DY CIKLE ME GRIMCA POETIKE

Nga Arqile V Gjata

MENDIME TË QËMTUARA
NGA SHËTITJA E MËNGJESIT

1-
Qytetit duan t’ia fshehin Diellin...!
Errësirës po i ngrejnë shtëpi qerpiçi
për eshtrat e nxira.

2-
Ajo Çika...
që u vra nga dora e pushkës
nuk bëzani!
Loti i saj gjithë veriun e përmbyti.

3-
Sa keq...!
Pyjeve po ua presin gjuhën,
gjethet nuk do lindin përsëri fëmijë!

4-
Një glob me këmbë njeriu
po mban fjalim...
-Ejani të diturohemi përtej ajrit,
atje ku iriqi duart t’i shponë!

5-
Qenit i vara një lule,
zinxhirin nga qafa nuk ia hoqa!
Urinë vetes po ia shuaj me vota të sinqerta.
6-
Tani me tollombace u mësuam,
sa shumë...
Në çdo festë me pështymë i mbushim!

7-
Me çadrën në miqësi jam, nuk ndahem dot!
Sa herë e takoj, të njëjtin mendim
në vesh më pëshpërit...
-Jam skllav i fytyrës që më kanë dhënë!

Athinë 13 Nëntor 2012

MENDIME TË QËMTUARA NË SHËTITJEN E MËNGJESIT!TË

Cikli i dytë

1

-Ah...këto këpucët e shkreta,

më vrasin çdo ditë,

ku të gjej një qeveri

që të mund të blej një palë këpucë,

të rehatohem!?

2

-Heshtja nuk është e dukëshme

prej saj mora fjalën

t’ja u dhuroja fëmijëve.

3

-...mbi brymë mjegulla zbukurohet,

rrezja e dielli

mbledh lotët e tyre!

4

-Vetja ime ka shumë zhurmë...

kur shëtis nëpër jetë

ajo zhurmë më bëhet poezi.

5

-Morri në kokën time

është miku

që mbaj gjithë jetën mbi kuriz.

6

-Nuk ka më këndeza

agimin e lajmërojnë...

të rinjtë e përgjumur

që kthehen nga diskoteka.

7

-Në ato vegla muzikore të akullta

dhe pas vdekjes

këndohet madhështia e botës.

Janar 2014