Tri orë letrare me shkrimtarë nga Kosova

Tashmë në kuadër të 17 Shkurtit ditës së Pavarësisë së Kosovës dhe 100-vjetorit të shpalljes së pavarësisë së shtetit shqiptar, janë në vlug aktivitetet kushtuar këtyre dy kremteve, për të cilat në vazhdimësi do ti njoftojmë lexuesit tanë

 http://faktiditor.com/?p=18688

Rexhep RIFATI

Gjenevë/Bernë/Cyrih – Universiteti Popullor Shqiptar në Gjenevë  njofton se, Kuvendi i Shqiptarëve të Zvicrës, Universiteti Popullor Shqiptar në Gjenevë në bashkëpunim me Shoqatën e autorëve shqiptarë në Zvicër “Pranvera ‘81” dhe shoqatat shqiptare në Neuchatel, hapin festimet e 100 vjetorit të pavarësisë me orët letrare në tri qytetet më të mëdha të Zvicrës disa nga anëtarët e Lidhjes së shkrimtarëve të Kosovës: të Adem Demaçi,  Shyqri Galica, Sabile Basha, Begzad Baliu, Arif Bozaxhi dhe Arben Hoxha. Nga njoftimi merret vesh se ky aktivitet letrar mbështetet nga Ambasada e Republikës së Kosovës në Bernë dhe se do të realizohet sipas këtij orari: në  Gjenevë më: 11 shkurt 2012, në lokalet e Universitetit Popullor Shqiptar në Gjenevë, Ch. Surinam 7, 1211 Genève.; në Bernë më: 12 shkurt 2012, në ora 14.30, në Ambasadën e Republikës së Kosovës, Amthausgasse 3, 3012 Berne dhe në Cyrih më: 13 shkurt 2012 në ora 19.30, Konsullata e Republikës së Kosovës, Hohlstr. 610, 8048 Zürich.

Program me Ansamblin “VATRA”

Glatbrugg-Cyrih – Të nderuar bashkatdhetarë, përfaqësues të koreve diplomatike, veprimtarë e përfaqësues të medieve ju informojmë se këshilli organizativ në bashkëpunim me Shkollën Shqipe, Këshillin e prindërve Shqiptarë dhe Ansamblin e Këngëve dhe Valleve  Shqipe “VATRA” kemi organizuar një manifestim kulturorë për nder të 4- Vjetorit të shpalljes së Kosovës shtet i pavarur  dhe njëherësh  hapim solemnisht aktivitetet kulturore dhe festive për nder të 100 Vjetorit të Flamurit tonë kombëtar dhe 
pavarësisë së shtetit shqiptar. Janë të mirëseardhur në manifestimin tonë që mbahet 
të premten me 17 Shkurt 2012, Salla FORUM, afër Migrosit në Glattbrugg
Sannkt- Annastrasse 2/  8152 Glattbrugg duke filluar  në 19:30 h.  Për informata më të hollësishme na kontaktoni për mes Emailit ose përmes  Tel. 079/6299558; 0786854065 . Konfirmimi i pjesëmarrjes do të na e lehtësonte punën.
Ju përshëndesim dhe mirëpresim, me respekt: Shaban Haliti & Muhamet  Arifi

Manifestim në organizim të SH.K.A “DARDANIA”

Winterthur - SH.K.A “DARDANIA” tashmë më si traditë dhe obligim të vetin feston çdo festë kombëtare dhe shtetërore. Edhe kësaj here festën e Pavarësisë së Kosovës, do ta festojmë së bashku me ju, ku organizatore  dhe realizuese e kësaj kremte është kjo shoqëri, e cila do të prezantohet me një program me këngë dhe valle të përgatitura nergut për këtë kremte të përbashkët,  thuhet në ftesën drejtuar bashkatdhetarëve, institucioneve, mjeteve të informimit si dhe shoqërisë, simpatizantëve të saj  nga ana e kësaj shoqërie me seli në Winterthur  të Zvicrës. Programit të “Dardanisë” në këtë kremte do ti bashkohet edhe grupi teatral “AKTRIMI” nga Cyrihu me disa pika humori dhe skeçe të radhës. Do të ketë recitime nga grupi i fëmijëve dhe i të rriturëve .Pas pjesës artistike do të ketë këngë dhe valle festive, nën përkujdesjen e Ruzhdi Hajrizit dhe Arbër Jetullahut.  Festa mbahet më 18 shkurt 2012 dhe fillon nga ora 19:00, në Mehrzweckhalle, Schulstrasse 24. 8442 Hettlingen-Winterthur.
Duke ju dëshiruar qaste të mira dhe disponim të këndshëm ju dëshirojmë nga zemra mirëseardhje, thuhet në njoftimin e dërguar nga Stafi realizues i festës së Pavarësisë së Kosovës, SH.K.A ” DARDANIA” (Oststrasse 33/ 8400 Winterthur), info: www.dardania95.ch;  info@dardania95.ch / Tel: 079 672 41 82 ; Fax: 052 243 11 93