Raportuesja për Kosovën në Bashkimin Evropian, Ulrichke Lunacek u ka bërë thirrje partive opozitare në Kosovë që ta presin vendimin e Gjykatës Kushtetuese dhe të kthehen në Kuvend.

“Apeloj përfaqësuesve të opozitës dhe Qeverisë që të mos vazhdojnë edhe më tej në eskalim të situatës. Partive opozitare iu rikujtoj në demonstratat tradicionale, e jo të dhunshme që kanë bërë kosovarët”, ka thënë ajo në një deklaratë për media, përcjell KSP

Lunacek ka thënë se tash është në çështja është në Gjykatë Kushtetuese vendimi i së cilës pritet të merret deri në janar të vitit të ardhshëm dhe deri atëherë partitë opozitare duhet që të kthehen në Kuvend.

Lunacek ka thënë se opozita duhet ta mundësojë që puna në Kuvend të vazhdojë siç është rasti rreth buxhetit, që duhet të miratohet për përmirësimin e gjendjes sociale dhe ekonomike të vendit.