Ka përfunduar mbrëmjen e së dielës, procesi zgjedhor në Kosovë, i pari gjithëpërfshirës në vend, prej shpalljes si shtet i pavarur. Komisioni Qëndror i Zgjedhjeve në Kosovë pritet të bëjë publike të hënën rezultatet paraprake të zgjedhjeve vendore të 3 nëntorit. Kryetarja e KQZ-së në Kosovë, Valdete Daka ka thënë se rezultatet paraprake do të bëhen kur komisioni do të ketë më shumë të dhëna, pasi ato mungojnë në disa komuna, ndërkohë që në disa të tjera po vazhdon procesi i numërimit. Një nga arsyet për këtë shtyrje, ajo ka përmendur edhe rezultatin e ngushtë që kanë disa nga kandidat që synojnë balotazhin, prandaj, sipas Dakës, KQZ, nuk dëshiron të krijojë konfuzionin në publik. Nga rezultatet paraprake mesohet se në këto zgjedhje lokale, në Prishtinë, ku bëhet edhe \"lufta\" më e madhe, kryetari i saj aktual, Isa Mustafa i cili përfaqëson Lidhjen Demokratike të Kosovës, kryeson me 43.6 % të votave, i ndjekur nga Shpend Ahmeti i Lëvizjes Vetëvendosje, me 31 %. Kandidati i PDK-së, Agim Çeku, ka arritur të grumbullojë 11.4 %, pasuar nga kandidati i AKR-së, Korab Sejdiu, me 5.7 %, kandidati i AAK-së, Besnik Tahiri, me 4.5 % dhe Visar Arifaj i Partisë së Fortë, me 1.4 %. Megjithëse me rezultatin 1.4%, Partia e Fortë, ishte e para që shpalli fitoren në Prishtinë vetëm një orë pas mbylljes së votimeve.
No comments:
Post a Comment