Tiffany, vajza e “harruar” e Donald Trump

Ajo është një ndër dy vajzat e Donald Trump dhe quhet Tiffany, por për mediat më shumë njihet për jetën e saj luksoze dhe aventurat e shumta.

Tiffany Ariana Trump u lind në 13 tetor 1993 dhe është vajza e vetme e Donald dhe gruas së tij Marla Maples.

Ajo u rrit nga nëna e saj në Kaliforni teksa babai i saj jetonte dhe punonte në Nju Jork.

Tiffany ka lëshuar disa klipe dhe i pëlqen muzika dhe modelingu, ku ka marrë pjesë në disa evente të rëndësishme.

Por ndryshe nga fëmijët e tjerë të Trump, ajo nuk ka dashur të shfaqet shumë, pavarësisht se në pikat e nxehta të fushatës së tij, Donald e ka ftuar në mitingje si dhe në Konventën Republikane ku ai mori nominimin.

Tiffany cilësohet nga mediat amerikane si “vajza më qejflie që ka pasur ndonjë president”.

Ajo shoqërohet me fëmijët e disa yjeve amerikanë dhe ka 390 mijë fansa në Instagram ku poston foto nga jeta e saj luksoze.