Hillary Clinton do të publikojë një libër në vitin 2014

Ish-sekretarja amerikane e Shtetit, Hillary Clinton do të publikojë një libër të ri gjatë verës së vitit 2014 mbi sfidat e shekullit XXI, bënë të ditur sot burime zyrtare vendase.

"Libri do të përqëndrohet mbi eksperiencën e saj si sekretare e Shtetit, një post nga i cili ajo u largua në janar pas katër vitesh dhe mbi sfidat e një bote me shumë ndryshime", theksuan burimet zyrtare vendase.

Clinton, 65 vjeçe është sipas një sondazhi, që është kryer kohët e fundit nga "Quinnipiac", figura politike më e rëndësishme në SHBA.
Clinton ka publikuar deri tani katër libra, i pari daton në vitin 1996.