Skip to main content

Si nuk u tkurr ky Kuvendi i Shqipërisë?!

 



Akademik  Prof.DR.Eshref Ymeri,AAAS

Gjatë këtyre tetë vjetëve të fundit, popullsia e vendit tonë është pakësuar ndjeshëm nga largimi i disa qindra mijë njerëzve drejt vendeve të huaja, për t’i shpëtuar lakut të varfërisë. Kjo tkurrje e popullsisë a nuk duhej pasqyruar edhe në tkurrjen e Kuvendit, me shkurtimin  e numrit të deputetëve?

Në një informacion të Institutit të Statistikave thuhet:

Në 1 Janar 2021 popullsia e Shqipërisë rezulton 2,83  milionë banorë dhe krahasuar me vitin 2011 është ulur me 2,7 %”.

Në këtë informacion nuk thuhet se këta 2,83 milionë banorë, në këtë datë, ishin të pranishëm fizikisht në Shqipëri, apo ishin të pranishëm vetëm në zyrat e gjendjes civile. Me siguri që ata duhet të kenë qenë të pranishëm vetëm në zyrat në fjalë, prandaj numri i popullsisë duhet të jetë pakësuar në mënyrë të ndjeshme. Atëherë lind pyetja: po si ka mundësi që numri i deputetëve vazhdon të mbetet i pandryshuar, duke e shtuar barrën e taksave mbi ata banorë që janë të pranishëm fizikisht brenda vendit?

Dy vjet e gjysmë më parë, Rama ishte i ftuar në programin televiziv TG2 të RaiDue në Itali. Analisti i njohur Alberto Negri i tha se nga vendi janë larguar 500 mijë njerëz, duke i theksuar posaçërisht:

“Nëse njerëzit emigrojnë, do të thotë se aty gjërat nuk janë mirë” (Citohet sipas: “Gazetari italian “gozhdon” Ramën: Ju jeni establishment, ish-ministri në trafik droge”. Faqja e internetit “Syri.net”. 28 shkurt 2019).

Po deri tani, dy vjet e gjysmë më pas, sa ka arritur numri i njerëzve që kanë braktisur vendin? Kanë qarkulluar të dhëna se ai numër ka arritur deri në 600 mijë. Në një lajm që u transmetua ca muaj më parë, thuhej:

       “Më shumë vdekje se lindje. Shqipëria po zvogëlohet dhe po plaket, duhet ndërhyrja urgjente” (Kanali televiziv “Top Channel”.  14 maj 2021).

Siç bëhet e ditur në faqet e internetit, Izraeli, sipas të dhënave të këtij viti, ka një popullsi prej më shumë se 9 milionë banorë (9 395 260) dhe parlamenti i tij (Knesseti) përbëhet prej 120 deputetësh, kurse Republika e Shqipërisë, me 2, 83 milionë banorë, që figurojnë vetëm në letrat e gjendjes civile, ka 140 deputetë!

Klasa politike e Tiranës s’e ka vrarë kurrë mendjen për shkurtimin e numrit të deputetëve, jo pak prej të cilëve janë thjesht parazitë në Kuvend. Kurse inteligjencia shqiptare dhe shoqëria civile janë thjesht mumje mbi tokë.

Dje, më 02 shtator, Rama e njohu opinionin publik me përbërjen e kabinetit të ri qeveritar. Duket e pabesueshme, por është realitet: 15 ministri me 15 ministra në krye, në një vend me aq banorë sa u përmendën më lart. I duhen Ramës kaq shumë ministra, për ta ndier veten sa më autoritar në krye të tyre. Një dukuri paradoksale po ndodh në Shqipëri nën pushtetin e Ramës: sa më shumë e shpopullon vendin, sa më shumë ua shtrëngon njerëzve të thjeshtë lakun e varfërisë, aq më shumë atij i ndizen epshet për pushtet, epshe këto që janë mjaft karakteristike për një njeri me komplekse të theksuara inferioriteti.

Duke pasur parasysh një njeri me një formim të tillë psikologjik, shkrimtari dhe përkthyesi japonez Haruki Murakami (1949) thotë:

“Psikikën e tij e mban përherë të goxhduar gjendja mes kompleksit të inferioritetit dhe vetëdijes për superioritet personal”.

Las Vegas, Nevada

03 shtator 2021

 

Comments

Popular posts from this blog

Libra të rinj - Shkarkim falas

Genci Gora NË SHKOLLË TEK SHTRIGA Shkarko falas   Begzat Rrahmani VALËT E GURRËS Shkarko falas   Mehmet Bislimi Ekskluzivisht për   www.sa-kra.ch LIRIKAT E FJETURA Shkarko falas Renato Kalemi DYMBËDHJETË (tregime nga teatri  i absurdit) Shkarko falas   Begzat Rrahmani TROKU I KALIT TË ZI Shkarko falas   Arjan Th. Kallç0 ËNDRRAT THYEHN SHPEJT Shkarko falas   Nase Jani GRUAJA NË KAFAZ Shkarko falas   Rhonda Byrne FORCA Shkarko falas   Adem Zaplluzha Ekskluzivisht për   www.sa-kra.ch KRAKËLLIMAT E NATËS Shkarko falas   Adem Zaplluzha Ekskluzivisht për   www.sa-kra.ch DRURI I PIKËLLUAR Shkarko falas   Adem Zaplluzha Ekskluzivisht për   www.sa-kra.ch LOTI I GOTËS SË DEHUR Shkarko falas   Xhevat Hasani Ekskluzivisht për   www.sa-kra.ch NJË JETË NË SHËRBIM TË LIRISË - KUSHTUAR NASER HANIT Shkarko falas   Adem Zaplluzha Ekskluziv

Ese për Vitin e Ri

Viti i ri, festa ime e preferuar, eshte njera prej diteve me te festuara ne bote. Dita eshte e zbukuruar me kostume te bukura dhe me tradite. Secili popull e feston vitin e ri ne menyren e vet. Ne festojmë Vitin e Ri në 31 dhjetor. Kjo është festë e madhe. Ne blejmë rroba të reja dhe gjëra të reja. Ne e vendosim pemën e Vitit të Ri në një cep të shtëpisë sonë. Prindërit blejne dhurata për ne. Ne vendosim mbulesë tavoline dhe e vënë shumë gjëra të shijshme në të. Të tilla si tortë me fruta të ndryshme dhe përgatisim ushqime të ndryshme. Dhe njeri nga familja ime veshin kostumin e Babadimrit. Ne fikim dritën dhe bërtasim Gezuar Viti i Ri tri herë vetëm për argëtim. Ne këndojmë këngë, luajmë lojra, valle dhe kemi shumë kenaqesi. Në qoftë se bie borë bëjmë dordolec prej dëbore dhe në hundën e tij vëmë karrota ose luajmë me topa bore. Por zakonisht koha është e ngrohtë dhe nuk ka borë. Pastaj ne hedhim fishekzjarre jashtë dhe dëgjojmë tingujt me zë shume te lartë.Tingujt e krismave,

Legjenda e Mujit dhe Halilit

Vërtetësinë e Mujit dhe Halilit në fshatin Marinë nuk e konteston askush. Gurët e këtyre kreshnikëve, që gjenden në këtë fshat, janë krenaria dhe njëkohësisht burimi i një frike të vjetër. Sipas banorëve, ata që janë munduar të ndryshojnë vendin apo formën e gurëve të Mujes dhe Halilit, sot nuk jetojnë më. Legjendat Muji dhe Halili, të cilët kanë jetuar vetëm në imagjinatën e shkrimtarëve, janë ringjallur në një fshat të Drenicës. Në telin e Lahutës, ata edhe më tutje shkulin lisa dhe peshojnë shkëmbinj. Muji dhe Halili kanë qenë dy malësorë që kanë pasur fuqi mbinatyrore. Ata, sipas legjendës, ishin shtatgjatë, muskulorë dhe me mustaqe të gjata. Madje, fshati Marinë i Drenicës ka një lidhje shumë të veçantë me këta dy malësorë. Këtë lidhje e bëjnë më të fortë dhe të prekshme tre gurë të mëdhenj, të cilët qëndrojnë afër shkollës së fshatit. Brez pas brezi në Marinë me rrethinë tregohen legjenda se si këta gurë janë peshuar nga duart e Mujës dhe Halilit. Ndërsa profesor