OBSH paralajmëron: Koronavirusi nuk do zhduket, do të ketë shpërthime herë pas here

I dërguari special i Organizatës Botërore të Shëndetësisë, David Nabarro është shprehur se koronavirusi nuk do të ikë dhe do të persekutoi njerëzimin për shumë kohë.

Në një intervistë për BBC, ai është shprehur se koronavirusi nuk do të zhduket vërtet derisa të krijohet një vaksinë.

‘Ende nuk dimë se sa imunë mund të jenë edhe personat që e kanë kaluar njëherë COVID-19. Kjo do të thotë që elementët mbrojtës si maskat do të jenë pjesë e jetës sonë për një kohë të gjatë’, tha zyrtari i lartë i OBSH-së.


Më tej, Nabarro shtoi se ‘do të ketë shpërthime të vogla që do të dalin herë pas here. Çelësi për këtë virus është që çdo komunitet të veprojë si një mburojë, të mbledhë rastet sa herë që dalin në pah dhe t’i izolojë, duke frenuar përhapjen’