Policia e Kosovës ka kryer bastisje në shtëpinë e Avdullah Ramës, ndryshe i njohur si “Komandant Dulla”.

Për “Grupin e Kumanovës”, bastiset Komandant Dulla (Video)
Policia e Kosovës ka kryer bastisje në shtëpinë e Avdullah Ramës, për të cilin dyshohet se ka lidhje me zhvillimet e fundit në Kumanovë.
Pas përfundimit të kontrollimit të shtëpisë, Policia kishte marrë në stacionin policor Ramën, ndryshe i njohur si “Komandant Dulla”.
Ai u shoqërua nga forcat e rendit me dyshimin se ishte i përfshirë në incidentin e Kumanovës.
Sot nuk ishte hera e parë që Rama ishte paraqitur në Polici për t’u marrë në pyetje për rastin e Kumanovës. Mirëpo, pak orë pasi kishte shkuar në stacionin policor, Komandant Dulla është kthyer në shtëpi.
Gazetarja Fillojeta Konjuhi ka arritur të kontaktojë atë në shtëpinë e tij. Ai ka deklaruar se nuk ka gisht në rastin e Kumanovës, por se është i zëshëm në mbrojtjen e shqiptarëve të atjeshëm.
Sipas komandantit, arrestimi i tij kishte të bënte me çështje politike.

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)