Glauk Konjufca ‘përfshihet’ në organizimin e protestave të VV-së në kohë pandemie

Nesër do të ketë një protestë provë në Prishtinë e cila është e dyta gjatë pandemisë dhe do të ketë deri në 5 mijë njerëz.

Vetëvendosja po largohet nga Qeveria por kërkon zgjedhje të parakohshme por nga ana tjetër LDK- AAK- Nisma kanë lidhur një koalicion qeverisës pa qenë nevoja për zgjedhje të 8-ta parlamentare.

“Në vazhdimësi gjatë kësaj kohe kemi pasur kërkesa e interesim të shumtë të qytetarëve për të protestuar në lidhje me zhvillimet në vend. Pas realizimit të suksesshëm të provës së parë nga qytetarë e aktivistë ne kemi menduar të realizojmë testin e dytë por në përmasa më të mëdha. Pra, kjo sigurisht se nuk është një protestë, por një performancë me 3500 deri në 5000 persona”, kanë thënë nga LVV’ja.





Lëvizja Vetëvendosje edhe zyrtarisht ka dalur hapur pas demantimit nga mediet për organizimin e protestave, madje në organizimin e tyre po shihet edhe ministri i Jashtëm në detyrë, Glauk Konjufca.

Konjufca së bashku me organizatorin kryesor të protestave, Valdrin Ahmetin, si dhe të tjerët Arbër Zaimin, Tropikë Agaj, Filiz Mustafa dhe Valon Hoti kanë paralajmëruar për nesër një ditë të nxehtë.

Për nesër Lëvizja Vetëvendosje ka paralajmëruar se në shesh do të mbledhin deri në 5,000 mijë persona, derisa për këtë organizim që e kanë quajtur përgatitje për protestë e kanë kërkuar edhe lejen e Policisë së Kosovës.

Ish’kandidati për deputet në LVV ka publikuar në profilin e tij në Facebook një fotografi ku po paralajmëron ditë të nxehtë.

“Te enjtet janë njëfarë nxemje ne Prishtine ”, ka shkruar Ahmeti.

Kujtojmë se pikat e kuqe në shesh të vendosura u vendosën kinse nga organizata joqeveritare e të pavarura, mirëpo gjithçka rezulton negative më vonë kur u pa se kjo ishte koordimin me LVV’në, pra organizata të afërta me partinë në pushtet.