Në Ditën e Nënave Amerikane

Nga Mimoza Dajçi

Nën një atmosferë të hareshme e të gëzuar Oragnizata e Gruas Shqiptare - Amerikane “Shpresë & Paqe” në New York festoi Festën tradicionale të Nënave Amerikane. Ishte ky një celebrim që shënonte njëherësh edhe adaptimin e femrës shqiptare në SHBA me të gjithë komponentët e saj. Përveç pjesëmarrjes së komunitetit tonë, nderuan edhe shumë personalite të larta të politikës e qeverisë amrikane si Senator Ruth Hasell Thompson, Senator Jeff Klein, Presidenti i Bronx-it Ruben Diaz Jr, avokati i njohur e mik i shqiptarëve Steven Kaufman, përfaqësues nga Zyra e Konsullit të Bashkisë së Bronx-it James Vacca, Presidenti i Distriktit 49 në Bronx Z. Joseph Thompson, Drejtueset e Bordit të shkollës së mesme “Kristofor Kolombo”, Julie Neriman e Jesseca Long, etj.Gjithashtu të pranishme ishin Konsullja e Republikës së Kosovës Znj. Arta Rama, Sekretarja e Parë e Ambasadës së Republikës së Kosovës në Washington D.C, Znj. Gjeneza Budima, diplomatja Valeza Oruçi, etj.

                    Pamje nga aktiviteti

Si në çdo rast tubimi tek shqitarët në diasporë festa u hap me Hymnet Shqiptare, Amerikane, si dhe Hymni për Kosovën. Veprimtaria edhe pse ishte gëzim për nënat, atë ditë kishte një specifik të veçantë pasi ishte (fundraiser) e i dedikohej nënave e motrave shqiptare të vrara e malltrajtuara nga lufta e makinerisë serbe ne Kosovë, si dhe për fëmijët me prindër të zhdukur.
Pas përshëndetjeve të përfaqësuesve të organizatave të ndryshme në komunitet, dipllomateve të Republikës së Kosovës, e personaliteteve amerikane, kjo organizatë ndau për veprimtaret e veprimtarët e shquar në diasporë, si dhe për miqtë e ftuar disa Çertifikata Mirënjohje, ku mund të veçojmë disa prej tyre si: Dr. Flora Brovinen, Senatoren Rutht Hasell Thompson, Zonjat Rita Saliu, Shqipe Biba, Hyrie Kupi, Rukie Ndreu, Shirley Dio GUardi, gazetaret e Zërit të Amerikës Izabela Çoçoli e Zamira Edwards, Konsulles Arta Rama, gazetaren e gazetës “Bota Sot” Elida Buçpapaj, e cila kurdoherë ka qenë e gatshme dhe e palodhur për të publikuar edhe veprimtarinë e kësaj organizate të re, si dhe për të hedhur dritë mbi të kaluarën e hidhur e rregjimit makabër komunist që mbizotëroi 50 vjet në vendin tonë, SEvdije Ahmeti, Sevdije Rexhepi, Drita Çarçani, Dardanesha Gashi, Frida Xenopulo, mezosopranon Rajmonda Dabulla (pas vdekjes), etj. Hartuesin e hartës së Shqipërisë Etnike Profesor Ahmet Gashi (pas vdekjes), Zotërinjtë Agim Karagjozi, Dr. Gjon Bucaj, Agim Rexhaj, Harry Bajraktari, Sevdi Hysenaj, i cili dhuroi edhe &200.00 për këtë event të rëndësishëm, Zef Balaj, Marjan Cubi, Esad Rizai, Adem Saliu, Mark Gjonaj, Senatori Jeff Klein, Joseph Thompson, Steven Kaufman, gazeta “Dielli”, gayetarin Beqir Sina, Halil Mula, Vehbi Bajrami, Ruben Avxhiu, etj.
Pas fjalëve të rastit e përshëndetje të ndryshme, pati edhe recitimeve e kumtesa për nënat. Me valle e muzikë shoqëroi Grupi Muzikor “Harmonia” e “Shoqëria Kelmendi”. Moderoi programin poetja, humanistja e veprimtarja e njohur Znj. Rita Saliu. Nën dekorimin e festës në një nga ambjentet e Restorant Razafa në Bronx, gratë e vajzat shqitare kaluan një pasdite të këndshme e të paharruar.

Shkoni në këtë adresë për të parë foto nga aktiviteti shkoni në këtë adresë: https://picasaweb.google.com/arberie/HopeAndPeaceEvent?authkey=Gv1sRgCNOPn6vah9rNpQE&feat=email#