Libri shoqërohet me një parathënie nga botuesi Luc Vidal që është poet i njohur francez dhe përmban ilustrime të piktorit shqiptar Anastas Kostandini-Taso.
Në qytetin Nantes të Francës shtëpia botuese “Le Petit Véhicule”, ka nxjerrë në treg përmbledhjen me poezi me titull “Une cloche à ton cou”, shkruan sot Koha Ditore. Libri është dygjuhësh, në shqip e frëngjisht, përderisa poezitë e Vincës janë përkthyer nga Aleksandër Zoto.
Sipas njoftimit nga botuesi, libri shoqërohet me një parathënie nga botuesi Luc Vidal që është poet i njohur francez dhe përmban ilustrime të piktorit shqiptar Anastas Kostandini-Taso. Ilustrimet janë të punuara sipas motiveve të poezive: “Zogjtë”, “Baladë për Malin e Thatë”, “I jashtëzakonshëm”, “Psalm për Shën Naumin”, “Plepat e vendlindjes”, “Udhëtimi i fundit i motrës sime”, “Qentë e Sodomës”, “Të shkosh në Pogradec”, ” Ç’ka që vajton kjo erë e marrë”, “Sërish”, “Kur jam me ty” e poezi të tjera. Në 170 faqe, poezitë e Vincës janë përmbledhur në një botim luksoz, i cili lexuesve francezë u ofrohet për një çmim prej 25 eurosh.
Së fundmi, krijimtaria e Vincës është botuar edhe në Greqisht. “Mashat” është titulli i përmbledhjes me poezi që është botuar nga shoqata e emigrantëve shqiptarë “Emigranti” në Patra të Greqisë. Përzgjedhjen e poezive sikurse edhe përkthimin nga shqipja në greqisht e ka bërë poeti dhe përkthyesi i njohur shqiptar që jeton në Greqi, Iliaz Bobaj.
Fitues i çmimit kombëtar për letërsi “Azem Shkreli” për vepër jetësore në vitin 2014. Në panairin kombëtar të librit “Fieri 2015” në Fier, romani “Grahma e fundit” i shkrimtarit francez Romain Gary, i përkthyer nga Vinca, u shpall libri më i mirë i përkthyer gjatë vitit 2015
*****
Agim Vinca është njëri nga poetët e njohur bashkëkohorë shqiptarë dhe njëri ndër studiuesit më të dalluar të letërsisë shqipe. Agim Vinca merret edhe me përkthime letrare. Jeton dhe punon në Prishtinë.
Tituj të veprave
Feniksi (poezi, 1972)
Bregu i mallit (poezi, 1975)
Në vend të biografisë (poezi, 1977)
Aspekte të kritikës sonë (studim, 1977)
Qasje (kritikë, 1980)
Buzëdrinas (poezi, 1981)
Struktura e zhvillimit të poezisë së sotme shqipe (1945-1980) (monografi historiko-letrare, 1985)
Iz savremene albanske poezije u Jugoslaviji (antologji, Sarajevë, 1985)
Arna dhe ëndrra (poezi, 1987)
Orët e poezisë (kritikë letrare, 1990)
Populli i pandalur (publicistikë, 1992)
Alternativa letrare shqiptare (kritikë letrare, 1995)
Kohë e keqe për lirikën (poezi, 1997)
Shqiptarët mes mitit dhe realitetit (publicistikë, 1997)
Dri' (poezi, përzgjedhje, Tiranë, 1999)
Sonet i vetmuar (poezi të vjetra dhe të reja, 2001)
Kurs i teorive letrare. Prej antikës deri te postmodernizmi (libër teorik, 2002)
Panteoni i ideve letrare (libër teorik, 2003)
Fije të pakëputura (sprova letrare dhe kulturore, 2004)
Kënga e hapur (antologji e komentuar, 2005)
Psalmet e rrënjës (poezi, 2007)
Psalmet e rrënjës (poezi, 2007)
(Po)etika e fjalës, (publicistikë, 2010)
Arti i reagimit (publicistikë, 2011)
Etj.
