj interesat e popullit dhe të shtetit, pa pasur kurrfar përgjegjësie, pasi që vet jemi të papërgjegjshëm ndaj zbatimit dhe veprimit të ligjit dhe drejtësisë ndaj institucioneve, vendit dhe vetevehtes!
Shembulli më i freskët Votimet e 12 dhjetorit dhe rivotimet, situata e krijuar politike pas tyre në Kosovë dhe rrjedhat në parlamentin Shqiptar në Shqipëri.
Mendoj se Raporti i Dick Marty-it do të ishte mirë të përkthehet sa më mirë që është e mundur në gjuhën shqipe dhe të publikohet në mjetet e informimit.. për shumë arsye.
Abas Fejzullahi
2011-01-18

S.Krasniqi

Zoti Marty ju mungon sinqeriteti.Sipas jush ne nuk e deshëm lirinë dhe pavarsinë por këtë na e imponuan Amerikanët.Ne nuk kërkuam nga Serbia të na e falë,ne e fituam atë.Sa i përket asaj se gjithmonë keni kritikuar Millosheviqin, më bënë të dyshoj.Pse? Unë mendoj se Millosheviqi është kritikuar nga miqët e tij se ai ka qenë një punëkryres i keq i punëve që i janë ngarkuar nga Akademia e Shkencave të Serbisë dhe jo për atë çka ka bërë.
Zoti Marty ju si një hetues me përvojë të gjatë nuk është dashur të bini në grackën e UDB-së ( BIA) dhe tua baltosin karrierën tuaj.Si duket nuk i njihni serbët dhe rusët sa duhet.Ju dëshiroj një pensionim me faqe të bardhë.

Marty, Thaçi dhe ne polemizuesit

Njëra kërkon që të bëjmë si hebrenjtë për të na kuptuar lotët ende të pathara. Tjetri ia fut me të sharra dhe nuk le nalsit e pseudoanalistkosovar pa përmendur. Pse kam sërish përhstypjen siku ju debatues të nderuar as këtë intervistë nuk jeni duke e lexuar me vëmendje. Po ta lexoni mirë do të shihni se Dick Marty askund nuk përmend Shkëlzen Maliqi, Haxhiun Milazim Imamin apo dikë tjetër, por flet për raportin i tij, i cili na mëson ca sende interesante: E para: Mediat perëndimore - para Maliqave dhe Imamave - janë ato që e kanë tjetërsuar thelbin e raportit për të na treguar se ende nuk e kemi hequr bishtin nga pas. E dyta: Rezulton pyetjen se pse me aq zhurmë e mllef reaguan Thaçi dhe Berisha dhe do të tjerë, kur ky, raporti fare nuk i akuzon ata si kriminelë, por do njerëz me të cilët ata kanë kontakte. E se në rrethin e tyre ka njerëz të përzier në llojlloj ndyrësirash, këtë s'ka nevojë të na thotë Marty, sepse e dimë vetë. E dime madje edhe nga instutucionet që na i drejton vetë thaçi sepse goxha do gjenden nëpër qeli për mashtrime, abuzime e delikte tjera perverse.
Natyrisht se as Marty nuk është i përkryer dhe ndoshta fama ia ka turbulluar deri diku mend dhe citon edhe burrime të padenja e flet disa gjëra sikur të mos i ketë ditur, ama i flet hapur dhe tregon se gjithë zhurma ose se esenca e zhurmës nuk e ka burrimin në raportin e tij, por...ndoshta dikush përpiqet që nëpërmjet zhurmës si viktimë të na detyrojë ta besojmë se veçse nuk plas nga morali i pastër. Dick Marty e ka bërë punën e vetë dhe atë siç po shihet, në mënyrë korrekte. Tash iu ka mbetur zhurmaxhinjve të dëshmojnë se nuk kanë pasur punë me krime aq të rënda, çka edhe menjëhjerë do t'iu besonim po të dilnin kështu të sinqertë si ky mashkulli këtu. Albinfo ka bërë një punë shumë të madhe, për këtë vetëm një: BRAVO!
Faiku nga Berna.

Për mendimin tim, ato që

Për mendimin tim, ato që thotë Marty në intervistë janë përpjekje për të varë me pambuk, ashtu siç bën edhe në raportin e tij. Ai është aq kontradiktor me vetëvetën dhe ato që thotë, se këtë mund ta kuptojnë zogjtë e qiellit. Psh: “Unë ju përsëris nëse lexoni me vëmendje, ju kuptoni se nuk përfshij drejtpërdrejtë z. Thaçi me trafikun e organeve.” – që do të thotë se: “z. Thaci, qenka i përfshirë në mënyrë indirekte”. Pastaj ndonëse mundohet ta fsheh qëndrimin e tij antishqiptar dhe kundër pavarësisë së Kosovës, e tradhëton interpretimi i tij për gjoja disa parimet të së Drejtës ndërkombëtare lidhur me bombardimin e Serbisë pa lejen e Këshillti të Siguriumit – Interpretim ky serbo – rus dhe i kundërshtarëve të pavarësisë së Kosovës. Pastaj, shumë kotradiktor, kur thotë se nuk e pengon gjoja pavarësia e Kosovës, kurse mbron kundërshtimin e tij se “pavarësia e Kosovës është shpallur në kundërshtim me të Drejtën Ndërkobmëtare dhe se mund të shërbyeka si një model për vende tjera të botës si Abkazia. Interesant si gazetarët që zhvilluan një intervistë me të, nuk e pyetën për verdiktin e Gjykatës Ndërkobmëtare të Drejtëisë që përligji shpalljen e pavarësisë së Kosovës. Me një fjalë, Marty është shumë kontraverz, dhe sic e thotë edhe vet, afër pleqërisë ai duket se është matufosur fare…sepse edhe për shumë gjëra flet përqartë.

Mendimi juaj si mendimi juaj

Nëse Marty thotë se njerëz të afërt të Thaçit kanë qenë të përzier në krim, atëherë EULEX duhet të shohë në mos edhe Thaçi është i përzier në atë lloj krimi. Është konsekuencë logjike - apo jo? Po ju i nderuar si duket keni dëshirë të luani rolin e avokatit të Thaçit e jo se jeni të interesuar ta dini të vërtetën. Ja një fakt që nuk besojmë se e kuindërshtoni dot: Në gjithë këtë intervistë të gjatë gjetët "kontradiktat" e pambukta dhe antishqiptarizmat (sipas dylbive tuaja), po helbete ndonjë copë pozitiviteti nuk gjetët. Nëse jeni zyrtar i Qeverisë, atëherë ju lutmei mos na lodhni... sidomos me ofendime "matufosje, çmatufosje", mos na jeni edhe psikiatër.
Albinfo bën keq që lejon anonima të këtillë.
Shaipi nga Berna

Intervista fillon me pyetjen

Intervista fillon me pyetjen mbi pse heshtni në raport mbi vendimin e GJND si dhe egzistimin e Shtetit të Kosovës. Kjo interviste ka dimension historik sepse ua mbylle gojën, përmes vet Dick Martyrt, disa medieve perëndimore që kanë interpretuar raportin ashtu siq kanë dashur...

Rrëfimi befasues i Dick Marty-t

Nuk dua te justifikoj autorin Dick Marty e as personat e implikuar, por i ftoj shqiptaret ta degjojne apo lexojne intervisten e tij me vemendje e te reagojne. Mediat europiane e interpretuan si deshen kete raport e ai la shije te keqe per ne tek te huajt. Kjo interviste eshte hapi i pare i nje akti te shumepritur per te kerkuar falje piblike e ne duhet ta bejme te njohur kudo e ne te gjitha menyrat, pasi ka ardhur kohe qe kombit tone t'i kerkohet publikisht FALJA E MADHE.
Kane kaluar 70 vjet e ebrenjte nuk rreshtin t'i tregojne botes ne menyrat me te ndryshme per vuajtjet dhe genocidin ndaj tyre...
Po ne ku jemi? Ka kaluar vetem nje dhjetevjeçar, jemi ne nje shekull te ri ku ekzistojne mediat, kamerat, gazetaret, interneti. E ne s'kemi bere e s'po bejme ende asgje per t'i treguar botes tmerrin e genocidit serb tek shqiptaret, dhunen e papare e mizore te nje populli "europin" ndaj nje populli tjeter po europian...
Lejojme te pergojohemi kur shqiptaret i kane varret ende te hapur e lotet ende te pashterrur; lejojme te na akuzojne e te na marrin zvarre dinjitetin. Lejojme te na perfaqesojne neper tryezat nderkombetare politikane pa nder e pa moral, pa dije e pa kulture, pa gen e pa gjak shqiptari. Lejojme te na fyejne heronjte (si dy vjet me pare me Skenderbeun), simbolet kombetare, te na perdhosin e djegin historine...E me e keqja eshte, se kete gje te huajt e bejne me duart tona!
Edlira Dedja (Neuchâtel, Zvicer)

apo (s)'është e vërtet !?

Falenderimi ne kete rast i takon albainfo per intervisten e zhvilluar,por shpresoj qe ky falenderim mos ti takon edhe z.Marty (Me shpres qe kjo mos te jete e vertet)
megjithat duhet te hetohet ky rast si dhe shum raste tjera,dhe ne duhet te ndihmojm raste te tilla!
edhe pse e verteta esht shpesh here e hidhur,por prap duhet pranuar!!!

Lexonje

Gjithe keto komente pa e lexuar raportin hic. Raporti ka qene per VRASJE PER TE SHITE ORGANE, jo se a ka krim normal ne Kosove apo Kine. Ky ja futi 1000 krime e dyshime dhe per te marre press tha "kane vrare Serb per tu shitur organet," pa asnje prove. A e kuptoni se c'beri ky maskara? Qe ka droge e mafie etc ka gjithkund, po c'ka te bej ekjo me organe?
Ky eshte Dick Marty i juaj: "32. While there were undoubtedly numerous brave soldiers who were willing to go to the warfront, in the face of considerable adversity, and if necessary die for the cause of an independent Kosovar Albanian motherland, these fighters were not necessarily in the majority."
-----Pertkthim ne thelb: "Megjithese kishte shume ushtare trima qe ishin gati te shkonin te luftonin ne front...dhe gati per te vdekur per nje Kosove te lire, kete luftetare nuk ishin shumica." C'ka te beje kjo me organet? Asgje, sepse rrenat e organeve jane perdore si pretext per te njollosur gjithcka.
Ju i besoni rrenave te ketij maskaraji tani. Ky e krey punen, e njollosi gjithken dhe tash mund te thote c'te doje. Njerez kot, qe rrehen nga nje rrenacak

Falenderim

Nuk eshte rrefim befasues. Mirepo ne jemi shume te paemancipuar, si shoqeri. E dini ju sa njerez ne Kosove kane nenshkruar peticionin kunder Martit, pa e pare se cfare shkruan ne te. E dini ju qe Thaci me shoket e tij nuk denjojne ta perkthejne Raportin ne shqip sepse i frikohen te vertetes.
Ne Kosove ka ca analiste te poshter, sic eshte rasti i Baton Haxhiut, Mufail Limanit, Milazim Krasniqit, Shkelzen Maliqit e ndonje hiq tjeter qe jane te lidhur me interesat e grupeve kriminale ne Kosove dhe qe mundohen te krijone opinione.
Na kane mpire mendet. Mediat ne Kosove na kane shitur dushk per gogla. Ato kane bere nje lufte te ulet mediale qe Marti te anatemohet. Shume flm qe botuat kete interviste. Ndoshta ka me na ardhe dita qe nje rruge ne Kosove me emertue Dick Marti.

O zoteri dick marty mos na e

O zoteri dick marty mos na e ban mjegull me deklaraten tende ne rtk,mos na i perzij gjerat me minaret ne zvicerr( se sesht aq e rendsishme se a ndertohen xhamijat ne zvicerr me minare apo pa to) se shqiptaret me kane te orientuar aq shume nga feja kishim kerku ndihme nga vendet arabe e jo nga Amerika.po ashtu sje i kuptueshem kjart ,jo sesht thaqi po eshte dikush tjeter ,jo sesht uqk po eshte dikush ne uqk,jo sjan krejt kosovaret po dikush ne kosove,jo eshte dashte me bombardu nato po sipas jush eshte dashte me e vet edhe serbin me i than a ban me te bombardu apo jo .leri keto fjale se me i pase ndegju Amerika njerz si ju a ban apo nuk ban me intervenu tash ne ishim neper bote si refugjat, po faleminderit ZOTIT qe eshte nje dhe AMERIKES dy.ekzistofsh AMERIKE sa te ka njerz mi kete toke.

PYTJE PER DICK MARTY

Zoti Dick Marty thojke qe duhet me u mir me te kaluaren per me pas nji te ardhme me te mir per kosovaret, por si pas mendimit tem e ka shum e shum gabim. me e kshyr te kaluaren, ne kosovaret nuk dohemi me i lan Serbet as ne kosov, e as me bisedu me serb kurr kurr kurr per jet. po kjo nuk osht zgjidhje. per mu ba kumunist apo nacist osht leht por me u ba demokrat osht shtir. se qka kan ber serbet spo i permend as kush, ky mamir osht kan me u mir me serb se sa me neve, se ne jemi kan gjithmon viktim, ne jemi nji popull qe kemi vujt me vjet !!! njo mos te harron kerkush se ne shqiptaret jemi, dhe kemi mu kan gjithmon bashk, dhe jeten e japum trojet nuk i japum!!

re: pyetje per dick marty

Më vjen shumë keq por nuk jamë dakort, Sigurisht që Serbia ka bërë krime, dhe kjo dihet në tërë boten, dhe krimet në diten e sotshme gjykohen nga Tribunali internacional i Hages. Por pyetja nuk eshte aty, Serbia i ka fajet e veta, kjo eshte e qart, vetem nese disa shqiptar kanë lidhje me trafike te lloj llojshem duhet te arrestohen, dhe nese ata shqiptar janë në fuqi politike, duhet patjeter që të terhiqen, me dashje apo me zor.

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)