Kundërpërgjigje qëndrimit antishqiptar të Akademisë së Shkencave në Maqedoni, e cila pretendon se Nënë Tereza nuk është shqiptare. Meqë, vetë kryetari i kësaj akademie, Taki Fiti, thotë se i ka ardhur në majë të hundës nga propaganda politike e Tiranës zyrtare, e cila pretendon se Agnes Bojaxhi është një shqiptare etnike, thënia e tij e paskrupull të bën të mendosh se ai që s’e din identitetin e vet, këtë ua mohon edhe të tjerëve, ose shkurt e shqip: “rrëmbe nga të mundesh, shtrembëro e gënje, por vetëm shqiptarëve mos ua lërë vlerat, që ua njeh e tërë bota”! Nga ky parim nisen sllavomaqedonët, vetëm e vetëm që ta zbehin, në këtë rast origjinën shqiptare të së Shenjtës Nënë Tereza! Por, më sa mëshifet Dielli me shoshë, aq mund të fshihet përkatësia kombëtare e Nënë Terezës! Meqë ky farë pseudoshkencëtari vetë është në krizë të identitetit të vet, këtë ua mohon edhe të tjerëve, sepse ka shpirt ultranacionalisti. Para pak ditësh, në një fjalim në Akademinë e Maqedonisë, Taki Fiti thotë se Nënë Tereza ka lindur në Shkup dhe nuk është shqiptare, duke shtuar se babai i saj, Nikolla Bojaxhi është një vllah maqedonas dhe nëna e saj, e lindur në Shkup, ka prejardhje të përzier, maqedonase dhe shqiptare. Sipas tij, interesant është fakti se të afërmit e mbetur të Nënë Terezës, përfshirë edhe stërnipin e saj që ka një dyqan bizhuterish në Shkup, nuk flasin shqip. Vetë Taki Fiti thotë se këto pretendime të Shqipërisë i merr si personale pasi ai është vetë një vllah etnik maqedonas. Po, ky nuk është aspak i sigurtë për këto që thotë, sespe as vetë nuk e di ç’përkatësia etnike i takon?!!!! Në të vërtetë ky TAKI FITI shëmbëllen me dhelprën, e cila kur iu kall bishti, tha “u kall tërë bota”!
No comments:
Post a Comment