Policia e Kosovës ka ndërmarrë sot një aksion të gjerë në të gjithë Kosovën lidhur me rastin e pjesëmarrësve nga Kosova në konfliktin e Kumanovës.
Se po zhvillohet një aksion i policisë e ka konfirmuar edhe zëdhënësi Baki Kelani, po pa precizuar se për çfarë bëhet fjalë.
Ai për KosovaPress thotë se aksioni i sotëm policorë është duke u realizuar në disa rajone të Kosovës.
“Policia e Kosovës e konfirmon realizimin e një operacioni policorë i cili është realizuar në disa rajone të Kosovës”, tha shkurt Kelani për KosovaPress duke treguar se më vonë policia do të dalë me komunikatë për media.
