Të zbulohen vrasësit e kolonel Ahmet Krasniqit dhe Tahir Zemes !

Një vrasje e pazbuluar që prej 14 vjetësh, e kryer nga një dorë padyshim antikombëtare, vazhdon të mbetet mister për opinionin publik. Vrasja e kolonel Ahmet Krasniqit, duket se do të mbetet njëra prej vrasjeve më njollë zeza në historinë ne shqiptarëve. Njeriu që po përpiqej me shpirt të bashkonte luftëtarët e ndarë më dysh të paktën, do të vritej në kohën kur përgatitjet ushtarake profesionale kishin kulmuar me krijimin e tri brigadave të mirëfilltë për ta luftuar Serbinë. Edhe më e dhimbshme është se vrasja ndodhi e paralajmëruar dhe për më keq ndodhi në kryeqytetin shqiptarë, ku dora e shtetit nuk mund të fshihet, pasi koloneli ishte çarmatosur pak kohë para vrasjes, dhe bile edhe ishte mbajtur në arrest pak kohë pasi i kishte përgëzuar ushtarakët e Republikës së Kosovës të njohur si Forca e Armatosur e Republikës së Kosovës. Krasniqi para themelimit të kësaj force në Zvicër u kishte deklaruar në takimin me ushtarakët se do t’i bindej vetëm institucioneve urdhrave të Presidentit Rugova dhe kryeministrit Bukoshi. Bindja si profesionist se vetëm duke formuar ushtri të rregullt mund të kishte sukses në luftë, do të kthehej në mallkim të atyre që do të dëshironin pushtetin me çdo kusht, paranë dhe fuqinë…

Nga rrahjet e pamëshirshme të UDB-së disa për të mbijetuar janë detyruar të ''mjekohen'' duke u mbështjellur me lëkura të deleve.

Familja Zhilivoda, e cila zë një vend të rëndësishëm në historinë e djeshme dhe të sotme të Kosovës, zanafillën e luftës për liri e ka që nga perandoria turke kur paraardhësit e kësaj familje që po jetonin në Preluzhë, nga një aksion kundër ''Tesildartëve'' të sulltanit (tagrambledhësve), të cilët po hynin kohë e pa kohë nëpër familjet shqiptare duke ushtruar dhunë dhe plaçkitje, do t'ju përgjigjeshin me armë duke mbrojtur pragun e shtëpisë.

 Kjo edhe do të bëhet pretekst i shpërnguljes së kësaj familje në një vendbanim të ri duke hapur toka të reja (pyje, shkurre e thera) për banim dhe ara të bukës.

 Pikërisht në këto toka të vjetra me banime të reja do të jetë ngulimi i tyre në Zhilivodën e sotme, ku do të vazhdojë të kultivohet atdhedashuria, e cila gjatë periudhës së lavdishme të historisë kundër sundimit të ri serb që po i përgatitej Kosovës, do të luftojë patrioti Aziz Zhilivoda me emrin e të cilit do të identifikohet një krahinë e tërë.

Por, me përfundimin e Luftës së Dytë Botërore dhe me instalimin e sistemit komunist odiseada e kësaj familje do të shënojë përjetime të rënda e të përditshme. Trimi Aziz Zhilivoda do të arratiset në Shqipëri, ndërkaq barra e familjes do t’i bie vëllait të Azizit, Hajrizit, i cili do të duhet të kujdeset përpos fëmijëve të tij, edhe për fëmijët e Azizit, që do të vazhdojnë të rriten me mallin për babain… 




LEXONI :


http://floripress.blogspot.com/2012/06/pse-vrer-kunder-luftetareve.html