Subjekti që drejtoi AKSH-në aplikon për certifikim në KQZ


Subjekti që drejtoi AKSH-në aplikon për certifikim në KQZ
Viti 2013 do të jetë vit zgjedhjesh në Kosovë. Garës për vota mund t’i hyjë edhe një subjekt i ri politik, që ka drejtuar një organizatë të shpallur nga ndërkombëtarët si “terroriste”.
Fronti Demokratik i Bashkimit Kombëtar është subjekti më i ri politik që ka aplikuar në KQZ për certifikim. Listën me emra të Kryesisë dhe anëtarëve, së bashku me planprogramin dhe statutin ia kanë bashkëngjitur kërkesës për certifikim. Mëtojnë “bashkimin e Kosovës me Shqipërinë londineze, Iliridën dhe trojet e tjera” në një shtet shqiptar. Këtë, si kanë thënë në program, do ta bëjnë me mjete demokratike e jo me dhunë, siç synonin deri para pak vjetësh.
Udhëheqës i këtij subjekti për Shqipëri është Gafurr Adili, udhëheqës politik i AKSH-së, e për Kosovë është Hysni Elshani. Adili prej kohësh është konsideruar si njeri që nuk ka zgjedhur mjetet për arritjen e qëllimeve.
Hysni Elshani thotë se e kaluara nuk mund të jetë pengesë për certifikimin e asaj që e quan parti politike. Pengesë nuk e konsideron as AKSH-në, e cila ishte shpallur organizatë terroriste, raporton koha.
Hysni Elshani ka thënë se Fronti Demokratik i Bashkimit Kombëtar në 2008-n ka kaluar prej strukturave politiko-ushtarake në politikë drejtpërsëdrejti dhe ka larguar AKSH-në. Kjo ka ndodhur, sipas tij, me bindjen se me shpalljen e pavarësisë së Kosovës më 17 shkurt 2008, Kosova dhe Shqipëria nuk kanë pasur më nevojë për AKSH-në.

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)