2016-10-08

50 kg kanabis në banesën e kushërinjve të deputetit Xhemal Qefalia,ministri i brendshëm Saimir Tahiri fshehu ngjarjen

selia-e-pd-847x477

Partia Demokratike ka akuzuar ministrin e Brendshëm, Saimir Tahiri se ka fshehur një ngjarje të rëndë të ndodhur pasditen e sotme, ku sipas PD, 50 kg lëndë narkotike e llojit kanabis sativa e tharë është gjetur në banesën e kushërinjve të deputetit socialist, Xhemal Qefalia.

Sipas PD, droga është gjetur në Priskë të Zall Herrit, ku është arrestuar shtetasi Haxhi Qefalia, por ministri Tahiri sipas demokratëve, e ka urdhëruar mbajtjen të fshehur të këtij informacioni.
Image result for Xhemal Qefalia.
Xhemal Qefalia

“Edhe sot që raporti i monitorimit ajror tregon pesëfishim të sipërfaqes së drogës, Saimir Tahiri është sërish në shërbim të trafikantëve.
Tahiri po mundohet të mbajë të fshehur një ngjarje që ka ndodhur pasdite, në mënyrë që të lehtësojë rrethanat e kushërinjve të deputetit Xhemal Qefalia në banesën e të cilëve është gjendur 50 kg kanabis sativa e tharë.
Droga është kapur pikërisht në Priskë të Zall Herrit, ku ata kanë banesën. I ndaluari është Haxhi Qefalia, por Tahiri ka bllokuar daljen e informacionet dhe po bëhen të gjitha ndërhyrjet për ta nxjerrë të afërmin e deputetit.
Partia Demokratike e dënon ashpër këtë shërbim kriminal të urdhëruar nga Saimir Tahiri.
I kërkojmë policisë të bëjë transparencë të menjëhershme për ngjarjen.
Partia Demokratike e nxit prokurorinë të hetojë rastin dhe të ndalojë ndërhyrjet politike e presionet e Saimir Tahirit në këtë çështje”, thuhet në njoftimin e PD.

***

























Deputeti i PS, Xhemal Qefalia ka reaguar për Ora News në lidhje me akuzat e PD, se kushërinjtë e tij u kapën me 50 kg kanabis të tharë në banesë. Qefalia tha se nuk ka asnjë lidhje me personat që PD i akuzon për drogë, ndërsa tha se për këtë shpifje do bëjë denoncim dhe do të cojë PD në gjyq.
Qefalia i bëri thirrje Prokurorisë të nisë hetimet dhe të zbardhë të vërtetën.
Qefalia: Unë e hedh me neveri këtë shpifje të radhës të PD. Është trupi i radhës i kësaj partie që mundohet të njollosë këdo që i del në shteg. Nuk kam asnjë lidhje me personin në fjalë. Nuk e njoh, nuk është pjesë e fisit tim. Fisi Qefalia është i madh, gjendet në të gjithë Tiranën dhe në të gjithë Shqipërinë, por kjo nuk do të thotë se janë kushërinjtë e mi. Nuk kam asnjë lloj kontakti.
Në këto kushte i bëj thirrje Prokurorisë ta hetojë sa më parë dhe të zbardhë të vërtetën dhe për shpifjen që bën PD do ti drejtohem gjyqit për këtë shpifje të radhës. Është një trup dhe absurditet e cila kërkon PD të hedhë mbi deputetin e PS.
Pse pikërisht ju?
Qefalia: Sepse mbiemri Qefalia, këtë ka menduar PD që e ka lidhur me emrin tim.
Është goditje personale ndaj jush?
Qefalia: Kjo është një goditje e radhës sepse PD nuk di ctë bëjë në të tilla situata dhe mundohet të hedhë shashka ndaj secilit përfaqësues të mazhorancës dhe këtë radhë për fatin e keq të mbiemrit Qefalia u deshka që të më bien mua sikur jam kushërinj. Ata janë banor të një komune të Zall herit, ndërsa unë jam banor i një zonë tjetër dhe nuk kam asnjë lidhje dhe së shpejti do merret vesh dhe do vërtetohet që skam lidhje. Është një trup i radhës dhe unë do takohem në gjyq me përfaqësuesit që organiozojnë të tilla shpifje.

I ndjeri Ismail Kadare, ose shkrimtari që i zgjati jetën regjimit komunist

Kërko brenda në imazh Nga Flori Bruqi Ismail Kadare (28 janar 1936 - 1 korrik 2024) ishte akademik, politikan, ish-deputet i Kuvendit Popull...