I nderuar Zoti Sekretar i Shtetit.
Kam nderin t’iu bej nje permbledhje te shkurter te ngjarjeve qe jane zhvilluar ne Shqiperi kohet e fundit.
Ashtu si edhe me kishin paralajmeruar perpara se te vija ne kete vend, njerezit jane te dashur dhe miqesore, dhe kane nje lloj fetishi te pashpjegueshem ndaj te huajve. E kam fjalen per njerezit e thjeshte, pasi klasa politike, jane ca ngjala qe nuk kapen as me gjethe fiku.
Megjithese formimi im eshte diplomat karriere dhe kultura ime e origjines eshte ajo kineze, çka do te thote qe e njoh artin e perdorimit te gjuhes dykuptimshe, ketu ajo ka arritur majat e saj. Sapo futem ne takim me nje nga perfaqesuesit e forcave politike, te gjithe me pohojne se jane te gatshem, dhe kur dal, nxjerrin ndonje spurdhjak ne TV, nga ata qe nuk i pyet as roja i godines se partise se tyre, dhe me nxjerrin bishta.
Kjo ka te beje sidomos me çeshtjen qe edhe ju vete zoti Sekretar, e quani jetike, siç eshte ajo e reformes ne drejtesi, te cilen e late porosi edhe ne viziten qe bete ketu.
Meqe ra fjala per reformen, perfitoj nga rasti t’iu pyes nese e njihni nje fare Spartak Ngjela. Ai ka nje parti politike dhe del nate per nate dhe flet ne FB, sikur i merr udhezimet direkt e nga ju. Nese eshte e vertete, ju lutem ma beni me dijeni, pasi nuk dua qe te krijojme perplasje.
Per t’iu rikthyer temes, dua t’ju ve ne dijeni se e kam shume te veshtire te marr konsensusin. Ketu jane te gjithe hajdute dhe une vete nuk e kuptoj sesi mund te japin konsensus per nje pune qe do t’i fuse ne burg. Por megjithate, me kane thene nje fraze te famshme te tyre te cilen e kane per zemer shume politikanet e ketushem, qe pak a shume ne anglisht perkthehet “Ku ka ligje ka edhe shtigje”. Mesa duket kjo eshte edhe fabula e tyre. Mendojne se do t’i bejne ligjet por do te gjejne edhe menyrat t’i shmangin.
I nderuar Zoti Kerri.
Kam frike se kjo puna e ligjeve do te perfundoje si puna e dekriminalizimit. Nga ky ligj, ata qe po e hane jane ca ditezinj qe kane bere burg jashte, sepse s’kane ditur gjuhen dhe me parate e fituara andej, kane blere nganje vend pune, te cilin tani po e humbin. Deputetet dhe kryetaret e bashkive qe i kam thene edhe me emra, me ligjerojne çdo dite ekraneve.
Edhe reforma, me duket se do te perfundoje me ca gjykates te Berishes qe ikin dhe te Rames qe vijne.
Gjithsesi, une po e bej timen. Por do ju lutesha, te kini miresine te kuptonit se ne çfare vendi te veshtire punoj. Kjo quhet syrgjynosje. Keta shpesh thone qe kjo lloj kulture e tyre eshte faj i pushtimit turk, por keta turkun do ta binin verdalle 40 here. Kaq te djallezuar jane. Ndaj, kur te mbaroj periudhen e sherbimit, ose me nxirrni ne pension te parakohshem, ose me çoni ne ndonje vend qe te mund te mbledh veten.
Me respekt
Donald Lu
Ambasado
