Agustin

From: vaso papaj <vasopapaj@yahoo.it>
To: Flori Bruqi <floribruqi@yahoo.com>
Sent: Thursday, 11 April 2013, 7:52
Subject: Re: Agjencioni Floripress: Fenomeni i gjakmarrjes në Shqipëri(Debat publike)

Faleminderit! Ja dhe nje poezi te fundit, ndoshta me kete teme:

Agustin

 

 

Agustin!

Katër mure, mik me hiçin, në një odë me lagështinë,

Bora hesht, bora rëndon, mbi pullaz zgërlaq çatinë.

Nga poshtë dheu e rrëmben, po e çon nëpër rrëpinë,

Agustin.

 

 

Agustin!

Një e çarë aty në mur, nga lart poshtë si zhgarravinë,

Muri pis, si dërrasë e zezë dhe ti vetëm psherëtin,

Por mbi kryq Krisht i gozhduar sikur të largon vetminë,

Agustin.

 

 

Agustin!

Sonte ma rrëmbeve gjumin, ma afrove Perëndinë,

Që kur the me sy të shuar: “e lashë shkollën”, malet nxinë,

Qiellin e zura me duar e gozhdët duke kërkuar, shpalla zinë,

Agustin.

 

 

Agustin!

Pse në fshat rri i gozhduar, si një Krisht në Dukagjin.

Kush aq fort të ka ngujuar, humbur librat, dashurinë?

As trumcakë s’kanë cicëruar, ngrirë e tharë përmbi qershinë,

Agustin.

 

 

Agustin!

I harruar në shpat mali, një qen vetëm angullin.

Çantën sheh me sytë e shkruar, në gozhdë varur, Krishtin fqinjë.

Gozhdë që kurrë nuk u mbaruan, duar shpuan, zemra ngrinë,

 Agustin.

 

---

Da: Flori Bruqi <floribruqi@yahoo.com>
A: "sterkala@yahoogroups.com" <sterkala@yahoogroups.com>
Inviato: Mercoledì 10 Aprile 2013 23:59
Oggetto: Agjencioni Floripress: Fenomeni i gjakmarrjes në Shqipëri(Debat publike)

Agjencioni Floripress Fenomeni i gjakmarrjes në Shqipëri