Kryedemokrati Lulzim Basha thotë se mbulimi i Shqipërisë me drogë nuk është rastësi, por siç tha ai është pakti i Edi Ramës me krimin, për blerje votash.
Duke folur ditën e sotme në konventën e Partisë Agrare Ambientaliste, ai deklaroi se banditët në politikë i kthejnë partitë në banda.
Për kreun e demokratëve, është pakti i Edi Ramës me krimin në mënyrë që ditën e zgjedhjeve me para, kërcënime, presione dhe shantazhe të tjetërsojë vullnetin e zgjedhësve.
“Do luftojmë që t’u heqim pushtetin bandave. Ne jemi e do jemi shpresa e ndryshimit. Edi Rama e ka shkelur kontratën me shqiptarët duke mos mbajtur asnjë premtim. Aleanca jonë është e hapur dhe jemi të gatshëm të mirëpresim çdo forcë politike dhe të përfaqësojmë çdo shqiptar që qëndron dhe lufton për këto vlera. Ndarja me krimin është një urgjencë kombëtare, një thirrje mbi formacionet tona politike. Është një thirrje e shoqërisë, e Shqipërisë që kemi për detyrë t’i përgjigjemi”, u shpreh Basha.
No comments:
Post a Comment