MINISTRI TURK I QEVERISË KOSOVARE PUBLIKISHT KUNDËR GULEN

Ministri Mahir Yagcilar ka folur sot kundër Lëvizjes Gulen, e cila është duke u përndjekur nga Presidenti i Turqisë Recep Tayiip Erdogan, me arsyetimin se është pikërisht Gulen ai që qëndron prapa puçit të muajit korrik.

Qeveria e Kosovës nuk është prononcuar për këto zhvillime në Turqi, por këtë po e bën Ministri Mahir Yahgcilar, i cili udhëheq me dikasterin e Administratës Publike.

Yagcilar ka folur sikur të ishte Ministër i Erdoganit.

“Turqia në ankthin e natës së 15 korrikut ka treguar edhe një herë forcën e saj si shtet demokratik së bashku me Presidentin Regjep Tajip Erdogan , popullin dhe deputetët përkundër tentimit për predispozim. E gjithë bota duhet ta njeh dhe të dijë për tentim puçin e organizuar nga organizata FETO, duhet të tregojmë se ata janë të rrezikshëm” ka thënë ai.

Këto komente ai i ka bërë në një ekspozitë me foto të grusht shtetit të dështuar në Turqi ku ka marrë pjesë edhe Ambasadorja e Turqisë në Prishtinë.