Greqia jep datën kur do të hapen kufijtë tokësore dhe detar me Shqipërinë

Greqia vendosi që të shtyjë deri në 15 maj hapjen e kufijve tokësore dhe detare me Shqipërinë, Italinë dhe Maqedoninë e Veriut.

Sipas njoftimit për shtyp, deri në 15 maj, nuk do të ketë asnjë linjë tokësore apo detare me këto vende. Gjithashtu nuk lejohet as qarkullimi i mjeteve turistike, skafe jahte etj.

Përjashtim bëjnë vetëm shtetasit me pasaportë të këtyre vendeve, të cilët riatdhesohen drejtë vendeve të origjinës, por vetëm nëse plotësojnë deklaratën përkatëse dhe kanë autorizim nga ambasada e vendit përkatës.

Ka shkuar në 105 numri i viktimave nga koronavirusi në Greqi. Gjatë 24 orëve të fundit kanë humbur jetën edhe tre persona, njoftoi përfaqësuesi i Ministrisë së Shëndetësisë për Covid-19, Sotiris Tsiodras.

Ndërkohë u konfirmuan 15 raste të reja dhe numri i përgjithshëm i të infektuarve ka shkuar në 2,207.

Sipas Tsiodras, 69 pacientë janë të intubuar, ndërsa 33 pacientë kanë dalë nga terapia intensive.