Dibran Fylli, regjisor, ish pjesëtar i UÇK-së, i burgosur nga UNMIK-u
Aktakuzat e “prokurorit” Salustro, janë kryekëput të përgatitura
në “kancelaritë” e Beogradit që nga koha e sundimit
Unmikistanezo-serbo-çetniko-rus
NUK DUHET DHE NUK ËSHTË
DASHTË ME PREK ATY KU NUK PREKET !
Disa herë e kam potencuar, shkruar e diskutuar situatën
dhe veprimet skandaloze të UNMIK-ut që kanë qenë në dëm të UÇK-së, të pjesëtarëve
të saj dhe të luftës së drejtë çlirimtare, duke e nxjerr një thënie që më është
kundërshtuar nga shumë veta se; “...e kemi luftuar dhe e kemi larguar një
armik të përbetuar nga trojet tona, e na erdhën 100 armiq tjerë që po shiteshin
si “miq” me emrin UNMIK...”, por tash, edhe pas largimit të tyre nga
Kosova, puna dhe veprimet e amanetet e tyre plot fytyrmarre, po jetësohen me ndihmën
EULEKS-it, që institucionet kosovare i ftuan vet, ua zgjaten mandatin e do t’ua
zgjasin edhe jetën nëse nuk e shqyrtojnë mirë e drejtë pozicionin dhe mandatin
e tyre.
Ky far misioni ndërkombëtar me emrin EULEKS, po na prek në
histori, po na prek luftën e lavdishme çlirimtare, po na i prek celulat e para
të UCK-së, këta far tipash “kaubojxhi”, po mundohet ta denigrojë luftën heroike
të popullit shqiptar, luftë të cilën e bënë bijtë dhe bijat më të mira të
kombit shqiptar.
EULEKS-i nuk është gjë tjetër veçse një armë në duart e
Qeverisë serbe, por ama duhet ta dijë edhe EULEKS-i edhe mbarë Evropa se, “kush
thërret erën korr furtunën”.
Këta farë Euleksoviqet që po i kryejnë porositë e
Beogradit, katërmbëdhjetë vjet pas çlirimit nuk po ndalojnë t’ua marrin lirinë
e çlirimtarëve. Nuk po ndalojnë punën sipas diktatit serb për përndjekjen e çlirimtarëve
në forma të ndryshme, ndërkohë që nga Serbia nuk po kthehen as mbetjet mortore
të bijve dhe bijave të Kosovës.
EULEKS-i po e mban varur edhe lirinë e Kosovës, po e bën bekimin e enklavizimit të Kosovës si dhe me bekimin e tyre vazhdon të jetë e ndarë edhe Mitrovica.
Këta far tipash “kaubojxhi”, nuk është dashur të prekin
aty ku nuk preket! Kjo stuhi “gjah” i tyre mbi çlirimtarët është turpi më i
madh i një misioni ndërkombëtar që ka qenë, e nuk është më, i mirëpritur në
vendin tonë.
EULEKS-i nëse vazhdon kështu, me diktate serbe e me argatët
e dreqit si salustroviqët, dikmartoviqët e karladelpontoviqet, do ta
destabilizojnë situatën dhe do të kthehen kokulur e me turp prej nga kanë
ardhur, sepse popullit po i afrohet fundi i durimit.
Populli i ka dashur dhe vazhdon t’i nderojë e respektojë çlirimtarët.
Ata ishin shpresa dhe fati i tyre, ishin dhe janë bijtë e bijat e tyre që
luftuan për liri e çlirim të atdheut.
Çlirimtarët mund
t’i arrestoni, mund t’i burgosni e mund t’i akuzoni ata sepse ua kemi besuar
mandatin ekzekutiv, por ata do të dalin të pafajshëm, sepse janë të pafajshëm.
Do të jenë të lirë sepse luftuan për
liri. EULEKS-i me ndihmën e Salustroviqit mund të fabrikojë dëshmi e dëshmitarë
të rrejshëm sa të dojë, mund t’i paguajë që të flasin kundër komandantëve,
ushtarëve dhe luftës çlirimtare, por nuk duhet harruar se gënjeshtrat nuk
zgjasin, populli thotë: “Rrena i ka këmbët e shkurta” dhe kryesorja është se
populli shqiptar dinë dhe donë t’i mbrojë heronjtë e vet dhe nuk do të lejojë që
të nëpërkëmbët lufta e drejtë dhe e lavdishme e UÇK-së nga turli turli prokurorësh
që vijnë të na sjellin “drejtësi” në vendin tonë.
Dikush që është i verbër mendërisht, ndoshta mund t’i gëzohet
kësaj situate, por nuk duhet harruar se e ka gabim, sepse sikur të ishin vrarë
këta çlirimtarë në luftë, sot do të thurnim lloj-lloj epitetesh, këngë e
lëvdata. Ata po akuzohen si kriminel lufte e jo si keqqeverisës pas lufte!
Sepse për këtë të fundit as që di e as që dua ta di! E di dhe jam i sigurt se
janë dhe do të mbeten çlirimtarët e kësaj toke.
Populli e dinë mirë se Evropën nuk e zë malli për ne,
sepse është po ajo që na ndau në pesë shtete. Ajo nuk do të mund ta ndalojë
bashkimin e kombit shqiptar. Historia do ta bëj të vetën. Zoti është me në.
EULEKS-it - PËR FUND TË FUNDIT
Gjatë kohës së luftës, është e vërtet se ka pasur: keqtrajtime,
dëbime, burgosje, luftë , krime, masakra e deri edhe dhunime, por duhet gjetur keqbërësit,
duhet kërkuar kriminelët e vërtet, e ata nuk është vështir me i gjetur sepse
faktet i keni para hundëve. Ne u kemi afruar fakte me bollëk, duke filluar nga
ato dokumentare ekskluzive në mediat vizive e deri të ato që i keni dhe i
lexoni çdo ditë nëpër faqe të internetit nga vet kriminelët serb, sepse ata,
duke menduar se do ta shfarosin popullin shqiptar e duke konsideruar veten si
heronj të Serbisë kanë lënë adresa e fakte të ndryshme nëpër Kosovë për të bëmat
e tyre këtu. Lanë edhe fotografi të masakrimeve e përdhunimeve. Mjafton të
kërkohen këto fakte. Ata, vetë nuk i mohojnë këto, madje nëpër faqe të ndryshme
të rrjeteve sociale krenohen aq shumë dhe betohen se do të kthehen prapë në Kosovë
për ta zhduk emrin shqiptar nga faqja e dheut.
EULEKS, fakte për krimet në Kosovë ke sa të duash.
Mos u merrni me punë të kota. Leni marrëzirat. Leni çlirimtarët
të lirë.
Mos e prekni luftën e lavdishme çlirimtare sepse këtu
jeni për drejtësi e jo për gjëra të kota siç po i bëni tash e sa vite.
Ndaloni lojërat me çlirimtarët.
Mos u mundoni të shkoni përtej Gjykatës Ndërkombëtare të
Hagës.
EULEKS, mos të qofshim falë.
Populli i njeh, i donë dhe do t’i mbrojë luftëtarët e
lirisë.
