ERION BRAÇE I CILËSON TË TMERRSHME ARRESTIMET E SOTME(RTK)
Deputeti Erion Brace ka reaguar ndaj ngjarjeve të sotme në Kosovë duke i cilësuar si pamje të tmerrshme ato para selisë së VV-së në Prishtinë.
Reagimi i plotë i Erjon Braçes:
"PAMJE TE TMERRSHME KETO QE PO SHOH PARA SELISE SE VETVENDOSJES NE PRISHTINE!!
Kur policia hyn brenda selise se nje Partie ky natyrisht qe eshte fundi!!
Nuk do te bie darkord ndonjehere
me ato qe kane ndodhur brenda ne Kuvendin e Kosoves.
Nuk i pranoj dhe as mendoj se jane zgjidhje per problemet politike e shteterore atje.
Por,NUK DO TE PRANOJ KURRE QE POLICIA TE MARRE NJE PARTI,
TE ARRESTOJE NE SERI DJEM E VAJZA TE NJE PARTIE PER POLITIKE!
NUK DO TE PRANOJ KURRE QE TE ARRESTOHET NJE DEPUTET QE NUK VJEDH, NUK KORRUPTOHET, NUK VRET!
Kujtoja se koha kur politikanet apo cilido tjeter per bindjet e tij dergohet ne burg, kish marre fund.
Por jo,paska kohe ende, eshte koha e Prishtines."
Sokol Havolli, këshilltar i Kryeministrit dhe deputeti kontrovers nga Shqipëria, Erion Braçe, kanë filluar një polemikë ndërmjet vete, lidhur me zhvillimet e 28 Nëntorit në Prishtinë.
Fillimisht, Erion Braçe, ka reaguar, duke thënë se kujtonte që “koha kur politikanët apo cilido tjetër për bindjet e tij dërgohet në burg, kish marrë fund”.
Kjo ka nxitur reagimin e Havollit, i cili ka thënë se përdorimi i armëve në Kuvend nuk është bindje politike, por rrezikim i shëndetit të deputetëve, duke i bërë thirrje Braçes që të mos inkurajojë kriminalizimin e Kuvendit të Kosovës, por të merret me dekriminalizmin e Kuvendit të Shqipërisë, proces që po ndodhë aktualisht.
Më pas Erion Braçe, i ka shkruar një mesazh privat Havollit, duke e sulmuar lidhur me mënyrën e shkrimit dhe duke thënë se nuk e kuptonte mesazhin dhe një varg ligjëratash tjera. I menjëhershëm ka qenë reagimi i Sokol Havollit, i cili i ka publikuar shkrimin e Braçes si dhe i ka reaguar, duke i thënë se të gjithë e dinë se çfarë përfaqëson ai në Shqipëri dhe në Partinë Socialiste.
Reagimi i fundit i Sokol Havollit
Njeri i vogël: Sa për faktin që nuk e kupton as gjuhën shqipe, më vjen shumë keq, sepse së paku në aspektin intelektual, kam menduar se jeni më i ngritur. Ndërkaq, të ju them të drejtën, vura re probleme të theksuara në semantikën tuaj. Unë qartë e kuptova kundërshtimin tuaj për veprimet e opozitës në Kuvendin e Kosovës. Por, zotëri i madh Braçe, ato veprime, përdorimi i armëve brenda Kuvendit të Kosovës, e jashtë Kuvendit nga persona të paautorizuar, janë vepra penale. Kryerësit e veprave penale, kudo, ndiqen nga organet e pavarura: prokuroria, policia e gjyqësori.
Nuk ka politikë këtu. Sa për dakordësinë tuaj, unë e kam parasysh që ju mund të bini dakord vetëm me të tillët që i keni mbrojtur, sepse ju bashkon ideologjia. Sa për punë padronësh, ndoshta ju jeni vërtetë kompetent të flisni për shkak të përvojës në këtë drejtim. Se cilët janë idhujt e mi, vetëm një gjë ta garantoj: nuk i kemi të njëjtit! Dhe unë jam shumë krenar për këtë. Se për çfarë ju akuzojnë në “vendin tuaj”, e dini ju, dhe mua fare nuk me hyn në punë. Mirëpo, unë, si ndjekës i rregullt i zhvillimeve politike në Shqipëri, jam mirë i informuar se çfarë ju personalisht përfaqësoni në politikën shqiptare dhe në Partinë Socialiste. Sa për vitet e shërbimit – për kë e për ku, çfarë të ju them, përveç promovimit të përzemërt që i keni bërë ngritjes së tre gishtërinjve në vitin 1997.
Lidhur me shkrimin tuaj, që ma keni ridërguar, më duhet të ju them se në këtë tekst ke dhjetëra gabime drejtshkrimore e logjike, për çudi, kur dihet se keni punuar në një gazetë me “traditë të gjatë” në Shqipëri. Për fund, tërë këto që janë shkruar këtu do t’i publikoj, sepse unë nuk fshihem pas tastierës, sepse nuk kam nevojë të fsheh asgjë.
--------------------------------------------------------------------------------------------
Mesazhi Privat i Erion Braçes:
Djalë i vogël; Nuk po te pyes a di te lexosh shqip; lexoj radhët qe ke shkruar dhe nuk kuptoj asgjë, po fare!! Nëse di te lexosh, ne paragrafin e trete te asaj qe kam shkruar, është shume e qarte se unë as bie dakord e as pranoj ato qe kane ndodhur ne Kuvendin e Kosovës. Lexoje, kuptoje dhe qetësohu. Ne ane tjetër, harroje ti se për te thënë atë që mendoj, do të marr leje ty, padronit tënd dhe kujtdo tjetër. Vendi im ka kohë që është i lirë dhe, nuk merret kërkund lejë për të thënë atë që mendon, ndaj mendoje ndryshe, nuk është punë zyre, nuk ka shef që të urdhëron mendimin.
E fundit, të thashë më lart që nuk arrij të kuptoj çke shkruar, por nuk e kuptoj hiç këtë paragrafin me Dekriminalizim apo edhe këtë tjetrin me "fat të keq" e mos më të keq. Por një gjë po ta them dhe ty dhe mbase e kupton, njësoj siç ja kam thënë këtu këtij idhullit tënd në vendin tim, Sali Berishes:
Nuk ka njeri të gjallë këtu, aty tek ty jo e jo, të më akuzojë mua për një shkelje ligji, për një qindarkë borxh, për një qindarkë të vjedhur, për një metër katror pasuri të paligjshme e të pa justifikuar!! ASNJË!! Përpiqu pak më shumë se ku i dihet, mëson më shumë. Pikërisht se është kështu, kam prej vitit 1996-të, vit kur idhulli yt Sali dhunoi, vodhi, vrau e preu ne këto anë, QË MË VOTOJNË NJERËZIT!! I numëron dot? Numëroi njëherë! Janë vite pune për njerëzit dhe shërbim për ta, jo vite shërbimi ndaj Serbisë, në Partinë e Serbisë apo për Kriminalizimin apo Dekriminalizimin. Kuptove? Vo: që të mos gënjesh herë tjetër kur shkruan, më poshtë ke postimin tim.
PAMJE TË TMERRSHME KËTO QË PO SHOH PARA SELISË SË VETËVENDOSJES NË PRISHTINË!! Kur policia hyn brenda selisë së një Partie ky natyrisht që është fundi!! Nuk do te bie darkord ndonjëherë me ato që kanë ndodhur brenda në Kuvendin e Kosovës. Nuk i pranoj dhe as mendoj se janë zgjidhje për problemet politike e shtetërore atje.
Por, NUK DO TË PRANOJ KURRË QË POLICIA TË MARRË NJË PARTI, TË ARRESTOJË NË SERI DJEM E VAJZA TË NJË PARTIE PËR POLITIKË! NUK DO TË PRANOJ KURRË QË TË ARRESTOHET NJË DEPUTET QË NUK VJEDH, NUK KORRUPTOHET, NUK VRET! Kujtoja se koha kur politikanet apo cilido tjetër për bindjet e tij dërgohet në burg, kish marrë fund. Por jo, paska kohë ende, është koha e Prishtinës.
*******
Endrra e deputetit Erjon Braçe:
Erjon Braçe ka parë një ëndërr dhe është habitur aq shumë saqë ja ka rrëfyer edhe miqve të tij në Facebook.
Siç rrëfen ngjarjen e ëndërruar deputeti socialist, kryetari i Bashkisë së Kavajës, Elvis Roshi, kryetari i socialistëve të rrethit, krerët e komunave që drejtojnë socialistët në Kavajë, mbështetur nga socialistë të tjerë e populli në tërësi, kishin dalë në rrugën kombëtare Plepa-Rrogozhinë e po protestonin mbi një rrugë që ka 4 vjet plot që ka nisur e që nuk përfundon.
Një rrugë ku nuk punohet e ku kompanitë e kontraktuara – vazhdon ëndrrën Braçe – kanë lidhje politike me pushtetin, deri te “Berisha i Madh”, siç e quan ai, e te Ministria e Transportit.
Dhe gjithmonë në ëndërr, njerëzit që kalojnë çdo ditë mbi këtë rrugë duke sharë e mallkuar, i ishin bashkuar “udhëheqësve socialistë” e po protestonin të bashkuar.
Por më pas Braçe ishte zgjuar dhe e kishte kuptuar që bëhej fjalë për Bashkimin që lexonte shtypin e ditës, i cili informonte mbi sherrin në mbledhjen e Asamblesë socialiste të Rrethit të Kavajës, ku debati ka kaluar në sharje dhe konfrontim fizik mes kryetarit të Bashkisë Elvis Roshi dhe kreut të PS-së së rrethit Xhavit Halili.
------------
(Endrra e publikuar ne facebook)
Nuk dimë të themi nëse ëndrrat me protesta paralajmërojnë shqetësime apo jo, por varet shumë nga ora në të cilën ka ëndërruar numri dy i Grupit parlamentar të Socialistëve. Sepse, thonë gjyshet, ato ëndrrat e orëve të mëngjesit nuk para realizohen.
*******
Gazetarja publikon mesazhin:
Ja çfarë më shkruan Erion Braçe
Klara Çaushi, një gazetare e gazetës Telegraf në Shqipëri, ka pasur një përplasje me kreun e Komisionit të Ekonomisë, deputetin Erion Braçe.
Ajo ka vendosur të bëjë publik mesazhin që i ka dërguar ai dhe përgjigjen e saj.
