Kryetari i Këshillit për Kosovën në Kuvendin e Serbisë, krimineli ordiner Millovan Drecun i quan “shqetësuese” deklaratat e e sekretarit të ri amerikan të Mbrojtjes, James Mattis.për Kosovën e Serbinë

Kryetari i Këshillit për Kosovën në Kuvendin e Serbisë, Millovan Drecun, e cilësoi si “shqetësuese” deklaratën e sekretarit të ri amerikan të Mbrojtjes, James Mattis.

Mattis ka thënë se dialogu i Kosovës dhe Serbisë u mundëson të dyja vendeve të ecin përpara kah integrimet evropiane, por ka kujtuar se tema e pranimit të sovranitetit të Kosovës nga ana e Serbisë do të aktualizohet para anëtarësimit në Bashkimin Evropian.

“A do të thotë kjo se administrata Trump do të heqë dorë nga qëndrimi i deritashëm i SHBA-së, që të mos bëhet presion dhe të mos i kërkohet Serbisë njohja e Kosovës? Nëse vjen deri te një zhvillim i tillë i ngjarjeve, do të ishte një trend negativ”, tha Drecun për televizionin e Serbisë.

Gjykuar nga deklaratat e zyrtarëve të rinj amerikanë, Drecun shtoi se administrata Trump do të ndjekë politikën e administratës së mëparshme sa i përket Kosovës dhe se për SHBA-në, pavarësia e Kosovës “është një gjë e kryer”.

“Këtu do të kemi vazhdimësi; do të thotë, pavarësia e ashtuquajtur e Kosovës është një gjë e kryer dhe SHBA do të vazhdojë ta trajtojë Kosovën si shtet”, tha Drecun, transmeton Shërbimi i Ballkanit i Radios Evropa e Lirë.

Ndërsa kohë më parë(16.01.2017 ) Policia e Kosovës, me qëllim informimin e drejtë të opinionit publik lidhur me deklarimet e Milovan Drecun të publikuara  me (16.01.2017) në disa portale të ndryshme, ku deklaron ndër të tjera: “Njësiti i ROSU shërbehet me metoda terroriste dhe janë faktorë destabilizues, vetë kjo njësi i ka vendosur eksplozivët dhe pastaj i ka krijuar videot”, reagon fuqishëm ndaj kësaj deklarate të pavërtetë dhe sqaron me sa vijon:

Policia e Kosovës është institucion i zbatimit të ligjit dhe në mandatin e saj ligjor ka për mision ruajtjen e rendit dhe sigurisë publike, sigurinë e përgjithshme, ndër to duke përfshirë edhe kontrollin dhe mbikëqyrjen e kufijve të shtetit.

Lidhur me rastin e paralajmërimit të qarkullimit të trenit nga Serbia për në Republikën e Kosovës (RKS) me datën 14.01.2017, Policia e Kosovës ka ndërmarrë të gjitha veprimet konform Kushtetutës së Kosovës, ligjeve në fuqi dhe planit operacional, për të garantuar rendin kushtetues, sigurinë e përgjithshme, në rastin konkret për parandalimin e qarkullimit të trenit ilegal për në territorin e Republikës së Kosovës.

Siç e kemi sqaruar edhe më parë, po e ritheksojmë dhe sqarojmë se referuar situatës së krijuar rreth qarkullimit të trenit, ka pasur deklarime dhe publikime të informacioneve të ndryshme në portalet dhe mediumet serbe, se është vendosur mjet shpërthyes (është minuar hekurudha) në territorin e RKS-së, ku për këtë Policia e Kosovës me të gjitha njësitet e saja relevante policore, duke përfshirë edhe mjetet dhe pajisjet logjistike, ka ndërmarrë veprimet e saja, me qëllim të identifikimit dhe sqarimit të rrethanave të krijuara, mirëpo nuk ka hasur në asnjë mjet shpërthyes në dhe përgjatë hekurudhës në territorin e RKS-së.

Policia e Kosovës edhe një herë demanton fuqishëm deklaratën e Milovan Drecun dhe të gjitha deklarimet e zyrtarëve politikë serbë, të cilat kanë deklaruar dhe publikuar informacione se kinse qytetarët e Kosovës dhe Policia e Kosovës kanë vendosur mjet shpërthyes, me qëllim të parandalimit të futjes së trenit në Kosovë, deklarata këto të cilësuara si dezinformuese dhe të pavërteta.

Policia e Kosovës mbetet e përkushtuar në realizimin e të gjitha detyrave dhe obligimeve të saja ligjore dhe kushtetuese.

Prandaj, konsiderojmë se opinioni publik duhet të informohet drejt dhe korrekt, dhe në asnjë rast të vetëm nuk duhet dezinformuar si në rastin konkret nga z. Drecun dhe disa mediume serbe, thuhet në njoftimin për opinion të Policisë së Kosovës.