XHEMALI ABEDIN BEQIRI-1929-1987[1]

...Në gjysmën e dytë të muajit qershor të vitit 1949 si bashkëveprimtarë me të akuzuarit Sadudin Gjurën dhe Sabri Ramizin janë takuar dhe ka kuptuar me çka është pajtuar të jetë anëtar i organizatës LIRIA. Si i tillë më të akuzuarit Izmit Bajrami dhe Abdylselam Skenderi në Tetovë formojnë grupin ku edhe shumë herë kanë mbajtur takime me çka kanë shperndarë materiale me përmbajtje armiqësor. Janë lidhur me personin Nexhat Idrizin nga fshati Gajre dhe me Xhemaludin Beqirin nga fshati Recicë e Madhe dhe i inkuadrojnë në grupin e tyre dhe se janë përpjekur që të themelojnë grupe në dy fshatrat e përmendur dhe se u ka dhënë detyra operative personave në fjalë... [2]….Po ashtu Murat Isaku formon treshin në Reçicë të Madhe dhe atë me Xhemail Beqirin nga Reçica e Madhe, i cili ishte përgjegjës i Inspeksionit Tregtar që atëherë kishte njëfarë policie finaciare, por edhe ishte mjaft njeri intelegjent dhe Hafëz Asllanin, i cili ishte ortar nga Reçica e Madhe…[3]…Pas tradhtisë që ndodhi për mosrealizimin e marrëveshjes Tito-Enver Hoxha për bashkimin e tokave shqiptare deri ku flitet shqip, fillon të merret me aktivitete politike ilegale që kishin të bëjnë me bashkimin e trojeve shqiptare. Në këtë kohë njihet me bashkëmendimtarët e tij si: Sadudin Gjura, Xhelaludin Gjura (Shipkovicë), Murat Isaku (Gajre), Xhemali Beqiri (Reçicë), Izmit Bajrami (Lisjan i emigruar në Shqipëri), Haki Etemi, Esat Idrizi, Idriz Idrizi(të gjithë nga Ballishti) ky i fundit ka emigruar në Shqipëri. Të gjithë këto kanë vepruar në Organizatën Ilegale të quajtur “ILIRIA” me seli në Tetovë, dhe me celua veprimi në Kosovë, Luginë të Preshevës, Vrajë e …[4]

Xhemali Beqiri lindi më 1929 në fshatin Reçicë e Madhe, ku edhe kreu shkollën fillore. Pas viti 1945 punoi në Komititin e Rinisë në Komunën e Tetovës. Përshka të veprimtarisë kombëtare në Organizatën Ilegale Politike Kombëtare “LIRIA”, u dënua me burg të rëndë në vitin 1951/52 qëndroi në burgjet e Idrizovës dhe në Goli Otok.Në vitin 1957, punësohet si mësues në fshatin Kapaçindoll të komunës së Tetovës, ndërsa më vonë në fshatrat e Korabit të Rekës së Epërme, nëpër fshatrat e Malësisë së Sharrit e kështu me radhë. Në vitin 1967 regjistrohet në shkollën e Lartë Pedagogjike në Shkup, e kreu me sukses dhe përsëri iu kthye detyrës së mësuesisë. Punoi deri para se të vdes në arsim. Vdiq në vitin 1987.

[1] /Shënime nga: SHOQATA E PEDAGOGËVE SHQIPTARË-TETOVË, MONOGRAFI “VETERANËT E ARSIMIT SHQIP TË PERIUDHËS 1940-1960 NË TETOVË DHE RRETHINË”-Tetovë,gusht,2000, f. 86/

[2] /fregment i shkëputur nga aktakuza D 7592, K.BR. 27/52 /

[3] /fregment i shkëputur nga aktakuza D 7592, K.BR. 27/52 /

[4] / fragment nga biografia e Abdylselam Skenderi/

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)