Flori Bruqi : Numri i personave të vdekur në disa shtete në botë nga COVID-19

Komisioni Kombëtar i Shëndetit dje deklaroi se një ditë më parë për herë të parë që nga janari kur filloi numërimi i rasteve me COVID-19 në vend nuk u shënuan vdekje të reja nga koronavirusi i ri.

Ka tejkaluar shifrën prej 330 mijë numri i personave në të gjithë botën të cilët janë shëruar nga koronavirusi i ri (COVID-19).

Të pastrehët, të cilët vazhdojnë të jetojnë nëpër rrugë dhe strehimore në New York, qendra e koronavirusit të ri (COVID-19) në SHBA, janë grupi më i prekur nga pandemia, ndërkohë që edhe drejtuesit e qytetit kritikohen për mosmarrjen e masave lidhur me çështjen.

Numri më i madh i të pastrehëve në SHBA ndodhet në New York i cili është metropoli më i madh i vendit dhe një prej qyteteve më të pasur në botë.

Sipas të dhënave nga Zyra për shërbimet e të pastrehëve në New York, në qytetin me një popullsi prej më shumë se 8 milionë banorë jetojnë mbi 70 mijë të pastrehë.

Edhe pse rrugët më të frekuentuara dhe stacionet e metrove në New York janë mbuluar nga një heshtje, të pastrehët vazhdojnë të lëvizin nëpër rrugë dhe të flenë ende nëpër stacionet e metrove dhe trenave.

Michael Fischer, kryetari i organizatës së shoqërisë civile "Central Park Civic Association", duke folur për Anadolu Agency (AA) kritikoi drejtuesit, zyrtarët e qytetit me arsyetimin se nuk kanë marrë masa të mjaftueshme lidhur me të pastrehët.

- "Të pastrehët nuk kanë qenë prioritet"

"Bashkia e New Yorkut ka marrë me qira 700 dhoma hoteli për të izoluar të pastrehët e prekur me virusin, por kjo masë është e pamjaftueshme dhe është marrë shumë vonë", deklaroi Fischer i cili tha se "Fatkeqësisht të pastrehët nuk kanë qenë një prej prioriteteve në New York".

Fischer pretendon se në qytet kitet e testeve janë të pamjaftueshëm, se nuk kontrollohen mjaftueshëm strehimoret ku qëndrojnë të pastrehët dhe se të pastrehët nuk merren në konsideratë dhe se atyre nuk u kryhen testime.

Ai ka tërhequr vëmendjen se koronavirusi vërehet në New York prej rreth dy muajsh, ndërkohë që sistemi imunitar i të pastrehëve është i dobët dhe kanë probabilitet të lartë për t'u prekur nga virusi.

"Shumë të pastrehë flenë ende nëpër metro. Sikur të kolliten, të teshtinë do të përhapin virusin nëpër metro. Edhe të tjerët mund t‘i infektojnë ata. Edhe më e keqja është se në metrotë ku flenë të pastrehët hipin punonjësit e shëndetësisë dhe korrierët. Këto njerëz që ne duhet t'i mbrojmë janë përballë rrezikut", tha Fischer.

Zyrtarët e zyrës për shërbimet e të pastrehëve në New York, që janë kontaktuar nga gazetari i AA-së, kanë lënë pa përgjigje pyetjet lidhur me atë se sa të pastrehë janë të infektuar në qytet dhe se sa prej tyre kanë humbur jetën për shkak të virusit.

Sipas lajmeve në shtypin lokal mësohet se COVID-19 është regjistruar tek 244 persona që jetojnë në strehimore, tek 13 persona që jetojnë rrugëve, ndërsa 13 të pastrehë kanë vdekur nga koronavirusi.

Në New York ku për shkak të COVID-19 kanë vdekur mbi 6.000 njerëz numri i rasteve ka tejkaluar shifrën 150 mijë.

Sipas të dhënave nga Universiteti "Johns Hopkins" në SHBA, me COVID-19 janë prekur 432.132 njerëz ndërsa kanë humbur jetën 14.817 të tjerë

Gazeta amerikane "New York Times" në një hulumtim pretendon se koronavirusi i ri (COVID-19) është përhapur në New York nga Evropa dhe jo nga Azia.

Në artikullin që ndodhet në faqen e internetit të "New York Times", thuhet se grupe të ndryshme në testimin e genomeve të koronavirusit të marra nga qytetarët e New Yorkut, pretendojnë se virusi ka qenë i pranishëm në rajonin e New Yorkut që në mesin e muajit shkurt javë më parë nga konfirmimi i parë i koronavirusit dhe se virusi është përhapur në rajon nga vizitorët evropianë dhe jo nga Azia.

Sipas artikullit, shkencëtari Harm van Bakel i cili kryen studime laboratorike në Universitetin e mjekësisë "Mounth Sinai Icahn", si rezultat i punimeve që ka zhvilluar me ekipin e tij, ka përcaktuar se epidemia e COVID-19 është e qartë se "është kryesisht evropian".

Gjithashtu në gazetë theksohet se edhe në një studim tjetër i kryer nga Fakulteti i Mjekësisë në Universitetin "Grossman New York", dolën rezultate të njëjta pavarësisht se punimet janë kryer mbi një grup tjetër të rasteve.

Në hulumtime pretendohet se koronavirusi është përhapur fshehurazi përpara përcaktimit të tij dhe në rastin e zbatimit të një programi të rreptë testimi kjo mund të përcaktohet shumë më parë.

SHBA tejkaloi Spanjën të enjten herët duke u radhitur e dyta në botë për nga numri i vdekjeve nga koronavirusi i ri (COVID-19), sipas Universitetit Johns Hopkins.

Numri i vdekjeve, sipas Universitetit, ka arritur në 14,817 dhe 432.132 raste të konfirmuara, ndërsa vendi po lufton për parandalimin e përhapjes së virusit. Në total 23 906 njerëz janë shëruar nga sëmundja.

Që nga fillimi i ditës së enjte, Spanja kishte 14.792 vdekje, sipas të dhënave.

Italia mbetet vendi me numrin më të madh të vekjeve në botë me 17.669.

Pjesa më e madhe e vdekjeve të lidhura me virusin në SHBA ndodhën dy ditë pasi Presidenti Donald Trump paralajmëroi se kjo javë do të ishte "shumë e dhimbshme" për vendin për viktima të lidhura me koronavirusin.

Krye-kirurgu amerikan Jerome Adams paralajmëroi gjithashtu se kjo do të jetë një javë shumë e vështirë për vendin.

"Kjo do të jetë java më e vështirë dhe më e trishtueshme për jetët e shumicës së amerikanëve. Për ne kjo do të jetë momenti Pearl Harbour dhe momenti i 11 shtatorit, vetëm se nuk do të jetë i lokalizuar, por do të ndodhë në të gjithë vendin", tha ai për "Fox News" të dielën.

New York është shteti më i goditur nga pandemia me më shumë se 6.200 vdekje.

SHBA është kthyer në vendin me numrin më të madhë të rasteve të konfirmuara me koronavirus në botë, i ndjekur nga Spanja, Italia dhe Gjermania.

Virusi për herë të parë u shfaq dhjetorin e kaluar në qytetin kinez Wuhan, dhe është përhapur në të paktën 184 vende dhe rajone.

Numri i rasteve të konfirmuara globalisht ka tejkaluar 1.5 milion dhe më shumë se 88.500 të vdekur, sipas Universitetit Johns Hopkins. Gati 330,000 janë shëruar.

Kosova ka raportuar edhe për 14 raste të reja të diagnostikuar pozitiv me koronavirusin e ri (COVID-19), ku numri i përgjithshëm i të infektuarve ka shkuar në 224, ndër të cilët 37 janë shëruar dhe 6 kanë vdekur.

Instituti Kombëtar i Shëndetësisë Publike në Kosovë (IKSHPK), ka njoftuar se në numrin e përgjithshëm të të infektuarve në Kosovë tani përfshihen të gjitha komunat e Republikës së Kosovës.

Siç bën të ditur IKSHPK, më 8 prill në Laboratorin e Mikrobiologjisë Molekulare në IKSHPK janë testuar gjithsej 218 mostra ku 14 prej tyre kanë rezultuar pozitive me koronavirus.

“Rastet pozitive të sotme janë raste kontakti, 4 prej tyre me vendbanim në Smrekonicë-Vushtrri, 2 me vendbanim në Banjë- Malishevë, 2 me vendbanim në Prishtinë, 2 me vendbanim në Mitrovicë të Veriut dhe me nga 1 rast vendbanimet Bllacë-Suharekë, Gjurgjevik-Klinë, Krojmir-Lipjan dhe Zveçan”, njofton IKSHPK.

Sipas këtij instituti nga data 8 shkurt e këtij viti deri më 8 prill në në Laboratorin e Mikrobiologjisë Molekulare janë testuar gjithsej 2.570 mostra dhe prej tyre rezultojnë gjithsej 224 raste pozitive me 6 raste të vdekjes të cilët kanë pasur sëmundje të tjera shoqëruese dhe 37 të shëruar.

Gjithashtu instituti ka njoftuar se vetëm dje janë shëruar 7 pacientë, të cilët kanë çuar në 37 numrin e përgjithshëm të të shëruarve në vend.

Nga komunat më të prekura me virusin COVID-19, e para në Kosovë radhitet Komuna e Malishevës me 66 raste, Komuna e Prishtinës me 25 raste, Vushtrria me 21 raste. Ndërsa nga komunat me shumicë serbe komuna më e prekur është ajo e Mitrovicës së Veriut me 20 raste të diagnostikuara me koronavirus.

Në IKSHPK gjatë 24 orëve janë duke u kontaktuar dhe mbikëqyrë të gjitha kontaktet e rasteve, ku deri më sot janë kontaktuar dhe janë nën mbikëqyrje 3.882 kontakte të rasteve.

Në 24 orët e fundit në Serbi kanë vdekur katër persona të tjerë si rezultat i koronavirusit të ri (COVID-19) dhe janë regjistruar 219 raste të reja, duke e çuar numrin e përgjithshëm të të prekurve në 2.666.

Që nga raporti i fundit, deri në ora 15:00, janë testuar mostrat e 1.135 personave, nga të cilët 219 kanë rezultuar pozitivë.

Në spitale janë shtruar 1.705 pacientë, ndërsa gjithsej 112 pacientë janë në respiratorë.

Në 24 orët e fundit, kanë vdekur edhe katër persona, duke e çuar numrin e vdekjeve në 65.

Të vdekurit e ditës së djeshme ishin të moshës mesatare 62 vjeç dhe ishin me disa sëmundje të tjera të shoqëruara.

Deri më tani, në Serbi janë testuar gjithsej 10.761 persona të cilët kanë plotësuar kriteret e përcaktimit të rastit.

Sipas të dhënave të faqes së internetit "Worldometer", e cila përpilon të dhënat në lidhje me rastet dhe vdekjet e shënuara nga COVID-19, 330.203 persona në botë kanë arritur ta mposhtin këtë sëmundje.

Kina me 77.279 njerëz është radhitur si vendi i parë me numin më të madh të personave të sëmurë që janë shëruar. Ajo ndiqet nga Spanja me 48.021, Gjermania me 46.300, Irani me 29.812, Italia 26.491, SHBA-ja 22.828 dhe Franca me 21.254 persona të shëruar.

Pasi u shfaq për herë të parë dhjetorin e kaluar në Wuhan të Kinës, koronavirusi u shndërrua në pandemi duke u përhapur në mbarë botën. Numri i të vdekurve nga ky virus ka arritur në 88.450 ndërsa numri i të infektuarve në mbi 1.5 milionë. Ndërkohë presin të shërohen edhe 1.099.078 raste të tjera të infektuara që ndodhen ende në trajtim.

Ministria e Shëndetësisë së Maqedonisë së Veriut ka informuar se në 24 orët e fundit kanë humbur jetën 4 persona nga koronavirusi i ri (COVID-19), duke e çuar numrin e viktimave në 30.

Në kumtesën e ministrisë thuhet se një pacient 73-vjeçar ka ndërruar jetë në Klinikën e Sëmundjeve Infektive në Shkup dhe një tjetër person 44-vjeçar është gjetur i vdekur në Kavadar ndërsa në mostrën e marrë pas vdekjes, ai ka rezultuar pozitiv në COVID-19.

Në statistikën e sotme të ministrisë është regjistruar edhe një rasti i vdekjes së një pacienti, i cili mbrëmë ndërroi jetë rrugës për tek spitali "8 Shtatori".

Në një kumtesë të veçantë të dërguar së fundmi, Ministria e Shëndetësisë ka informuar se ka humbur jetën edhe një paciente 27-vjeçare nga Kumanova. Ajo më 30 mars në Klinikën e Gjinekologjisë në Shkup lindi një foshnje mashkull, i cili është negativ në COVID-19.

Më 31 mars, pacientja u transferua në Klinikën e Sëmundjeve Infektive për shkak të përkeqësimit të gjendjes shëndetësore dhe frymëmarrjes së rënduar.

Nga ministria informojnë se në 24 orët e fundit janë regjistruar 18 raste të reja me koronavirus. Prej tyre, 7 janë në Shkup, 4 në Prilep, nga dy në Kumanovë dhe Manastir ndërsa nga një rast është regjistruar në Kavadar, Krushevë dhe Koçani.

Me rastet e reja, numri i përgjithshëm i të infektuarve në vend arrin në 617, prej të cilëve 35 janë shëruar.

Shkupi është qyteti me numrin më të madh të të infektuarve në vend, me gjithsej 261 raste, ndërsa vijojnë Kumanova me 130 dhe Dibra me 49, ndërsa teste pozitive në COVID-19 janë regjistruar në pothuajse të gjitha qytetet në vend.

Në kumtesën e ministrisë thuhet se në 24 orët e fundit janë realizuar 351 teste të koronavirusit ndërsa numri i përgjithshëm i testeve të bëra në vend është 6.230.

Nga sot, në Maqedoninë e Veriut hyjnë në fuqi masat e reja të kufizimit të lëvizjes së qytetarëve, duke kufizuar lëvizjen e lirë brenda javës nga ora 16:00 deri në orën 05:00 ndërsa ditëve të fundjavës duke filluar nga e premtja në orën 16:00 deri të hënën në orën 05:00.

Më 18 mars, presidenti i Maqedonisë së Veriut, Stevo Pendarovski shpalli gjendje të jashtëzakonshme në të gjithë vendin, me qëllim lehtësimin e luftës kundër përhapjes së koronavirusit.

Shtatë raste të reja me koronavirusin e ri(COVID-19) janë regjistruar në Mal të Zi.

Instituti i Shëndetit Publik i Malit të Zi tha se gjithsej 248 njerëz ishin të infektuar me koronavirus në vend.

"Nga paraqitja e djeshëm deri në mëngjes, u analizuan 175 mostra, shtatë prej të cilave ishin pozitive me koronavirusin e ri. Pesë pacientë të rinj janë nga Podgorica dhe një nga Nikshiçi dhe Tuzi. Të gjitha janë kontakte të rasteve të konfirmuara më parë", tha Instituti.

Ministria e Shëndetësisë dhe Mbrojtjes Sociale ka njoftuar se në Shqipëri numri i rasteve me koronavirusin e ri (COVID-19) është rritur në 409, me konfirmimin e 9 rasteve të reja.



Në njoftimin zyrtar ministria konfirmon se në 24 orët e fundit janë testuar 234 persona të dyshuar, prej të cilëve janë konfirmuar 9 raste të reja me COVID-19.

"Deri në këto momente janë testuar 3223 raste të dyshuara dhe prej tyre janë të konfirmuar pozitivë me COVID-19, 409 raste. Përqindja më e lartë e të prekurve janë meshkuj, me 53 për qind. Betejën me këtë sëmundje e kanë humbur deri tani 22 qytetarë. Gjatë 24 orëve të fundit, 11 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 165", thuhet në njoftim.

Ndërkohë, institucionet shëndetësore vazhdojnë punën në terren për identifikimin e rasteve të reja dhe gjurmimin e kontakteve të rasteve, të konfirmuara pozitive.

Kujtojmë se në Shqipëri është shpallur gjendja e fatkeqësisë natyrore, ndërsa masat janë shtyrë pa afat. Institucionet kanë marrë masa të shumta si mbyllja e institucioneve arsimore, ndalimi i hyrjeve me vendet fqinje për udhëtarët, pezullimi i fluturimeve me disa vende, pezullimi i transportit urban dhe i qarkullimit të automjeteve private dhe kufizimi i lëvizjes së qytetarëve.

Qendra për Mbrojtje Civile e Kroacisë ka njoftuar se deri më tani janë testuar 13.125 persona, nga të cilët 1,343 janë pozitiv, që do të thotë se në 24 orët e fundit janë zbuluar 61 pacientë të rinj me COVID-19.

Sipas të dhënave të fundit, numri i përgjithshëm i pacientëve është rritur për 61 persona dhe arrin në 1.343 përfshirë edhe 10 të moshuar që ishin të infektuar me koronavirus në një shtëpi pleqsh në Split.

Në spitale ndodhen 359 pacientë pozitiv ndaj COVID-19. Më tej thuhet se 179 persona janë shëruar, 12 më shumë se dje, ndërsa 789 persona janë duke u trajtuar në shtëpi.

Numri i rasteve të konfirmuara me koronavirusin e ri(COVID-19) në Izrael është rritur në 9.755, kurse numri i të vdekurve në 79, njoftoi Ministria e Shëndetësisë e vendit të enjten.

Ministria tha se 8 njerëz vdiqën dhe 351 të tjerë rezultuan pozitivë me COVID-19 gjatë 24 orëve të fundit.

Më tej theksohet se 171 nga afro 10,000 pacientë janë në gjendje kritike, ndërsa 864 janë shëruar deri më tani.

Izraeli aktualisht është në masa të rrepta deri të premten për festën e Pashkëve Hebraike.

Qeveria izraelite ka ndërmarrë disa masa për të ndaluar përhapjen e virusit, duke përfshirë mbylljen e të gjitha institucioneve arsimore dhe ndalimin e tubimeve me më shumë se 10 personave në zona publike të hapura ose të mbyllura.

Të gjitha bizneset përveç supermarketeve, farmacive, pikave të karburanit dhe bankave janë mbyllur gjithashtu që nga 15 marsi.

Tel Avivi gjithashtu ndaloi hyrjen e shtetasve të huaj në vend, përveç atyre me shtetësi izraelite.

Pas shfaqjes dhjetorin e kaluar në qytetin Wuhan të Kinës, koronavirusi është përhapur në mbarë globin, duke shkaktuar mbi 88 mijë të vdekur, ndërsa mbi 330 mijë janë shëruar deri më tani.


Iran, me 117 vdekje të reja në 24 orët e fundit rritet në 4.110 numri i vdekjeve nga COVID-19

Një nga të mbijetuarit e fundit nga koronavirusi i ri(COVID-19) në Iran është një person 100 vjeçar, i cili sot u lirua nga spitali në provincën veriore të Alborz.

Pasi mori trajtimin në repartin e kujdesit intensiv në Spitalin Sarallah të Universitetit të Shkencave Mjekësore në Alborz, ai u shërua dhe u largua nga spitali, tha agjencia e lajmeve studentore të Iranit (ISNA).

Njeriu 100-vjeçar u raportua të ishte pacienti më i vjetër që u kontraktua me COVID-19 në provincën Alborz deri më tani.

Më parë, një grua 102-vjeçare dhe një burrë 106-vjeçar u shëruan nga sëmundja vdekjeprurëse, përkatësisht në provincat Zanjan dhe Qom.

Irani gjithsej ka raportuar 64.586 infeksione deri më tani, me 4,003 vdekje, sipas autoriteteve shëndetësore.

Gjithashtu 29.812 persona deri më tani janë shëruar dhe janë larguar nga spitalet, ndërsa 3.946 pacientë me koronavirus janë në gjendje kritike.

Spanjë, rritet në 15.238 numri i të vdekurve nga COVID-19, pasi 683 persona humbën jetën në 24 orët e fundit

Lojtarët, trajnerët e Real Madridit dhe disa drejtorë të klubit janë dakorduar për të ulur pagat e tyre pas ndikimit negativ financiar të pandemisë së koronavirusit të ri (COVID-19).

Klubet sportive në të gjithë botën po përballen me pasojat nga përhapja e pandemisë pasi ligat e futbollit dhe garat kryesore janë prolonguar apo janë anuluar.

"Lojtarët dhe trajnerët e ekipeve të para të futbollit dhe basketbollit të Real Madridit, të udhëhequr nga kapitenët e tyre, së bashku me drejtorët kryesorë të departamenteve të ndryshme të klubit kanë rënë dakord të ulin vullnetarisht shpërblimin e tyre për këtë vit nga 10 deri në 20 për qind, në varësi të rrethanave që mund të ndikojnë në mbylljen e sezonit aktual sportiv 2019/20", njoftuan nga klubi spanjoll.

Klubi bën të ditur se është angazhuar që punëtorët e tjerë të klubit të mos vuajnë financiarisht nga kriza e pandemisë.

"Ky vendim, i marrë nga lojtarët, trajnerët dhe punonjësit, shmang masat traumatike që prekin pjesën tjetër të punëtorëve, si dhe kontribuon në objektivat ekonomike të klubit në funksion të uljes së të ardhurave që po vuan këto muaj si rezultat i pezullimit të garave dhe paralizës së një pjese të madhe të aktiviteteve të tij tregtare", shtojnë nga klubi spanjoll.

Në Kinë ku është shfaqur pandemia e koronavirusit të ri (COVID-19) humbën jetën 2 persona tjerë në 24 orët e fundit.

Në një deklaratë nga Komisioni Kombëtar i Shëndetit në Kinë thuhet se në territorin e vendit janë shënuar 63 raste të reja të cilat 61 me burim nga jashtë vendit dhe 2 në rajonin Guangdong.

Si pasojë e koronavirusit dje kanë humbur jetën 2 persona në rajonin Hubei.

Me këtë që nga fillimi i pandemisë në Kinë e deri më tani ka arritur në 81.865 numri i rasteve ndërsa në 3.335 numri i të vdekurve ndërkohë janë shëruar 77.370 persona.

Zbatimi i karantinës prej 76 ditëve në qytetin Wuhan në rajonin Hubei të Kinës ku u shfaq pandemia e koronavirusit u hoq më 7 prill.

Gjithashtu bëhet e ditur se pandemia në Kinë, vendi nga ku u përhap COVID-19 është vënë në masë të madhe nën kontroll.

Gaza përballet me mungesë të mjeteve për diagnostifikimin e COVID-19

Ministria palestineze e Shëndetësisë ka njoftuar se Rripi i Gazës përballet me mungesa të mëdha pajisjesh për diagnostikimin e koronavirusit të ri (COVID-19).

Laboratori qendror në Gaza ka ndaluar testimet pasi kanë përfunduar pajisjet e zbulimit të koronavirusit, u tha përfaqësuesve të mediave zëdhënësi i ministrisë, Ashraf al-Qidra.

Duke theksuar se dhjetëra mostra janë ende në pritje të ekzaminimit, Qidra tha se janë harxhuar 44 për qind e ilaçeve, 31 për qind e mjeteve mjekësore dhe 65 për qind e furnizimeve laboratorike.

Ai shtoi se 1.018 pacientë janë shëruar dhe janë lëshuar nga spitalet.

Qidra gjithashtu tha se palestinezët që kthehen në Gaza nga jashtë, mbahen në karantinë për 21 ditë nëpër shkolla, hotele dhe qendra shëndetësore.

Lufta e Gazës kundër pandemisë së koronavirusit është vështirësuar nga bllokada 13-vjeçare izraelite, e cila ka shkaktuar mungesa të mëdha të ilaçeve dhe pajisjeve.

Bllokada ka shkatërruar ekonominë e enklavës bregdetare dhe ka privuar 2 milionë banorët e saj të lëvizin lirshëm brenda dhe jashtë Gazës, duke parandaluar edhe hyrjen e shumë gjërave elementare.

Ministria palestineze e Shëndetësisë dje njoftoi për dy raste të reja të koronavirusit, duke e çuar numrin e përgjithshëm të rasteve në 263, përfshirë 13 të infektuarit në Gaza.

Ministria e Punëve të Jashtme përmes një kumtese ka njoftuar se janë infektuar gjithsej 500 palestinezë që jetojnë në shtete të ndryshme, ndërsa kanë humbur jetën 23 shtetas palestinezë që jetojnë jashtë vendit.

Për shak të koronavirusit të ri (COVID-19) në Brazil në 24 orët e fundit humbën jetën 133 persona.

Në një deklaratë nga Ministria braziliane e Shëndëtësisë, theksohet se ka arritur në 800 numri gjithsej i vdekjeve të shkaktuara nga virusi dhe se me 2.210 raste të reja ka arritur në 15.927 numri gjithsej i rasteve në vend.

Ministria dje kishte njoftuar gjithsej 667 vdekje si pasojë e kronavisurit.

Brazili i cili ka një popullsi prej 210 milionë banorësh, është vendi më i prekur nga pandemia e COVID-19 në Amerikën Latine.

Brazili është vendi i parë në rajon me rast dhe vdekje nga COVID-19.

Agjencioni Floripress