Ish Rektori i UP-së ,Prof.Dr.Enver Hasani,për një mandat, 100 mijë euro!


Kryetari i Gjykatës Kushtetuese të Kosovës,Prof.dr. Enver Hasani, gjatë një mandati si rektor i Universitetit të Prishtinës ka marrë mbi njëqind mijë euro, pavarësisht se paga e tij mujore ka qenë vetëm pesëqind euro, që për 3 vjet i bie mbi 18 mijë euro.

Për më pak se tre vjet, ai ka përfituar jashtëzakonisht shumë, madje duke arritur që të hyrat brenda një muaji nga shtesat dhe shpërblimet për punë tjera të jenë deri në pesë herë më të larta sesa paga e tij.



Gazetari i Zërit ditor ,z.Jeton Llapashtica, ka siguruar listën e pagave dhe të ardhurave të tjera që ka përfituar prof.dr.Enver  Hasani, sipas së cilës, për ish-rektorin secili vit ka qenë më frytdhënës sesa viti paraprak. Madje, sipas trendit të rritjes së të hyrave nga njëri vit në tjetrin, sikur të rizgjidhej edhe një mandat, xhirollogaria bankare e tij do të “pasurohej” goxha shumë, ndërsa e kundërta do të ndodhte me atë të universitetit.

Kjo duket se ia ka lënë “ëmbël” ish-rektorit, i cili vetëm në fund të vitit 2011 kishte kërkuar nga Qeveria e Kosovës që punëtorët e Gjykatës Kushtetuese të shpërblehen me pagën e trembëdhjetë, për “punën e madhe” që kanë bërë, kërkesë kjo që nuk është realizuar nga ekzekutivi kosovar..

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)