Nuk është gjuha shqipe provim mature?

Specialistët japin alarmin: Gjuha shqipe, provim i detyruar në Maturën Shtetërore, ndryshe degradimi i saj është i pashmangshëm!

Sipas këtyre ekspertëve, marrja e njohurive të duhura që në bankat e shkollës së mesme shihet si mundësia më e mirë për të shmangur problematikën e rënduar që shfaqet në drejtshkrimin e gjuhës shqipe nga të rinjtë, por edhe në radhët e punonjësve të administratës, ku në shumë prej shkresave të bëra prej tyre janë konstatuar gabime.

Universiteti i Tiranës ishte i pari institucion i arsimit të lartë që përfshiu në kurrikulat mësimore (ndonëse si fakultative ) edhe lëndën e gjuhës. Por interesi qe i pakët, gjë që u reflektua në faktin se në 8 fakultetet e UT-së, ishte vetëm një numër i vogël studentësh që u regjistrua në ndjekjen e kësaj lënde. Madje ka pasur fakultete ku nuk është krijuar dot as edhe një grup mësimor. Meqense se kjo rrugë nuk rezultoi efikase, duhet patjetër që gjuha të futet në shkollën e mesme si lëndë e veçantë, madje edhe prioritare, siç është në shumë vende të botës, thonë specialistët. Një ndër ta,studiuesi Shezai Rrokaj thekson se ndërhyrja duhet realizuar sa më shpejt për të mos lejuar më tej denigrimin e gjuhës shqipe.

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)