Liliana Hoxha: Kadare s’asht patriot. Ka pergjegjesi per vrasjen e poetit Havzi Nela

Ju pëlqejnë artikujt e publikuar tek Kosova tek AlbEmigrant? Regjistrohu tek KosovA tek AlbEmigrant me Email

E reja e diktatorit Enver Hoxha, Liliana Hoxha, grueja e djalit të tij Sokolit, me nji letër të hapun publike sjell fakte e dëshmi tmerrësisht akuzuese për shkrimtarin të cilin Kosova e konsideron “babë” – Ismail Kadare.

Liliana Hoxha e fillon këtë letër tue e kualifikue Kadarenë si – jopatriot. “Kadare nuk ka qenë ndonjihere patriot. Nuk du me u ndal në këtë që thashë, por roli i tij, sidomos përgjithësisht që nga viti 1990, asht ai i nji luftënxitësi të pashërueshëm për shoqninë shqiptare, si e kam thanë edhe herave tjera, n’emën të çuditërisht antikomunizmit. Mendoj se këtë ai e ban thjesht për interesa personale…”, shkruen mes tjerash zoja Hoxha.

Ajo e akuzon edhe për qëndrimet e tij ndaj Enverit, ndaj kohës së tranzicionit, por akuza ma e randë që deri sot i bahet shkrimtarit Ismail Kadare, asht ajo me të cilën Liliana Hoxha e akuzon se Ismail Kadare ka dorë në vrasjen e Havzi Nelës, poetit kuksjan të cilin në vitin 1988, në qendër të Kukësit e vjerrin dhe e mbajnë 3 ditë vjerrë me i tmerrue kuksjanët.

Qe çka shkruen Liliana Hoxha për vrasjen e poetit Havzi Nela (po e sjellim n’origjinal, tosknisht):

“…I adhuruari shkrimtari im me dimensione botërore Ismail Kadare! Mbërritëm këtu ku nuk do desha kurrë!

Edhe pse s’kam dashur të merrem me ju si person, detyrohem të merrem me ju si person… Ju e dini se ka pasur poetë disidentë të mirëfilltë që nuk arritën të kenë nderin të bëjnë kontratë morale me popullin e tyre, mbetur anonimë të diktaturës, por që ruajtën me çdo çmim kontratën me veten, për lirinë e tyre popullore. Ndaj do t’iu lutesha të ndërmerrni zbardhjen e terrorit masiv ndaj poetit Havzi Nela në gusht të vitit 1988, pas vdekjes së E.Hoxhës. Ju si nënkryetar i Frontit Demokratik e dinit më mirë se unë, që me urdhër të R.Alisë trupi i tij mbeti i varur në funksion të terrorit e panikut psikologjik për 3 ditë në sheshin e Kukësit. Nëse gjatë genocidit komunist firmoste Manush Myftiu (padyshim për rastet kryesore me dijeni apo “urdhër” të E.Hoxhës), me çfarë urdhri u detyrua të firmosë R.Alia personalisht ekzekutimin e djalit të ri plakur burgjeve, pikërisht kur hirësia juaj do të “inicionit” rrëzimin e sistemit totalitar duke sjellë shpresën e demokracisë…
Sikur vetëm këtë çështje të përfaqësoni në analizat apo veprat tuaja, do të ishte shërimi i përgjithshëm. Sepse regjimi komunist personifikohet me E.Hoxhën. Por faji nuk është vetëm i tij, por i R.Alisë, N.Hoxhës e sipas hierarkisë i të tjerëve me radhë, i juaji Z.Kadare, si përfaqësues i të gjithë nomenklaturës politike të vjetër e të re, përveç elitës.”